【香港麗思卡爾頓酒店住宿體驗】房價 HK$3,000 起,包雙人自助早餐、雙人下午茶、送朱古力士多啤梨及香檳一支!
文章已於 2021 年 7 月 6 日更新
====================
正呀!香港麗思卡爾頓酒店(The Ritz-Carlton, Hong Kong) 再延長閨蜜住宿優惠「Ladies Night In」,星期一至五入住房價 HK$3,000(連服務費後 HK$3,300)起,星期六入住房價 HK$3,200(連服務費後 HK$3,520)起,包豪華客房一晚、雙人自助早餐、雙人下午茶、送一支指定香檳、朱古力士多啤梨及一支 Asprey 手部及身體潤膚乳,房內仲有好多娛樂,例如可以食住爆谷睇戲,或者玩電子遊戲機同埋 board games。入住期間可以享用 The Ritz-Carlton Spa, Hong Kong 指定療程 8 折優惠同埋加購其他體驗活動,其中最新就有「Fly High Dream High」航空課程,只要加 $1,200 就可以供最多三位上堂學玩飛行模擬器。另外,第三人入住可免費加床,及以 HK$880 加配一人大堂酒廊自助早餐及下午茶,而入住兩晚,就可以免費升級豪華維港海景客房。
適用入住日期:即日起至 2021 年 7 月 31 日
官網預訂網址:
https://www.ritzcarlton.com/en/hotels/china/hong-kong/offers/ladies-night (優惠碼:NCL)
▼若 3 位閏蜜入住時想親密一點,除了可選擇免費加床外,小編早前就有參觀過雙床版豪華客房,將兩張床拍埋一齊後,張床闊落到瞓 3 個人都綽綽有餘!當然,若 3 人入住不論加床還是選擇合併雙床仍需另加 $880,而如欲合併雙床必須提前向預訂部提出要求,並視乎供應而定。
▼今次優惠送指定香檳一支及朱古力士多啤梨
▼房內還有免費果盤、瓶裝水及 Nespresso 膠囊咖啡
▼迷你吧除了有酒辨外,還有薯片及朱古力(需額外收費)
▼雪櫃內有汽水、果汁及酒
▼床頭位置有 Bose 藍牙喇叭可以播下歌
▼仲有消毒搓手液同口罩提供
▼洗手間是乾濕分離設計,有齊浴缸及企缸,仲有兩個洗手盤
▼浴缸位置仲有浴鹽同電視,可以邊浸浴邊睇
▼今次優惠唔止會送 Asprey 手部及身體潤膚乳一支,房內其他沐浴露、洗髮、護髮及香皂都是提供 Asprey 品牌。
▼Package 亦包括於大堂酒廊或房間內享用麗思卡爾頓雙人下午茶,共有 9 款咸甜點,包括煙鴨胸肉配蜜柑啫喱及迷你蕃茄漢堡、菠蘿咖央忌廉泡芙、抹茶芝麻撻等等,小編試過都好好食,其中最推醃鮑魚及野菌撻,超香松露味!另外仲有原味及紅莓鬆餅配果醬及奶油忌廉。
▼住客可以每位加 $1,200 參加「Fly High Dream High」航空課程(最少必需二人參加),最多可以三位成人參加,小編當日亦有去體驗過,整個過程好專業、有挑戰性,要先上理論課,再實戰控制飛行模擬器,絕對唔係小兒科,仲可以睇下自己有冇天份轉行做機師!
▼飛行模擬器好有真實感,唔止可以睇到香港風景,現場亦會有多國語言的飛機廣播聲。而飛行過程是一對一教學,一人在學習飛行時,另一人可以拼砌模型。
▼現場亦有免費零食提供
▼小朋友仲可以換埋機師制服玩
▼玩完之後仲會有張證書留念
房價包括:
- 豪華客房住宿一晚
- 大堂酒廊雙人自助早餐
- 指定香檳一支及巧克力草莓
- 可於大堂酒廊^或房間內享用麗思卡爾頓雙人下午茶
- 客房娛樂設施,包括電影、爆米花、電子遊戲設備及桌上游戲
- 連續入住兩晚可免費升級至豪華維港海景客房
- 香港麗思卡爾頓水療中心八折優惠(無法用於指定療程體驗)
- 每位居住賓客可獲 Asprey 手部及身體潤膚乳一支作迎賓禮物
- 如有額外賓客入住,可免費加床及以港幣 $880 加配一人大堂酒廊自助早餐及下午茶
- 以優惠淨價每節港幣 $1,200 參加「Fly High Dream High」航空課程(最多可以三位成人參加),在雲層上享受模擬飛行體驗。
- 可選擇額外附費參加各式工作坊,如 Ozone 雞尾酒工作坊及烹飪工作坊
條款及細則:
- 房價按每間/夜計算,基於單人或雙人入住,不含稅,小費及其他費用(除非有特別說明)
- 大堂酒廊下午茶需視乎餐廳供應情況
- 不適用於團隊旅客
- 不能與其他優惠組合使用
- 需要提前預訂
- 優惠不可兌換現金
- 優惠視乎供應而定,並可隨時更改而不作另行通知
- 早餐須於酒店指定餐廳內享用而不適用於客房
- 如有爭議,香港麗思卡爾頓酒店保留最終決定權
▼官網預訂網址▼
https://www.ritzcarlton.com/en/hotels/china/hong-kong/offers/ladies-night
(優惠碼:NCL)