超癲呀！收到網友爆料，洲際酒店集團 IHG One Rewards 會員計劃有註冊活動，IHG One Rewards 會員只要透過以下連結登記，即立即免費升級成為 Diamond 級別會員，即最高級個級別！！！有效期至 2022 年 12 月 31 日，真痴線，在有效期內入住洲際酒店集團品牌的酒店，例如洲際，Indigo、金普頓、皇冠假日、假日酒店、智選假日等。即可享有免費房間升級、提早入住、延遲退房等禮遇。如果登記後在 2022 年 12 月 31 日前住夠 10 晚，仲可以保級到 2023 年 12 月。

一秒注冊成為 IHG 洲際酒店集團 Diamond 級別會員方法

大家唔好開心咁早，今次活動不適用於大中華區會員，即中國大陸、香港、澳門以及臺灣用戶都不能夠參加。睇到呢度，唔洗灰心既，因為好多人都有 VPN，睇埋落去點升級先。

1.  今次活動不適用於大中華區內的注冊的會員，但小編知道好多人都有用 VPN（包括小編自己都有），即刻轉去其它地方，例如英國或美國，而家再立即註冊（地址要填海外，不能用香港的地址）。如未註冊，可去 IHG 網站註冊成為 IHG One Rewards 會員（一定要透過非大中華區 IP 註冊）。IHG 註冊網址：https://www.ihg.com/

未有 VPN 有可以去以下網址先買個 Surfshark VPN 服務先，或者你而家已經身處海外，咁就唔洗用 VPN
https://surfshark.com/zh-hk/  (一個月費用 HK$95)

2. 成為 IHG One Rewards 會員後，再去以下網址登記，Promotion Code 填寫 70027
登記網址：
https://www.ihg.com/promoreg/

3. 登記得會立即收到 Email 註冊成功，小編登入 IHG One Rewards 帳戶已見到顯示 Diamond 級別會員了，有效期至 2022 年 12 月 31 。如果想 Diamond 級別保級到 2023 年 12 月 31 日，只需入住 10 晚 (不適用於大中華酒店)，即例如泰國、韓國、日本既 IHG 酒店都得！

▼ 小編都係剛剛今晚 10 月 11 號 10 pm  註冊同登記，都可以成功登記

▼ 之後立即登入 IHG one Rewards 睇下，就已經見到成功升級做 Diamond 級別了（有效期至2022 年 12  月 31 日）。Yeah ~~

最後最後，Runhotel 小編提提你，註冊這些活動有極高風險，亂註冊好大機會被封帳號，建議大家用新電郵，先註冊一個 IHG One Rewards 會員先好去登記。如果本身 IHG One Reward 帳號有分，就自己衡量風險喇，如果被 IHG 封帳號就後果自負（Runhotel 網站不會負責任呀！已提醒大家用新帳號去登記）！

另外，小編都搵唔到今次活動條款和細則，暫時只知道不適用於大中華區。

配合埋 IHG 既優惠黎用仲抵，現在 IHG 日本酒店有 65 折，詳情睇埋：https://www.runhotel.hk/IHG-japan-promo

2022 年 10 月 13 日更新：有啲讀者無玩開酒店會員計劃，呢度講多少少，要享有 Benefits，首先一定要通過 IHG 官網訂房，Agoda 、Expedia 等等網站訂係享用唔到 Benfits 既。第二點，要用到 Diamond 既 Benfits，唔係計你預訂時係 Diamond，係你 Checkin 嗰日，會員級別顯示為  Diamond 咁先代表可以有。

────── 相關文章 ──────

【和牛燒肉一郎燒肉放題買一送一】折後平均每位 HK$299 起，美食包括黑毛和牛、其他肉類、海鮮、多款配菜，仲有自助沙律吧、飲品及甜品吧，連酒精飲品都可任飲！

海洋公園水上樂園門票優惠，兩大一細 HK$688 起，除返開人均 HK$230 起！