【美利酒店親子入住攻略】兩大兩細可以入住嗎？ 早餐幾多歲以下免費？加床收費嗎？
香港美利酒店新加咗好多小朋友設施，包括兒童室、跳舞班（視乎供應情況）、週末免費瑜珈班、美利小畫家套裝借用等等，就等 Runhotel 為大家整理一篇「美利酒店親子入住攻略」啦。
▼ 按此查看美利酒店官網住宿所有優惠 ▼
https://www.niccolohotels.com
帶 BB 或小朋友外出，各位家長每次需要準備的物品真的很多，如果酒店有提供當然十分之好，以下入住美利酒店會提供的親子物品 ( Kids Amenities) ：(須提前要求，並視乎供應情況而定)
- 小童牙刷
- 高腳椅
- 小童拖鞋
- 小童浴袍
- 沖涼浴盤
- BB 床
- 暖奶器
- 蒸氣消毒器
▼暖奶器和蒸氣消毒器
▼ 除了有成人拖鞋之外，酒店也會為小朋友準備拖鞋（親身用過美利酒店的拖鞋真係好柔軟舒服。）
▼ 酒店也可安排免費加床，亦有 BB 床，所以帶 BB 一齊去 Staycation 都好輕鬆。
▼ 今次我們入住時，就連 Mustela 品牌的嬰兒用品都有提供，相信好多媽咪都係俾 BB 用呢個牌子既沐浴露，小編個囝囝謙謙都唔例外，美利酒店真係照顧週到。
▼ 謙謙一見到個沖涼浴盤就指住想浴涼喇。
▼ 小朋友刷牙套裝
▼ 酒店職員會為小客人送上設計精美的小背包、併圖、貼紙、填色簿以及顏色筆，好貼心。
兒童活動室
美利酒店最近在 2 樓 Boardroom 設有小朋友的活動室，住客可以免費使用，活動室有 Peppa Pig卡通片、有帳篷、煮飯仔、各式砌圖等。
兒童活動室開放時間：早上 10 點至晚上 6 點
▼ 有空間俾小朋友自己玩真係好，我地家長就坐在窗邊休息同賞花，BB 就自己玩。
房型選擇
跟據官網系統，美利酒店所有房間只可以最多兩大一細入住。那兩大兩細可以入住嗎？小編致電酒店查詢過，這個就要視乎情況，如兩大兩細，預要聯絡酒店訂房部訂房 (官網訂唔到架)，亦需要預訂 N2 GRAND 或以上的房型，而酒店才免費提供加床服務。
入住體驗
▼今次入住美利酒店的 Signature Suite 套房，面積超過 800 呎，設計格調簡約時尚，景觀望中環。套房好闊落，加咗床都好多走動空間， 最鍾意佢部電視超級大，仲可以免費睇戲，因為電視連接 Sound bar 同 Netflix，所以睇戲睇音響較果一流。
▼房間有寬敞的獨立衣帽間，就算帶好多行李都不成問題。
▼ 一入房 BB 就好開心四處搗亂，連電話都不放過變成了它的玩具。
▼ 房內電視有卡通片、電影可以免費觀看。
▼ 房內有 Nespresso咖啡機，和 TWG 茶包，小朋友係房玩既時候，父母就可以歎番杯。
▼ 套房浴室用雲石和白色做主色，感覺十分高級，採用智能座廁，配有超大浴缸。
▼ 提提大家，如果想浸浴，仲可以問酒店拎浸浴球，令到浸浴之後全身充滿香氣（不過就不是泡泡球，大家不要誤會）。提番大家，每次拎一粒好喇。
▼ 浴室選用澳洲品牌 Grown Alchemist 的沐浴套裝（旁邊更提供浴鹽）
戶外寫生
▼ 酒店有一棵名叫「節果決明」的古樹，近日更是花開的季節，可以問酒店借用畫具，小朋友可戶外寫生。
泊車服務
▼ 由於很多家庭都會自駕，所以要搵有停車場的酒店就很重要。美利酒店部份住宿 Package 都會包埋周一至周四免費泊車，星期五至星期日及公眾假期就只需加港幣200元，訂番相應既 Package 就得，慳番唔少。 (可按此查看美利酒店所有住宿惠：https://www.runhotel.hk/The-Murray-Hong-Kong)
泳池
▼ 酒店設有室內泳池，水深 1.2 米，不設兒童池，如果帶小朋友游水，就記得就要準備一些充氣式的游泳臂圈，小朋友一定要自己漂浮在水面先得。泳池開放時間為早上 7 點至晚上 10 點。
早餐 (5 歲或以下小童享有免費早餐)
如果 Package 已包早餐，5 歲或以下小童可以跟成人免費享用早餐 (6-12歲小童早餐定價為每位港幣160元) 。早餐是半助餐型式，食物有好多款選擇，而主菜有西式及中式選擇，每人可叫兩款。 
▼ 半自助早餐有多款不同蛋糕、麵包、沙律、中式粥品、芝士、點心及蒸饅頭、炒麵、煎腸粉等等。
▼ 果汁都有五、六款
▼ 主菜有小朋友都岩食既 Pancake，不同煮法既蛋。當日主菜我地就叫了鮑魚雞粥、French toast，超好味。其它選擇仲有雲吞麵等等，總之款式十分之多。
親子入住攻略到這裏就差不多喇，如果想知美利酒店最新既住宿優惠，可以參考這一篇：https://www.runhotel.hk/The-Murray-Hong-Kong
▼ 按此查看美利酒店官網住宿所有優惠 ▼
https://www.niccolohotels.com
香港美利酒店住宿優惠
