【曼谷 JODD FAIRS 2.0 夜市】「喬德夜市：神奇之地」占地超過13萬平方米，號稱泰國最大夜市！
每次去泰國旅行，不能錯過的行程一定包括咗行夜市！泰國嘅夜市出名又抵又多嘢行，嘢食多元化又平，仲可以買衫逛飾物等等。最近曼谷又有新夜市喇！「喬德夜市：神奇之地」(JODD FAIRS: DanNeramit)於 2023 年 4 月 28 日開幕，係 Jodd Fairs 旗下繼喬德夜市拉瑪9 (Jodd Fairs Rama9)嘅第二個市集，占地超過13萬平方米，有成1,200個攤檔店舖，號稱係泰國最大夜市。
「喬德夜市：神奇之地」(JODD FAIRS: DanNeramit) 每日由下午 4 點營業至午夜 12 點，可以分為市集區、懷舊區，仲有多個座位區，地點都相當便利，曼谷空鐵 BTS N9 Ha Yaek Lat Phrao 站4號出口步行約 5 分鐘即可到達 （或者大家行完翟道翟 JJ Market，再步行去呢個夜市都係大約 10 至 15 分鐘 ）。呢個新夜市以童話城堡為主題，保留昔日遊樂園「城堡」嘅同時仲加入咗熱氣球元素，好啱打卡！食物方面嘅選擇都非常多，有海鮮、蛋糕甜點、串燒、泰式奶茶等等，仲有好多泰國當地嘅特色小店，可以慢慢逛個夠！
▼「喬德夜市：神奇之地」(JODD FAIRS: DanNeramit)於 2023 年 4 月 28 日開幕
▼食物方面嘅選擇都非常多
▼保留昔日遊樂園「城堡」嘅同時仲加入咗熱氣球元素，好啱打卡！
「喬德夜市：神奇之地」(JODD FAIRS: DanNeramit)
地址： RHC7+4WM, Phahonyothin Road, Chom Phon, จตุจักร Bangkok 10900, Thailand
坐 BTS N9 Ha Yaek Lat Phrao 站4號出口步行約 5 分鐘即可到達
睇完呢篇覺得有用，可以睇埋 Runhotel 網站其它文章
【曼谷新酒店推介】超詳盡！超過 20 間近年新開之酒店賣點一覽，有邊際泳池 / 人氣打卡 / 近 BTS 站
泰國電話卡 / SIM 卡比較】邊張最平最推薦最抵用？那裏買最方便？
