報導第一手酒店優惠消息
分享酒店優惠、訂機票、旅遊攻略


深圳有新水上樂園呀!位於深圳大鵬、斥資近 300 億打造的一站式海灘度假體驗──佳兆業國際樂園,宣佈將率先於 9 月 2 日開放佳兆業水世界及佳兆業兒童世界!樂園沿住深圳大鵬金沙灣 2.2 公里長的海岸線而建,融合《山海經》和大鵬當地文化特色,以原創故事《尋鯤記》作為樂園主題,內有多達 20 個度假項目,5 個主題場館,及 100 多個遊樂設施,可以話係最值得期待深圳好去處!以下就先幫大家整理攻略,一次過睇晒門票優惠、交通、開放時間同必玩設施!

佳兆業水世界門票優惠:

佳兆業水世界門票分開平日、周末及特定日兩款,於 8 月 17 至 24 日期間,預購 9 月 2 至 5 日入場門票可享買一送一優惠!平日門票售價 ¥178 人民幣(約港幣 HK$214),適用於星期一至五入場;周末及特定日門票售價 ¥198 人民幣(約港幣 HK$238),適用於星期六至日、暑假(7 月 1 至 8 月 31 日)及國內公眾假期入場。而身高 1 至 1.5 米小童及 65 歲以上長者可享 7 折門票優惠,身高不足 1 米小童則可免費入場。

另外,兆業國際樂園內的時光海公園宜家都免費開放,內有長達 2.2 公里沙灘之餘,仲有提供多個水上活動,包括風帆、直立板、獨木舟等等!

提提大家,進園前必先準備好行程碼、粵康碼及戴好口罩

預訂日期:2021 年 8 月 17 至 24 日
優惠適用日期:2021 年 9 月 2 至 5 日
預訂網址:https://www.klook.com/zh-CN/activity/60383-Kaisa-Water-World-Shenzhen/?aid=16&aff_ext=KaisaWaterWorld

 

佳兆業水世界交通:

由深圳市區出發,可乘搭 818、E11、E26、M274、M279、M232、高快巴士  26 號、大鵬假日專線 4 號至「大鵬中心 1」下車,或乘搭 833、M423、M457 至「大鵬中心 2」下車,再步行至「嶺澳新村站」,轉乘 B983 路巴士至「大鵬金沙灣體育館」下車,再步行約 15 分鐘就去到佳兆業水世界啦!

自駕人士就可以直接在導航輸入「佳兆業水世界」或「佳兆業國際樂園」,由深圳市區出發車程約 1 個鐘。但記得要提前於網上預約大鵬通行,週末出發的話,最好提前 3 至 4 個鐘,因為往大鵬的路段有時都好塞車㗎!

 

佳兆業水世界必玩設施:

佳兆業水世界內共有 7 項遊樂設施,全都是由加拿大白水公司設計生產而成,園內池水經珍珠岩過濾,水質乾淨。場內亦已加設專業防滑處理,而且有多名救生員駐場,大人細路都可以放心去玩。必玩項目包括有全中國首個進口 7 層樓高的大喇叭式滑道「裂口式大喇叭」及「鋸齒巨碗」;佔地 2,000 平方米大、有多達 10 條滑道的「海灣水寨」;4 層樓高配過百米長滑道的「玄武大滑梯」,15 秒急速轉彎穿梭超刺激;適合小朋友玩的「玄武小滑梯」;可以攬住水泡隨水而流的「漂流河」,沿途仲會有水柱噴射同水流旋渦;巨大人工「造浪池」配大屏幕,可以邊睇片邊感受海浪;及有 50 多種海洋生物的「浮潜池」。

現時園區內有售泳衣、水槍、水泡等產品,但大家都係自備毛巾、泳衣、換洗衣物同沐浴用品比較穩陣,園內會有寄存 Locker 同更衣室。

▼「裂口式大喇叭」及「鋸齒巨碗」有 7 層樓高,配搭幻彩燈光滑道,滑到大喇叭位置仲可以俯瞰金沙灣海域全景添!

▼「海灣水寨」佔地有 2,000 平方米大,多達 10 條滑梯,有近 200 種遊樂玩法,包括水槍射擊、打水戰等等,其中噴泉更可噴射至最高 35 米!



▼相對矮一啲嘅「玄武小滑梯」就適合小朋友去玩!

▼「造浪池」正前方就設有大屏幕,可以一邊睇片一邊感受海浪沖衝

佳兆業水世界
開放時間:周一至周四 10:00 – 20:00、周五至周日 10:00 – 21:00
地址:廣東省深圳市大鵬新區棕櫚大道 33 號佳兆業國際樂園

▼ 門票預訂網址 
https://www.klook.com/zh-CN/activity/60383-Kaisa-Water-World-Shenzhen/?aid=16&aff_ext=KaisaWaterWorld

我地之前有報導過深圳佳兆業萬豪酒店,如果大家去玩可以入住萬豪酒店:https://www.runhotel.hk/Shenzhen-Marriott-Hotel-Golden-Bay

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言