【香港四季酒店半自助午餐優惠】Black Friday 9 折每位 HK$568!小編試食 Gallery 全新法式半自助午餐,任食芝士、凍肉及精緻甜品

香港四季酒店 Gallery 全新半自助午餐推出 Black Friday 9 折優惠!折後每位只需 HK$568(已連服務費)!小編今次親身去體驗,前菜可以任食多款時令沙律、煙三文魚、意式凍肉及法國手工芝士,主菜則可自選香煎美國西冷牛扒、經典法式烤雞或焗千層麵,由侍應送到座位,最後仲可以任食多款精緻甜品,包括黑森林蛋糕、法式撻、馬卡龍等!11 月 29 日前經四季酒店 Eshop 訂半自功午餐仲有 Black Friday 優惠至,餐券有效期至 2026 年 12 月 31 日。
香港四季酒店 Gallery 全新半自助午餐
餐廳用餐環境舒適,食物擺盤亦相當精緻,前菜同芝士選擇多,主菜有水準,感覺比一般自助午餐更加悠閒,適合約朋友食飯或者慶祝特別日子。因為主菜會定期更換,小編體驗當日有香煎美國西冷牛扒、經典法式烤雞或焗千層麵 ( 3 選 1 )。

前菜任食!煙三文魚、時令沙律、法國芝士及意式凍肉
前菜區係今次半自助午餐其中一個賣點,提供多款時令沙律、煙三文魚、意式凍肉及手工芝士,當中包括由法國 Les Frères Marchand 提供嘅精選法國芝士,仲有麵包、水果及各式配料。小編覺得前菜選擇相當有誠意,唔係一般簡單沙律吧,無論鍾意食芝士、凍肉定清新沙律,都有唔少選擇。
▼煙燻三文魚配薯仔沙律係其中一款前菜! 以煙三文魚配搭薯仔、醃漬蘿蔔及香草。

▼凍肉區擺滿多款歐陸風味冷盤! 有意式莎樂美腸、風乾火腿及其他精選凍肉,旁邊仲有醃青瓜、橄欖及水果配搭,鍾意食歐陸美食嘅朋友應該會幾滿意。

▼法國芝士區亦相當有睇頭! 提供多款軟芝士、藍芝士及硬芝士,配上新鮮無花果、果乾及香草,單係芝士區已經值得慢慢試。

▼沙律區唔止有一般蔬菜沙律! 呢款地中海墨魚沙律加入柑橘、卡拉馬塔橄欖、芝麻菜及炭燒檸檬汁,配搭幾有特色,食落口味亦比較清新。

▼意式凍肉區嘅擺盤相當精緻! 多款火腿整齊放喺木板上,仲有醃製配料,可以自行配搭不同味道。

▼小編第一碟就揀咗幾款冷盤試食! 包括煙三文魚、火腿、芝士及新鮮生菜,可以按照自己喜好自由配搭。

▼除咗冷盤,仲可以自行享用麵包、芝士及沙律! 小編特別鍾意呢種半自助形式,可以慢慢食前菜,唔使急住揀主菜,成個午餐體驗更加輕鬆。

主菜三選一!香煎美國西冷牛扒、經典法式烤雞及焗千層麵
食完前菜之後,就可以享用由侍應直接送到座位嘅主菜。Gallery 提供三款主菜選擇,包括香煎美國西冷牛扒(Pan Roasted USDA Beef Striploin)、經典法式烤雞(Classic Poulet Rôti),以及焗千層麵(Oven Baked Lasagna)。當中牛扒配有香烤雲南薯角及濃郁牛肉汁,法式烤雞則配上雲南薯角、Sucrine 生菜及雞肉汁。
▼小編今次試咗香煎美國西冷牛扒! 牛扒切開之後仍然帶粉紅色,配上金黃香烤薯角、蔬菜及牛肉汁,份量唔錯,擺盤亦相當精緻。

▼另一款主菜係經典法式烤雞! 雞肉外皮呈金黃色,配上香草、烤薯角及雞肉汁,走傳統法式家庭料理風格,鍾意食烤雞嘅朋友可以考慮。

甜品任食!黑森林蛋糕、法式撻、馬卡龍及多款精緻甜點
食完主菜之後,記得留肚食甜品!Gallery 設有獨立甜品自助區,提供多款法式糕點、蛋糕及精緻甜點,當中包括無花果杏仁撻、蘋果酥皮批、黑森林蛋糕、Banoffee 香蕉拖肥甜品及馬卡龍等。
▼甜品區有法式無花果杏仁撻! 金黃色撻皮配上無花果,旁邊仲有其他精緻甜點,鍾意傳統法式烘焙糕點嘅朋友可以試吓。

▼呢款蘋果酥皮批賣相亦相當吸引! 表面係金黃色酥皮格紋,內裏有蘋果餡,旁邊標示可以配搭香草醬汁,充滿法式甜品風味。

▼朱古力迷一定要留意呢個黑森林蛋糕! 蛋糕外圍以大片朱古力裝飾,頂部仲有車厘子及朱古力碎,賣相非常精緻,睇落已經好吸引。

▼最後仲有多款法式馬卡龍可以任食!旁邊仲有大份量香蕉拖肥甜品。

香港四季酒店|Gallery
地址:香港中環金融街 8 號香港四季酒店
午餐時間:中午 12 時至下午 2 時 30 分