香港麗晶酒店聯同 KKday 推出咗一系列餐飲獨家優惠，涵蓋酒店內四間極具名氣嘅餐廳，包括以新派日本料理聞名嘅 Nobu、被譽為全球頂級牛扒屋之一嘅 The Steak House、坐擁維港靚景嘅港畔餐廳Harbourside，以及格調優雅嘅大堂酒廊The Lobby Lounge。想以至抵價錢品嚐星級美饌？咁就千祈唔好錯過以下介紹喇！

【Nobu Hong Kong】廚師發辦買一送一、週末早午餐及週三 Nightfall Odyssey 第二位半價

位於香港麗晶酒店內嘅Nobu Hong Kong，一直係城中備受追捧嘅日本餐廳，由國際名廚松久信幸（Nobu Matsuhisa）主理，將傳統日本料理融入秘魯風味，創作出獨樹一幟嘅新派菜式。今次KKday獨家推出Nobu廚師發辦Omakase「松久信幸特色料理套餐」買一送一優惠，折後兩位只需HK$2,266，平均每位 HK$1,133 ，就可以品嚐到一系列招牌菜式，例如松久信幸特色刺身、銀鱈魚西京燒、嫩牛柳等，絕對係物超所值！優惠適用於 2025 年 5 月 8 日至 6 月 30 日期間嘅晚餐時段（18:00-22:00）。

除咗廚師發辦，Nobu 嘅週末早午餐同週三Nightfall Odyssey亦有第二位半價優惠。週末早午餐（逢星期六11:30-13:30）折後兩位HK$1,460，平均每位 HK$730，可以無限量享用多款特色小食、頂級壽司刺身、沙律，再自選兩款主菜同兩款甜品。而週三Nightfall Odyssey（逢星期三19:00-22:00）折後兩位 HK$1,526，平均每位 HK$763 ，同樣可以盡情品嚐多款日式美饌，包括無限量供應嘅小食、壽司刺身、沙律，以及自選主菜同甜品，當中仲包括咗招牌菜式鱈魚西京燒。

Nobu Hong Kong 優惠詳情：
預訂網址：https://www.kkday.com/zh-hk/product/259427

松久信幸特色料理套餐包括：
松久信幸特色刺身、刺身沙拉、懷石壽司選擇配味增湯、銀鱈魚味增、嫩牛柳、稻庭烏龍麵配天婦羅、起司蛋糕。

週末早午餐及週三Nightfall Odyssey餐單精選：
* 特式小食（無限任食）： 枝豆、燒日本青椒、鮮味烤雞翼、日式漬物等。
* 壽司/刺身（無限任食）： 三文魚粟米脆片、金槍魚配義大利天使麵、油甘魚刺身配香辣洋蔥土佐醋醬油汁、多款壽司卷等。
* 沙律（無限任食）： 菠菜沙律配芝麻醬、田園沙律配香辣檸檬汁等。
* 主菜（每人可選兩款）： 帝王蟹天婦羅、石蝦天婦羅配香辣蛋黃醬、香煎牛柳配照燒醬汁、鱈魚西京燒（週三Nightfall Odyssey限定）等多達二十款選擇。
* 甜品（每人可選兩款）： 朱古力心太軟配綠茶雪糕、芒果芝士蛋糕配青咖哩雪葩等。

【The Steak House】米芝蓮推薦扒房 四道菜晚餐第二位半價

講到食牛扒，香港麗晶酒店嘅 The Steak House 絕對係數一數二嘅選擇。餐廳唔單止榮獲《2025香港澳門米芝蓮指南》推薦，更被評選為「2024全球101間最佳牛排餐廳」之一，實力毋庸置疑。今次KKday獨家推出四道菜晚餐第二位半價優惠，折後兩位HK$2,700，平均每位 HK$1,350（已連服務費），就可以歎到米芝蓮級數嘅牛扒盛宴。優惠適用於 2025 年 5 月 8 日至 30 日期間，星期一至五嘅晚餐時段（18:00-22:30）。

呢個四道菜晚餐非常豐富，首先有任食沙律吧，提供多款新鮮有機蔬菜，以及來自法國、意大利等地嘅頂級熟成芝士同火腿。之後係餐湯，可以揀粟米周打湯。主菜方面，選擇夠晒多，包括USDA認證Super Prime牛柳（8安士）、澳洲Mayura牧場牛肩胛（12安士）、匈牙利曼加利察農場放養豬斧頭扒（14安士），或者大西洋三文魚柳（8安士），配菜可以揀蒜蓉西蘭花菜苗或炸薯條。最後以經典芝士蛋糕作結，為呢餐豐富晚餐劃上完美句號。

The Steak House 優惠詳情：
預訂網址：https://www.kkday.com/zh-hk/product/284191

四道菜晚餐包括：
* 沙律吧： 新鮮時令有機蔬菜沙律、頂級熟成芝士及火腿。
* 餐湯： 粟米周打湯 (卡津爆谷、蝦夷蔥、蘋果煙燻培根)。
* 主菜 (任選一款)： USDA 認證 Super Prime 牛柳 8 安士 / 澳洲 Mayura 牧場牛肩胛 12 安士 / 匈牙利曼加利察農場放養豬斧頭扒 14 安士 / 大西洋三文魚柳 8 安士。
* 配菜： 蒜蓉西蘭花菜苗 / 炸薯條。
* 甜品： 經典芝士蛋糕。

【港畔餐廳 Harbourside】維港景致自助餐 低至 75 折歎台北最佳牛肉麵

想一路欣賞維多利亞港嘅無敵海景，一路品嚐環球美食？香港麗晶酒店嘅港畔餐廳Harbourside就最適合不過。餐廳最近同台北晶華酒店聯乘，推出期間限定嘅「台北最佳牛肉麵」主題，將CNN推崇嘅冠軍清燉牛肉麵、晶華紅燒牛肉麵同鐵人麻辣牛肉麵帶到香港，俾大家一邊歎尖沙咀天花板級數嘅自助餐，一邊品嚐台灣地道滋味。

經KKday預訂港畔餐廳自助餐，可享低至75折優惠。平日自助午餐（12:00-14:30）折後兩位HK$950，平均每位HK$475。週末及假日自助午餐（12:00-15:00）成人每位HK$628，小童（4至11歲）每位HK$376。而星期五、六嘅2.5小時自助晚餐（17:30-20:00 / 20:30-23:00）成人每位HK$898，小童（4至11歲）每位HK$538。優惠期由 2025 年 5 月 9 日至 31 日。

自助餐美食包羅萬有，除咗主題牛肉麵，仲有時令台式冷熱葷、麻辣鴨血、台式蟹肉芝士肉鬆蛋餅、新鮮海鮮如麵包蟹同鱈場蟹腳、時令刺身、即切西冷、片皮鴨等。週末自助午餐更會加碼供應三文魚子、鮑魚、海南雞飯等。而自助晚餐嘅選擇就更加豐富，有拖羅刺身、茅台南瓜浸鴨肝、即煮新鮮龍蝦、花膠、海參等矜貴食材，甜品方面亦有多款自家製選擇，保證令你食指大動。

港畔餐廳 Harbourside 優惠詳情：
預訂網址：https://www.kkday.com/zh-hk/product/183827

【大堂酒廊 The Lobby Lounge】優雅下午茶及午市套餐 低至 8 折

香港麗晶酒店嘅大堂酒廊 The Lobby Lounge 環境優雅舒適，最適合約埋三五知己嚟個悠閒下午茶，或者享用一頓精緻午餐。KKday亦有推出相關優惠，3 道菜午市套餐（12:00-14:30）星期一至五每位HK$332。而下午茶套餐（15:00-18:00，週末及假日12:00-18:00）兩位HK$800，平均每位HK$400。優惠期由即日起至 5 月 20 日。

3 道菜午市套餐頭盤有黃鰭吞拿魚他他、甘筍薑濃湯或醃製紅洋蔥醬油配黑皮雞樅菌三揀一。主菜可以揀粟飼雞胸肉、烤焗千層茄子或比目魚魚肚湯河粉。甜品係任選三球雪糕或雪葩，再加提拉米蘇同茶或咖啡。

下午茶套餐就更加精緻，首先有餐前小點牛油果泡沫配三文魚籽。鹹點方面有蟹肉沙律青瓜薄荷三文治、玉子菠菜魚子醬三文治、煙三文魚海苔蛋黃醬檸檬醬三文治，同埋火雞火腿布里芝士糖漬紅洋蔥覆盆子三文治。甜點就有開心果覆盆子撻、葡萄柚鳳凰烏龍茶慕絲蛋糕、小豆蔻53%牛奶朱古力泡芙。當然唔少得新鮮烘焙嘅經典原味及提子鬆餅，配埋濃縮奶油同自家製果醬，非常豐富。

大堂酒廊 The Lobby Lounge 優惠詳情：
預訂網址：https://www.kkday.com/zh-hk/product/183834

────── 相關文章 ──────

【自助餐買一送一優惠 2025 年 6 月】富麗敦海洋公園酒店自助餐一折、逸東酒店買一送一、太子酒店買一送一、港島香格里拉買二送一、沙田帝都酒店買一送一（文章持續更新）

【2025 年 6 月更新】KKday 優惠碼總整理｜最新折扣碼＋信用卡優惠