【深圳龍崗兒童公園介紹】免費入場＋任玩 10 大無動力主題遊戲設備，仲有亞洲最高摩天輪及最大嘅海盜船 (附交通方法)
深圳龍崗兒童公園位於中國深圳市龍崗區，位於深圳市龍崗區鹽龍大道同愛心路交匯處，係一個專為兒童設計嘅公園，跟一般公園一樣，入場是免場的，不過入面有免費同收費設施，範圍十分之大，設施多樣，重視孩子嘅教育同成長，星期六去半日都未必玩得晒，呢個公園唔單止係小朋友嘅天堂，亦係家長們放鬆同埋休息嘅好去處，一家大細去玩都正！
1. 龍崗兒童公園設施介紹
首先，深圳龍崗兒童公園分為無動力遊玩區、動力遊玩區、公共區和休閑遊覽區 4 個部分，一共有 20 套動力設備，10 大無動力主題遊戲設備，唔同年齡嘅小朋友都啱玩㗎！
- 無動力設施 (免費)：包括咗密語魔卷、魔力水圈同精靈森林等，全部都係免費玩嘅，十分適合小朋友係自然中學習同成長。
- 動力設施 (每項收費)：有20個項目要收費，包括灣區之星摩天輪、海盜船同旋轉木馬等等，玩起上嚟刺激過山車。
10大免費無動力設施：
密語魔卷、魔力水圈（分麒麟水寨和麒麟水迷宮兩部分）、精靈森林、荔枝球、糖心工坊、神樹夢網、巨鳥坡、乘風攀岩（待定未開）、麒麟穀及種子倉庫
20項動力設備（自費）：
灣區之星摩天輪、碰碰車、海盜船、旋轉木馬、沉船歷險、森林之塔、森林飛車、穿越雨林、松子噴球、開心松果、閃電飛椅、跳跳狗、乘風飛碟、歡樂水滴、森林派對、水滴漂流、跳躍雲霄、愛森牧場、閃電過山車及極速騎士
▼分別有無動力設施及動力設備
其它深圳兒童景點介紹：【深圳室內兒童遊樂場指南】| 深圳親子景點、好去處 | 【深圳親子酒店大集合】全深圳最強 9 大親子酒店推介
2. 龍崗兒童公園地圖
3. 必玩推薦
深圳龍崗兒童公園咁多嘢玩，唔做下攻略都唔知有咩係必玩！大推一定要玩摩天輪，佢係亞洲最高嘅星空交互摩天輪，坐上去可以鳥瞰整個龍崗區，正！另一個必玩嘅就係海盜船，有 108 個座位，係全亞洲最大嘅海盜船，絕對不能錯過！如果小朋友比較細個，就可以帶佢去玩精靈森林，呢度攀爬網同滑梯啱曬小朋友玩，又可以學習自然知識。
▼摩天輪同海盜船都係必玩的！
3. 交通方法
去深圳龍崗兒童公園嘅交通，如下：
由羅湖口岸出法：由羅湖口岸，去羅湖地鐵站，然後坐 1 號羅寶線，坐 2 站去老街，轉 3 號龍崗線，然後坐雙龍方向，坐 6 個站到布吉站，再行 344 米轉東部快線沙田方向，坐 5 站到大運站，大運站再坐 16 號龍坪線田心方向，坐 4 锢站到「愉園站」C 出口，然後行 17 分鐘就到深圳龍崗兒童公園，全部大約 1 小時 15 分鐘。
由福田口岸出法：由福田口岸，坐 10 號線雙佣街方向，坐 3 個站到崗廈北站，然後到崗廈北站轉東部快線沙田方向，坐8 個站到大運站，大運站再坐 16 號龍坪線田心方向，坐 4 锢站到「愉園站」C 出口，然後行 17 分鐘就到深圳龍崗兒童公園，全部大約 1 小時 9 分鐘。
打車：因為地鐵要轉好多次線，想方便去，可以由羅湖口岸叫車去，車程 1 小時，車費大約 RMB90。
4.費用和預約方法
深圳龍崗兒童公園入場不需要門票，所以可以免費入場，當中嘅無動力樂園同樣係免費，如果你個小朋友好細，就可以一蚊都唔使畀就玩到盡！至於動力樂園嘅活動就係一項一項咁收費，例如摩天輪單人 99 玩，上網預 68元，雙人 108元，其他遊戲加入會員即會更加划算：超自然空間 39 元、森林之路 29 元、愛森牧場 19 元、松子噴球 9 元等等。
為咗更好管理人流，公園用咗預約制。可以喺官方微信公眾號「龍崗兒童公園」度預約。
▼詳細收費
部份圖片取自小紅書
5. 附近酒店推介
玩完之後，附近可考慮深圳龍崗珠江皇冠假日酒店，酒店有親子主題房，亦有 Playroom，亦係龍崗區質素較高的酒店。
6. 總結
綜合來講，龍崗兒童公園真係好正，好適合帶小朋友去玩。雖然有啲項目要收費，但性價比算高，好適合周末或者假日帶家庭去。加上以佢嘅豐富游樂設施、方便交通、合理收費同預約制度，成為深圳家庭休閑同小朋友娛樂嘅好地方，不止玩得開心，仲關注埋小朋友嘅教育同成長，真係值得去多次！
深圳龍崗兒童公園
地址：深圳市龍崗區鹽龍大道與愛心路交匯處北側
開放時間：09:00-22:00
門票免費：部份設施收費，星期六或公眾假期，建議需先在龍崗兒童公園公眾號預約
深圳酒店推介：【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】
相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！
