【宜蘭包車安排和 1 日遊行程推介】清水地熱、青蔥文化館、 噶瑪蘭酒廠、國立傳統藝術館
宜蘭景點十分多，包括清水地熱、噶瑪蘭酒廠、傳藝中心、幾米公園、蘭陽博物館、伯朗咖啡城堡、冬山河清水公園、礁溪溫泉、羅東夜市等等，都是第一次去宜蘭的大路景點。不過宜蘭景點較為分散，宜蘭又沒有捷運，我地上次唯有選擇包車遊，順便同大家交代上次包車司機同我地去過既景點啦~~~
我地本來亦想過在宜蘭住宿一晚，考慮到成日轉酒店真係好麻煩，所以我地情願在台北出發，一日遊宜蘭萛數，反正包車。
司機在酒店等我們出發，宜蘭包車是透過 Klook 訂的，4 座車 8 小時 HK$ 1,174 ，已包含油費、過路費、停車費等等。至於路線，Klook 本身已有 6 個路線(A 至 F )選擇，亦可以自選路線。所以就算沒有 ideas 都唔緊要，上車後可以再叫司機推介景點。
宜蘭包車預訂網址 (台北出發)：
https://www.klook.com/zh-HK/activity/1852-private-car-charter-taipei-yilan
開頭還很擔心來接我們的包車是的士，原來來的是私家車，而且車子很新，這樣才鬆一口氣，話晒千幾蚊一日包車，都不萛平，但起碼車是新的，而且司機亦很好客，都值得，起碼老婆不會「詐型」先。
出發了
清水地熱
「清水地熱」位於大同鄉清水村南側的清水溪谷中，因為地熱泉源由地下冒出，水量甚豐，屬鹼性泉，泉水溫度高達攝氏95度C，所以好多人會去清水地熱泡腳、食下自己煮的溫泉蛋、野餐。到達清水地熱後，這裏可以租借竹簍，亦有食物售賣，如果大家打萛在這裏野餐，都可以 Hea 到一個至兩個小時。
俾少少 Tips 大家，因為大部份來清水地熱，都是來這裏野餐，我地開頭諗住清水地熱好大，原來 5 至 10 分鐘已經行晒，我地又岩岩食左個好飽既早餐，黎到就無謂口再買野食，結果來到就係睇人食，之後我地 Hea 了半個鐘就去下一個景點。
特登影這裏食物價錢給大家參考，雞蛋 10 元一隻，玉米 25 元，亦有其他蔬菜售賣。如購買食物，可以免費借用竹簍。
買完食物之後，就可以放落溫泉水裏煮。
之後就可以在附近地方野餐
同埋如果大家真係會來這個地方浸腳，就記得來這裏前自備毛巾。
推介程度：5 星滿分有 4 星（記得留肚先好黎）
青蔥文化館 (免費入場)
去完清水地熱，途中司機就順道帶我們去青蔥文化館，因為宜蘭三星蔥是非常之出名，所以青蔥文化館都值得一去既，青蔥文化館主要講如何栽種蔥，又學習蔥的構造，最後仲有三星蔥可以做的菜式。
青蔥文化館其實 5 分鐘都行完，不過最重要係呢度有手信賣，青蔥文化館裏有間賣三星蔥的商店，內裏有很多三星蔥餅乾等手信大家可以買，如果大家需要買一些特式手信，值得黎買既。
推介程度：5 星滿分有 3 星 (唔通真係對蔥有興趣咩，但買三星蔥手信就最岩，我地買左幾盒番香港，真係幾好味)
噶瑪蘭酒廠
之後來到宜蘭噶瑪蘭酒廠，我就開始病病地。唉….去旅行先黎唔舒服。
來到噶瑪蘭酒廠，司機就建議我們看看噶瑪蘭酒廠的影像介紹，我地開頭就以為真係講吓酒廠歷史，講吓制酒過程，點知全程只係介紹自己噶瑪蘭酒廠有幾勁，所以建議大家無需浪費時間聽，自行參觀酒廠就可以。
入到園會有指示，記得唔洗去第一站，直接去第2 、3 站，第 3 站就是試酒區。
推介程度：5 星滿分有 4 星 (學到野，值得參觀 )
宜蘭國立傳統藝術中心
最後一站，我們就去了宜蘭國立傳統藝術中心，這個宜蘭國立傳統藝術中心在 2017 年才開幕，有很多台灣知名工藝品牌，魯班街上亦有一些商店，打發時間最適合，叫做最多野睇，最多地方行既景點。
伯朗咖啡館 (推介景點)
其實我地上次去完「宜蘭國立傳統藝術中心」就已經返台北 (因為當日好唔舒服)，唯一最想去又無去既景點，就係伯朗咖啡館，伯朗咖啡館好似一個城堡一樣，影相一流，只可惜無去到。
包車資訊
最多人問我就是上次宜蘭包車邊訂度，4 人車價錢 HK$1,162，5 至 8 人就 $1,467 一日，全日 8 小時，有需要可即時加鐘，每30分鐘 NT$150 。需要預訂可以去下面網址：
提埋您地，如果有 DBS 信用卡，或 恆生信用卡，輸入優惠碼就可以減 $35 蚊。
DBS 信用卡優惠碼：KLKDBSHK
恆生信用卡優惠碼：KLKHSYRO18
唔知邊度預入優惠碼就留言問我啦，包車預訂網址：
https://www.klook.com/zh-HK/activity/1852-private-car-charter-taipei-yilan/
