報導第一手酒店優惠消息
分享酒店優惠、訂機票、旅遊攻略


想 Staycation 又可以同時歎米芝蓮三星晚餐,推介大家試試香港四季酒店最新推出的「極致東方之味」,二人房價 HK$4,130(連服務費 HK$4,543),入住全新裝修豪華山景客一晚,包雙人早餐、龍景軒八道菜晚餐、龍景軒手製海鮮 XO 醬一瓶,仲有 IFC 國金商場指定商號專享購物優惠,星期一至四入住可以免費延遲退房至下午 2 點。

今次小編加咗錢升級入住全新裝修豪華海景客房,可以睇到天星碼頭,有送迎賓果盤,而且備品好齊,連手機充電線都有,可以帶少好多嘢!晚餐於全球首間連續十三年獲米芝蓮三星的香港粵菜食府「龍景軒」享用,當中包括有餐廳招牌菜龍帶玉梨香、鮑魚伴和牛面肉、窩貼蝦多士等等,仲可以歎埋極品茗茶「小青柑普洱」或「鳳凰單叢」,超滿足!而早餐小編就揀房內送餐,可以將餐車 Set 窗前,望住個海食勁 Chill~酒店整體感覺真係 100 分。 當日我哋 Check-in 時,酒店職員會先消毒過你的證件先再還返俾你,超級細心。而上次平日去住,泳池都唔使排隊,打個電話俾前台就可以去用。

適用入住日期:即日起至 2021 年 8 月 31 日
官網預訂網址:
https://www.fourseasons.com/zh_hant/hongkong/offers/taste-of-a-dragon/

▼ 訂今次「極致東方之味」,就可以住到剛裝修完成的客房,今次就訂了豪華海景客房

▼望出去就見到天星碼頭

▼房內電視可以有 Screen Mirroring 功能,可以連接手機

▼床頭有 USB 充電位,而旁邊床頭櫃內仲有埋手機充電線,iphone 及 android 手機都用到

▼房內亦有免費提供 Evian 礦泉水、Nespresso 膠囊咖啡及 Mist Valley 茶包,唔夠都可以再打去前台拎㗎

▼仲有一套中式茶具、胎菊茶包同小點心

▼酒類都有唔少,不過就唔係免費

▼迷你吧

▼仲有 BOSE 藍牙音響可以聽下歌

▼洗手間有兩個洗手盤、企缸、浴缸、GHD 風筒等,洗手盤底仲有埋張矮凳,方便女士們可以坐係到化妝同護膚

▼浴缸仲有置物架同枕頭提供,可以邊浸浴邊飲杯野

▼備品是法國頂級香水品牌 Frederic Malle

▼晚餐於米芝蓮三星食府龍景軒享用八道菜(餐牌按此),可以選配特選極品茗茶「小青柑普洱」或「鳳凰單叢」,會有專人為你沖茶同添茶

▼首先有招牌菜龍帶玉梨香,以啤梨、鮮蝦餃、鮮帶子製成,入口彈牙,且鮮味十足。

▼廚師精選三拼包括有豉油皇鴨舌、蜜汁燒叉燒、窩貼蝦多士,其中蝦多士外層超酥脆,入面有原隻蝦肉。

▼菜膽北菇燉竹笙,味道清甜

▼薑蔥蝦球皇,超大隻,一口份量都可以切開三至四件

▼蠔皇南非鮮鮑伴和牛面肉,牛肉好嫩,鮑魚亦好入味

▼上湯杞子浸時蔬

▼X. O. 醬法國乳鴿崧炒米型意粉,其特別在於以中式手法處理西式食材,而且用的是主廚自家設計的X. O. 醬

▼最後甜品有香芒楊枝甘露

▼食完呢個晚餐之後,仲會獲贈龍景軒手製海鮮 XO 醬一瓶,頭先食嘅 X. O. 醬法國乳鴿崧炒米型意粉就係用佢整!

▼而早餐小編就揀於房內享用,每房包兩個早餐套餐(餐牌按此),大家可以提前一晚就打去叫定第二朝早餐同送餐時間,餐車可以 Set 係窗前,望住個海食勁 Chill~

▼小編就叫左一個美式早晨套餐同健康早晨套餐,另外再自費單點咗個點心拼盆 6 件,其中套餐有包埋咖啡或茶

▼住客可以免費使用無邊際泳池,但由於防疫措施有限制人流,住客可以在去游水前先打電話去前台問問使用情況再前往

房價包括:

  • 兩位賓客享用每日早餐
  • 兩位賓客可於龍景軒享用八道菜晚餐
  • 免費獲贈龍景軒手製海鮮 XO 醬一瓶
  • 可於 IFC 國金商場指定商號專享購物優惠
  • 如於週一至週四退房:退房時間延遲至下午 2 時(公眾假期除外)
  • 凡於 2021 年 5 月 1 日至 7 月 31 日期間入住:可獲價值 300 港元的 APM Monaco 產品禮劵

條款及細則:

  • 所有優惠均須視預訂時的房間供應狀況而定,且不得與任何其他優惠或合約同時使用,亦不適用於團體訂房。
  • 房價為每房每晚的價格,會因抵達日期和/或入住天數而異,除非另有說明,否則不含適用之強制性酒店費用(例如度假設施費用或服務費)、小費或政府稅徵收税項、服務費、政府稅費或附加費。
  • 可能收取提早退房費。
  • 房價可能隨時變動,恕不另行通知。

香港四季酒店
地址:中環金融行8號

▼官網預訂網址▼
https://www.fourseasons.com/zh_hant/hongkong/offers/taste-of-a-dragon/

────── 相關文章 ──────
抵呀!用 Agoda App 訂酒店 9 折,即日至 8 月 12 日透過以下連結下載 Agoda App,即會見到 9 折券。下載網址:https://bit.ly/3rHWMnc
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。 ====================
如你有旅遊資訊、旅遊優惠想跟我們分享,歡迎電郵 vincent@runhotel.hk
邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言