帝都酒店全新日式餐廳 YAMA！採用日本食材設計新派美食，必試吉列和牛三文治、龍蝦伴海膽味增醬！(餐廳可用消費券)
沙田帝都酒店有新餐廳登場！酒店最新嘅和食居酒屋 YAMA 設有 4 大區域：爐端燒吧、酒吧、主用餐區及私人廂房，菜單由日本行政總廚三橋薫設計，採用日本食材入饌，由蔬菜、肉類到海鮮等全部都係日本當造嘅優質貨，大家可以品嚐日本食材嘅同時，仲可以感受日本廚師嘅功架！食物方面更加係非常豐富，由新派沙律到以備長炭燒製的日式串燒，以及極受歡迎嘅吉列和牛三文治等等都係人氣之選，同時亦供應日式雞尾酒。
YAMA 嘅菜式都幾創新，包括有招牌名物「山」吉列和牛三文治，用上鹿兒島野崎牛 A5 級數，配上帶微酸的醬汁。「季節野菜沙律伴羔醬」以多款當造嘅蔬菜配上用銀魚及蒜頭打成嘅羔醬嚟食，既食到日本蔬菜嘅爽甜，又感受到意式風味。「吞拿魚牛油果他他配最中餅伴山葵慕絲」同樣夠晒特別，將日本甜品中嘅最中餅配搭上鹹食嘅吞拿魚牛油果他他，再將他他上嘅調味醬油同山葵打成泡沫，勁得意！YAMA 仲採用可用真炭燒製嘅爐端燒炭爐，由備長炭燒出來嘅串燒及爐端燒美食更香更有風味。
而 YAMA 都有消費券優惠，餐廳支援八達通、支付寶香港、WeChat Pay HK及Tap & Go 付款，由即日起至 2021 年 9 月 30 日，以消費券消費每滿淨價HK$500 至HK$999 ，即享HK$100餐飲禮券5張，消費滿HK$1,000至HK$1,499 可獲HK$100餐飲禮券10張，消費滿HK$1,500至HK$1,999 可獲HK$100餐飲禮券15張，消費滿HK$2,000，可獲HK$100餐飲禮券20 張。優惠詳情：https://www.royalpark.com.hk/hk/cvs-promotion-extra-privilege-details/
▼主食中的招牌名物「山」吉列和牛三文治，價錢 HK$378
▼「季節野菜沙律伴羔醬」，價錢 $178
▼炸北海道鮮蟹肉餅，整個忌廉蟹肉餅皆是手拆的北海道鱈場蟹蟹肉，價錢 HK$98
▼ 炭燒系列當中最不能錯過的有「自家製免治雞肉」，價錢 HK$58，日本元氣雞雞肉中混有軟骨、蓮藕及牛蒡，配上特調的香甜醬油蛋汁，是一款啖啖肉軟嫩中又帶有脆脆口感的串燒。
▼其它餐廳推介菜式還有：龍蝦伴海膽味增醬，價錢 HK$398-HK$498 (市價)
▼中吞拿魚腩魚拼油金魚刺身伴山葵啫喱，價錢 $158
▼日式雞尾酒
▼ YAMA 餐廳環境：爐端燒吧結合了開放式廚房，客人可於此見到主廚們在料理刺身
▼ 酒吧位及主用餐區用上天然石材如花崗岩、胡桃木等主材，更備有一部82吋及兩部52吋大螢幕，可轉播各種運動賽事。
YAMA 餐廳優惠
凡六位惠顧精選晚市御膳(兩位起)，可享優惠價每位HK$928 (原價HK$1086.8)，優惠詳情和餐牌可參考：https://www.royalpark.com.hk/hk/yama-set-dinner/
YAMA
開幕日期：2021 年7 月13日
地址：香港沙田白鶴汀街 8 號帝都酒店一樓
營業時間
午餐：中午十二時至下午三時
晚餐：下午六時至晚上十時
招牌菜式 ： 「季節野菜沙律伴羔醬」、「炸北海道鮮蟹肉餅」、「吞拿魚牛油果他他配最中餅伴山葵慕絲」、「中吞拿魚腩魚拼油金魚刺身伴山葵啫喱」、「自家製免治雞肉串燒」、「“山” 吉列和牛三文治」、「南瓜椰子奶糯米糍」、「葛餅黃粉雪糕」
座位：150 位，設爐端燒吧、酒吧、主用餐區、戶外座位及三間私人廂房
查詢及訂座：2694 3869
