這篇主要係寫畀啲唔係好經常去深圳，對深圳各區都唔係太清楚嘅新手朋友。如果你想去深圳玩兩日一夜，但又唔知住邊度好，或者想知道邊間商場附近嘅酒店最方便，就等我哋Runhotel幫你快速整理一篇懶人包，方便你搵深圳酒店。

羅湖區

「首先，我哋會將深圳分成幾個區域（包括羅湖、福田、深圳灣，遲些會再講大梅沙同南澳）來介紹。先講下大家比較熟悉嘅羅湖區。

講真，羅湖嗰邊其實冇乜咩新酒店，大部分新酒店都集中喺福田或者南山區。

講到羅湖口岸，如果你想住質素好啲嘅，羅湖站一出嚟行大概300米就會見到香格里拉，雖然呢間香格里拉開咗好多年，但保養得非常好。不過，如果想住得平啲，就隔離街上2023年新開嘅柏高酒店，一晚$300至$400就搞掂，要求唔高嘅話，值得一試。」

深圳香格里拉大酒店預訂網址：https://hk.trip.com/hotels/shenzhen-hotel-detail-345032/shangri-la-shenzhen-hotel/
柏高酒店預訂網址：https://hk.trip.com/hotels/shenzhen-hotel-detail-105894028/paco-hotel/

▼深圳香格里拉酒店

▼柏高酒店

東門區域

「之後講到好多香港人鍾意去嘅東門，有間深圳羅湖東門君亭尚品酒店（Shenzhen Luohu East Gate Junting Shangpin Hotel），一晚大概四百幾蚊，2023年先開業嘅，質素一般，平平哋可以考慮下。再講東門，質素其中之一最高嘅肯定係Hyatt Place，呢間酒店就喺東門站H出口嘅1234 Space 商場樓上，地點超級方便，又寬敞舒適，隔音效果好，房間又大，價錢大約$700左右一晚。附近仲有間五星級嘅萬麗酒店，喺金光華隔籬。仲有YouTuber介紹過嘅昱泰酒店公寓，2023年新開，位於東門步行街嘅另一邊，喺老街站C出口附近。」
昱泰酒店公寓（東門步行街羅湖口岸店）：https://hk.trip.com/hotels/shenzhen-hotel-detail-112072889/yuntai-hotel-apartment/
深圳羅湖東門君亭尚品酒店：https://hk.trip.com/hotels/shenzhen-hotel-detail-110512961/shenzhen-luohu-east-gate-junting-shangpin-hotel/
深圳東門凱悦嘉軒酒店：https://hk.trip.com/hotels/shenzhen-hotel-detail-974626/hyatt-place-shenzhen-dongmen/
深圳彭年萬麗酒店：https://hk.trip.com/hotels/shenzhen-hotel-detail-425224/the-panglin-hotel/

▼深圳羅湖東門君亭尚品酒店

▼深圳東門凱悦嘉軒酒店

咁除咗以上提供嘅酒店，羅湖區其實都有啲高質但未去到五星級咁貴嘅酒店。例如深圳羅湖木棉花酒店，或者深圳NOA諾亞酒店都係唔錯嘅選擇。羅湖區好多人成日去嘅萬象食家，附近就係頭先提到嘅深圳NOA諾亞酒店。
深圳羅湖木棉花酒店：https://hk.trip.com/hotels/shenzhen-hotel-detail-472815/hotel-kapok-shenzhen-luohu/
深圳 NOA 諾亞酒店：https://hk.trip.com/hotels/shenzhen-hotel-detail-96803217/noa-hotel-shenzhen/

▼深圳羅湖木棉花酒店

▼NOA 諾亞酒店

 

福田區

好，去到福田區。福田區就多咗好多酒店介紹，首先講下好多香港人去嘅領展中心城、連成新天地，同 Coco Park 嗰邊。嗰邊係深圳嘅商業中心，差唔多等如我哋香港嘅中環，所以四季酒店、深圳麗斯卡爾頓、大中華喜來登酒店、瑞吉酒店、福田香格里拉、同Hilton，都係圍繞喺呢一區，全部都係貴嘅五星級酒店。
深圳星河麗思卡爾頓酒店：https://hk.trip.com/hotels/shenzhen-hotel-detail-347435/the-ritz-carlton-shenzhen/
深圳大中華喜來登酒店：https://hk.trip.com/hotels/shenzhen-hotel-detail-371233/sheraton-shenzhen-futian-hotel/
深圳大中華希爾頓酒店：https://hk.trip.com/hotels/shenzhen-hotel-detail-2907839/hilton-shenzhen-futian/

▼深圳大中華喜來登酒店

不過呢邊嘅五星級酒店，價錢都相差幾大，好似深圳四季酒店，最平都係千幾蚊一晚，同埋瑞吉酒店都唔貴嘅，因為始終兩間酒店真係有啲舊。而會展中心附近最新之一就係Park Hyatt，所以亦都係全區最貴嗰間，深圳柏悦酒店（Park Hyatt Shenzhen）長期都係要二千幾蚊一晚以上。如果真係要住呢區，基本上大家睇價錢已經反映咗嗰質素。
深圳柏悦酒店：https://hk.trip.com/hotels/shenzhen-hotel-detail-38808142/park-hyatt-shenzhen/

當然四季酒店同瑞吉酒店係無問題既，唔介意舊式裝修（即係酒店仲用深色地毯），都可以體驗既。又或者你帶住老人家，一條街都唔想行得多嘅，四季酒店對面就係領展中心城，又真係好方便既。而瑞吉酒店就連接地鐵大劇院站同埋 KKmall 商場，真係就算落雨打風都會去到。近會展中心站仲有間皇庭 V 酒店。
深圳四季酒店：https://hk.trip.com/hotels/shenzhen-hotel-detail-485036/four-seasons-hotel-shenzhen/
深圳皇庭 V 酒店：https://hk.trip.com/hotels/shenzhen-hotel-detail-385210/wongtee-v-hotel/

▼深圳四季酒店

而近 Coco park ，隔一條街，就有深圳好日子皇冠假日酒店，好日子皇冠假日酒店大堂剛剛 2023 年翻新過，酒店有泳池。
深圳好日子皇冠假日酒店：https://hk.trip.com/hotels/shenzhen-hotel-detail-347428/crowne-plaza-shenzhen-futian/

▼深圳好日子皇冠假日酒店

▼需要浸浴嘅朋友仲可以問酒店職員拎一次性浴缸套

講完會展中心站、購物公園站，就講吓都多香港人去打卡嘅深業上城。深業上城都算係親子商場，筆者都有帶過自己小朋友去，深業上城有最大間既 Meland ，有 G Jump 彈跳樂園，食野餐廳又有專食片皮鴨既金鴨貴。深業上城連接兩間酒店，一間就係 Muji，Muji 唔洗多講，日式風格，喺深圳來講都算係中上嘅酒店，一千一晚左右，而講到另一間，就係2023年新開嘅深圳文華東方酒店，如果要搵商場連住嘅酒店，可以一行到攰就番酒店，呢個商場就可以考慮呢度。不過深業上城有一個唔好處，雖然話就話係「冬瓜岒站」上蓋，但其實由商場行去「冬瓜岒站」，地下通道都要行幾遠 （類似銅鑼灣站出去時代廣場咁，都要行一段路）。
深圳文華東方酒店：https://hk.trip.com/hotels/shenzhen-hotel-detail-6871203/mandarin-oriental-shenzhen/
深圳 Muji 預訂網址：https://hk.trip.com/hotels/shenzhen-hotel-detail-15228580/muji-hotel-shenzhen/

▼深圳無印良品酒店(Muji Hotel Shenzhen)

福田仲有冇其他地鐵站上蓋有商場，上邊附近又有商場有嘢行，上面又係酒店咁方便呢？有！ 可以考慮世界之窗站，益田假日廣場。
世界之窗站上蓋就係益田假日廣場，益田假日廣場多食店，又多親子商店。而佢對面一出就係世界之窗，歡樂谷。商場上蓋就係深圳益田威斯汀酒店(Westin Hotel)，隔離就係深圳威尼斯英迪格酒店，深圳威尼斯英迪格酒店喺上年翻新過，打做到成個好似歐洲威尼斯咁樣，非常之靚。 就係益田假日廣場隔離。 呢兩間酒店都有泳池，hea 返日都唔錯。深圳威尼斯英迪格酒店仲有個少少賣點，就係可以望世界之窗嘅房型，逢星期六可以睇到世界之窗放嘅煙花，都幾特別既。
深圳威尼斯英迪格酒店：https://hk.trip.com/hotels/shenzhen-hotel-detail-347272/the-westin-shenzhen-nanshan/
深圳益田威斯汀酒店：https://hk.trip.com/hotels/shenzhen-hotel-detail-347272/westin-hotel/

▼深圳威尼斯英迪格酒店

▼室外泳池

▼ 世界之窗，酒店露台望到嘅世界之窗景觀

▼酒店旁邊就係益田假日廣場，裡面有條食街，基本上全部最 heat 嘅嘢食嘢飲係呢個商場都有！（包括有桂滿隴、四季椰子雞、湊湊火鍋、西貝莜面村、 Gaga 等都有）。

咁新深圳都有啲唔使去咁遠嘅度假酒店，其中一間就係華僑城洲際酒店，酒店有自己嘅沙灘，仲有高級餐廳。帶小朋友去玩，兩日一夜都冇問題。
深圳華僑城洲際大酒店：https://hk.trip.com/hotels/shenzhen-hotel-detail-371244/intercontinental-shenzhen/

另外之前介紹過 10 大深圳親子酒店，想知邊間酒店有滑梯，多親子設施，可以參考呢篇先，資料就唔係呢度重複再講喇。https://www.runhotel.hk/bayarea/shenzhen-kids-family-hotels/

▼深圳華僑城洲際大酒店，酒店超大，有沙灘，有泳池，完全好似入左渡假村一樣，最特別就是酒店擁有一架超大既船。

▼ 酒店有 540 間客房，面積由 55 至 668 平方米，每間客房都有大落地玻璃窗、露台同大浴缸，今次小編住嘅客房景觀超好，唔講真係以為自己出咗國旅行！ 

▼ 圓形大浴缸，兩個人浸，或者一家大細一齊浸都夠位呀

深圳灣

跟住講深圳灣，預計深圳灣口岸2024年10月就會有地鐵站，到時相信會有好多人鍾意喺深圳灣口岸過關，因為深圳灣口岸細，過關超快（用過就知我講乜嘢），基本上大部份新酒店靚酒店都喺晒南山區一邊，南山係深圳有錢人住嘅地方，所以啲酒店都係貴價嘅。如果你想住高級嘅酒店，呢邊會有更多嘅選擇。

例如之前號稱全深圳最貴嘅酒店深圳鵬瑞萊佛士酒店，喺深圳灣口岸行過去都無問題。啱啱新開幕嘅南山香格里拉酒店，正正就係睿印商場旁邊。之後有深圳中洲萬豪酒店，隔離就係海岸城，天利中央廣場，寶莉文化廣場。中州萬豪酒店位於該幢大廈嘅中高層位置，餐廳極開陽。就算唔住，想去食嘢打卡都勁正。呢頭，仲有深圳灣安達仕 Andaz，全部都係五星級靚酒店。

深圳鵬瑞萊佛士酒店：https://hk.trip.com/hotels/shenzhen-hotel-detail-6718728/raffles-shenzhen/
深圳灣安達仕酒店：https://hk.trip.com/hotels/shenzhen-hotel-detail-70420024/andaz-shenzhen-bay/
深圳南山香格里拉酒店：https://hk.trip.com/hotels/shenzhen-hotel-detail-114945873/shangri-la-nanshanshenzhen/
深圳中洲萬豪酒店：https://hk.trip.com/hotels/shenzhen-hotel-detail-3716429/shenzhen-marriott-hotel-nanshan/

▼深圳南山香格里拉酒店 – 豪華城景大床房

▼一進房間，先是衣櫃區，再來對面就是半開放式浴室，拉門可以自行打開找關閉，如果是親子入住，也可以讓房間有一定的私隱性。

▼Minibar、咖啡機樣樣齊，咖啡 capsule 當然是免費提供。房間不會提供樽裝水，而是有直飲水，一開就有可飲用水，非常之方便。

▼行政灣景套房

▼深圳中洲萬豪酒店

▼豪華城市景觀雙牀客房，房價約 HK$1,287 （預訂按此）

▼套行政城市景觀套房

深圳灣呢邊有幾個景點都多香港人去幾多度，例如歡樂海岸，即係有好大摩天輪嗰邊，而家好多人去咗寶安前海 Hop Dx 天地商場玩，隔離就係JW萬豪酒店。
深圳前海華僑城JW萬豪酒店：
https://hk.trip.com/hotels/shenzhen-hotel-detail-1647383/jw-marriott-hotel-shenzhen-bao-an/

如果去一方滙，前海卓越 Intown，萬象前海，隔離新酒店有深圳康萊德酒店，酒店好似行緊博物館咁！
深圳康萊德酒店：https://hk.trip.com/hotels/shenzhen-hotel-detail-107779573/conrad-shenzhen/

▼深圳康萊德酒店酒店外觀

▼23 米全景室內恆溫游泳池配獨立按摩池

▼豪華客房，房間超大，56 平方米

▼每間客房都設有浴缸、雙洗手盆，使用智能馬桶。

▼豪華客房也是用 Dyson 風筒

講到前海，點少得去全深圳最大嘅商場壹方城，附近仲要有間深圳最大嘅山姆！最近壹方城嘅酒店就係深圳前海寶安中心CitiGO RESERVE歡閣臻選酒店，雖然話係四星級酒店，但係網上嘅評價都好好。
深圳前海寶安中心 CitiGO RESERVE 歡閣臻選酒店：https://hk.trip.com/hotels/shenzhen-hotel-detail-70406646/citigo-reserve-huange-zhenxuan-hotel-baoan-center-qianhaishenzhen/

▼深圳前海寶安中心CitiGO RESERVE歡閣臻選酒店

  

觀瀾湖酒店推介

帶小朋友想兩日一夜，梗係會去觀瀾湖，觀瀾湖商場係勁多適合小朋友玩既鋪頭，騎馬、打打保齡球、Playroom，附近仲有深圳觀瀾湖卡魯冰雪世界，觀瀾湖手藝工場，文靜既小朋友玩小手工都得，真係應有盡有。

離觀瀾湖最近，就是深圳硬石酒店，由觀瀾湖和觀瀾湖商場可以步行到酒店。而第二近就是觀瀾湖酒店，商場有免費穿梭巴士提供，只係座 2分鐘就入到去嘅觀瀾湖酒店。所以位置上其實深圳硬石酒店中係最方便，而觀瀾湖酒店就勝在渡假 Resort 感覺再濃厚啲，池泳大啲。
深圳硬石酒店：https://hk.trip.com/hotels/shenzhen-hotel-detail-7522576/hard-rock-hotel-shenzhen/
深圳觀瀾湖度假酒店：https://hk.trip.com/hotels/shenzhen-hotel-detail-435279/mission-hills-resort-shenzhen/

龍崗萬達廣場 Party Day 附近酒店推介

快快講完觀瀾湖，就到另一個親子熱點——龍崗萬達廣場。因為內裏有「Party Day」，吸引唔少家庭。不過，龍崗區嘅酒店大多數價錢都係$100至$200之間，對於帶小朋友嚟講，可能會擔心酒店嘅乾淨程度。如果想要更好嘅住宿環境，可以考慮返羅湖或福田區。但如果真係唔想開車舟車勞頓，而希望小朋友玩完就近近地住下，深圳海源城智選假日酒店應該係附近最好嘅選擇，價錢大約四百幾蚊一晚，已經係附近嘅高端選擇。
深圳海源城智選假日酒店預訂網址：https://hk.trip.com/hotels/shenzhen-hotel-detail-68263500/holiday-inn-express-shenzhen-haiyuan-city/?allianceid=282251&sid=730504&OUID=szhotel

深圳動物園附近酒店推介

之後到深圳動物園，亦都係好多親子家長會問，應該住邊度好。正常玩完動物園，都係想搵個商場有野食，之後盡快返酒店休息，所以好多人會去了大學城站，距離深圳野生動物園西麗湖站兩個站，或者打車去都係幾分鐘。嗰度有大型商場西麗益田假日裡和眾冠時代廣場，可以吃飯，購物，超方便，之後可以行番去酒店。嗰頭有兩間酒店，第一間是深圳璟峯酒店（西麗大學城店），酒店新淨，好多人去完物動物園都會入住這間酒店。
預訂網址：https://hk.trip.com/hotels/shenzhen-hotel-detail-1596921/ming-tien-inn-shenzhen-xili/

平少少仲有深圳艾威酒店(Aiwei Hotel)
預訂網址：https://hk.trip.com/hotels/shenzhen-hotel-detail-69639467/shen-zhen-ai-wei-jiu-dian/

其它一些深圳酒店介紹

一口氣這到這裏先，還有大梅沙  / 南澳，最近都成為港人放假會去的渡假熱點，下一篇再講。如果大家仲有其他酒店資訊，不妨在留言地方補充。

另外，如果大家想睇最新既深圳大陸吃喝玩樂資訊，可以 Facebook 最大既深圳群組，好多網友都會分享深圳既最新消息，https://www.facebook.com/groups/1413562572722892/

深圳酒店推介：【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】

其它深圳兒童景點介紹：【深圳室內兒童遊樂場指南】| 深圳親子景點、好去處 | 【深圳親子酒店大集合】全深圳最強 9 大親子酒店推介

相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！