九龍海逸君綽酒店最近推出「SUITEcation」套房住宿優惠，二人房價 HK$2,380 (連服務費後 HK$2,618)起，包一晚優越城景塔樓套房住宿、雙人半自助早餐、貴賓閣禮遇（貴賓閣有下午茶和雞尾酒時段）、而晚餐就可以選擇選於房內享用雙人五道菜晚餐（餐牌按此），或星期一至五可於炉端燒享用雙人日式晚餐（餐牌按此）、於 The Promenade 享用雙人自助晚餐（自助晚餐暫時只限週四至日供應），Package 更包埋 24 小時免費酒店泊車服務。房內雙人五道菜晚餐分別有吞拿魚他他伴牛油果青蘋果及青瓜配薑汁、波士頓龍蝦湯、烚挪威三文魚柳伴粟米蓉、燒澳洲安格斯西冷牛扒及鴨肝伴法國薯及莧菜配黑松露汁同埋黑加倫子芝士杏仁撻伴紅莓果凍，最後仲有甜點同朱古力果仁，再包一杯餐酒。炉端燒日式餐廳都正架，主菜可以選餐廳出名既銀鱈魚西京燒。優越城景塔樓套房面積有 51 平方米，可以欣賞黃埔區嘅壯麗城市景觀房間有飯廳及客廳，有大理石浴室同時設有浴缸，夠晒歎啊！

優惠預訂及入住日期：即日起至 2021 年 6 月 30 日
預訂網址：
https://bit.ly/3aFP3hl

今次小編體驗咗「SUITEcation」嘅住宿套票，入住嘅優越海景塔樓套房，房價 HK$2,580(連服務費後 HK$2,838)，不過入住之前先參觀咗優越城景塔樓套房，佢嘅房間間隔、大小、配套都相差不遠，如果無特別追求海景的話，其實優越城景塔樓套房都已經好大好正！房間內有多面大玻璃窗，面對黃埔區內嘅城市景色，由於塔樓套房都係位於高層，所以窗外景色唔會畀高樓大廈擋住，仲可以見到部分海景，景色相當不錯！至於優越海景塔樓套房嘅海景 view 絕對係無得彈，無論係客廳定係房間都可以見到一大片海，超正！

房間配套方面，套房設有可供 4 人用餐嘅飯廳及客廳、精緻大理石浴室配備浴缸同埋獨立淋浴間，仲有私人睡房。房間最多可以容納 3 位成人或宿 2 位成人及 2 位小孩(12歲以下)，好啱家庭遊或者閨蜜同遊！客廳同埋房間都配有電視，浴室備有兩套  Elemis 沐浴產品，真係可以好好放鬆一下！

▼優越城景塔樓套房
 

▼都可以見到少少海景！

▼優越海景塔樓套房，可以接近 270 度望晒整個海景

▼客廳同房嘅電視都係可以移動嘅，對住海景睇電視真係好正！

▼雖然無咖啡機，不過都可以沖飲品

▼雲石洗手間

今次嘅套票包埋貴賓閣禮遇，酒店嘅貴賓閣位於 19 樓，開放時間係 13:30 – 22:30，經過翻新後重開相當闊落。客人可以於貴賓閣辦理入住及退房，另外每日下午 3 點至 5 點會供應自助下午茶點、5 點半就開始提供雞尾酒及小食，糕點大概有 3 款、熱食就有 4 至 5 款左右，酒類就有紅、白、啤酒、香檳等等，另外仲有咖啡、果汁、汽水全日供應。

▼好闊落！

▼下午茶時段

▼雞尾酒時段

晚餐方面，可以選擇房內享用雙人五道菜晚餐（餐牌按此）、炉端燒享用雙人日式晚餐（餐牌按此）或於 The Promenade 享用雙人自助晚餐。小編就選擇咗炉端燒享用雙人日式晚餐。炉端燒係連續 3 年米芝蓮推薦餐廳，師傅會住喺正中央料理食材，好有日本嘅感覺！前菜方面有長崎枝豆、海藻沙律同麵豉湯，雜錦刺身分別有三文魚、油甘魚同甜蝦 3 款，厚切極肥美！再嚟就係雜錦天婦羅，以及 3 款爐端燒：青森縣河豚干、免治雞肉串同埋北海道粟米，所有食物都係每人一份，小編喺主菜嚟到前已覺得飽！主菜就可以揀銀鱈魚西京燒、牛肉網燒或走地雞扒，銀鱈魚西京燒非常厚身，肉質嫩滑，至於牛肉網燒有牛味濃郁，帶點焦香好好食。之後再有每人一碗嘅野菜烏冬同埋柚子雪糕，無論係男女都一定會食到超級飽！

▼師傅坐喺正中央，慢慢製作食物畀客人，好有日本嘅感覺！

▼長崎枝豆、海藻沙律同麵豉湯

▼爐端燒

▼天婦羅

▼刺身

▼銀鱈魚西京燒、牛肉網燒

▼野菜烏冬

▼甜品

第二朝嘅早餐於 The Promenade 享用，食物方面有多款麵包、水果、沙律前菜，熱盤就有薯餅、點心、腸類、粥等等，最吸引係有即製雞蛋料理，可以自選煎蛋、炒蛋定奄列。

▼ 泳池同健身室都已重開，景觀一流！

優惠詳情：

• 於 The Promenade 享用雙人半自助早餐
• 雙人貴賓閣禮遇
• 房內享用雙人五道菜晚餐【查看餐單】
  或  於炉端燒享用雙人日式晚餐^【查看餐單】
  或  於 The Promenade 享用雙人自助晚餐
• 每房每晚可獲免費通宵 (24 小時) 車位 1 個
• 免費梳化床供額外小童入住

升級禮遇

• 以優惠價港幣 200 元升級入住優越海景塔樓套房
• 小童( 4-11 歲)可另加港幣 150 元享用貴賓閣禮遇

條款及細則

• ^ 炉端燒日式晚餐之餐飲選項只適用於週一至週五
• 每房每晚只限一輛汽車可獲 24 小時免費酒店代客泊車服務
• 以上房價每房每晚須另加 10% 服務費
• 以上優惠不可與其他推廣活動、折扣或優惠同時使用
• 預訂經確認後，可於入住前 48 小時取消或更改，否則酒店將收取首晚房費
• 酒店保留權利更改以上優惠及其條款及細則，而毋需事先通知
• 如有任何爭議，酒店保留最終決定權

九龍海逸君綽酒店
地址：九龍紅磡黃埔花園德豐街 20 號

▼ 官網預訂網址 ▼
https://bit.ly/3aFP3hl

────── 相關文章 ──────

【愉景灣酒店住宿優惠】房價 $2,077 起，包早晚兩餐自助餐及 DIY 風箏，生日或紀念日入住再送驚喜小禮物！

【香港九龍 CBD2 智選假日酒店包3餐住宿優惠！】房價 HK$988 起，包 2 人自助早餐、2 人半自助午餐、2 人下午茶套餐、12 點入住及延遲至 3 點退房！

抵呀！用 Agoda App 訂酒店 9 折，即日至 8 月 12 日透過以下連結下載 Agoda App，即會見到 9 折券。下載網址：https://bit.ly/3rHWMnc
====================
歡迎轉發相關優惠訊息，轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導，而 Runhotel 只是情報網站報導各項優惠資訊，並不是預訂平台，酒店或網遊網站會因應情況更改條款而不作另行通知，預訂時請一切以官網的條款和價錢為準。 ====================
如你有旅遊資訊、旅遊優惠想跟我們分享，歡迎電郵 vincent@runhotel.hk
邀約採訪或商務合作，請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站，你地想繼續留意到相關優惠消息，記得緊貼我地 Runhotel Facebook 和 Runhotel Instagam 的資訊。 http://facebook.com/runhotel.hk
https://instagram.com/runhotel.hk/