【把握機會！Disney+ 至抵訂閱攻略】教你用舊價格訂閱一整年 Disney+ 高級方案
Disney+ 最新公佈，11 月 1 日起收費計劃將會作出調整，新收費計劃將會分成為「標準方案」同「高級方案」兩個類別。已往年費 $738 可觀賞 4K 影片，新收費下就需要訂閱年費 HK$918 計劃先睇到 4K 影片和連接四部裝置一齊觀看節目。 不過新收費會在 11 月 1 日才生效，下文就等小編話你知現時點樣繼續可以用舊價訂閱 Disney+ 同時又享有「高級」方案嘅功能啦。
▼ 以現有價格（HK$738）訂閱 Disney+ 年費方案 ▼
https://www.disneyplus.com/zh-hk/home
全新訂閱類別與價格
先睇睇 11 月 1 日開始的收費表
| 「標準」方案 | 「高級」方案 | |
|---|---|---|
| 收費 | 月費方案：HK$73 年費方案：HK$738 | 月費方案：HK$90 年費方案：HK$918 |
| 畫質 | 最高支援全高清 1080p | 最高支援 4K Ultra HD及 HDR |
| 音質 | 最高支援 5.1 | 最高支援杜比全景聲 |
| 同時觀看裝置數目 | 2 | 4 |
*兩款訂閱類別都均提供無廣告體驗同埋可以免費下載內容
點 JOIN 最抵？
全新客戶
新客戶於 2023 年 10 月 31 日或之前訂閱 Disney+ 年費方案，就可以用現有年費計劃 HK$738 享用一年「高級」方案。呢個方法比 11 月 1 日後申請高級計劃，平咗有成 3 成架*，仲未訂閱就提早訂閱喇，反正早訂閱都係自己早啲有得用。
*2023 年 10 月 31 日前訂閱 Disney+ 年費方案，與 2023 年 11 月 1 日當日及之後以 12 個月分開支付Disney+ 高級方案之月費比較，節省近 32%。訂閱者須年滿 18 歲。你的Disney+ 年費方案到期後將按 Disney+ 高級方案屆時的零售年費自動續訂（自 2023 年 11 月 1 日起 Disney+ 高級方案的零售年費為 HK$918) 直至被取消為止。你可隨時取消，並於計費期結束後生效。已支付的月費或年費不設抵免。須受 Disney+ 訂閱協議及相關私隱政策約束。
現有月費或年費客戶
已購買了年費之現有客戶，如果下一個計費日係 2023 年 12 月 5 日或之前，系統都會自動用番舊價 HK$738 幫你續訂一年 Disney+，並享用「高級」方案。如果係月費客戶，好簡單在 2023 年 12 月 5 日或之前，轉為年費之客戶，都可以用舊價享用到「高級」方案。
另外，如果啱啱買咗 HK$36 睇 2 個月嘅「快閃限時優惠」，不論優惠到期日係幾時，同樣可於 10 月 31 日或之前，用年費 HK$738 訂閱，享用一年「高級」方案。年費方案會於註冊當日立即生效。「快閃限時優惠」的剩餘訂閱期（如有）會於你的Disney+ 年費方案到期後繼續生效。
Disney+ 精選電影及劇集
好多人都知道 Disney + 有得睇迪士尼、Marvel、Star Wars 等作品，但係平台仲有好多本地、亞洲及全球既節目選擇架，今次小編就同大家一齊睇吓 Disney+ 既精選內容啦：
韓劇推介
▼全城激讚嘅原創韓劇《Moving 超異能族》連Do姐、谷德昭、《毒舌大狀》導演吳煒倫等影視工作者都極力推薦！強大 Cast 包括柳承龍、韓孝周、趙寅成主演，講述曾為國家安全局特工嘅主角們同下一代隱藏超能力咁生活之後，有一日神秘殺手出現，要將佢哋逐一擊殺。精彩特效打鬥以外暖心治癒情節同樣熱爆全網。大結局上咗架啦，唔洗擔心睇得唔盡興！
▼最近先上線嘅原創劇《惡中之惡》，有男神池昌旭同《魷魚遊戲》內飾演臥底警察嘅魏河俊主演，以韓國 90 年代作背景，講述韓國首爾臥底警察將中、日、韓最大毒品買賣集團揭露嘅劇情，堪比韓版《無間道》。劇中黑幫橫行無忌嘅場面，猶如當年紅極一時嘅香港電影《古惑仔》，江湖味十足。一眾有「 古惑仔情誼結」嘅觀眾絕對不能錯過，一看韓國「古惑仔」嘅霸氣！
▼《惡鬼》主角分別為金泰梨同埋參演《雖然是精神病但沒關係》既吳正世，演技相當有保證。劇情講述「惡鬼」會透過吸取人性嘅脆弱同慾望變強，而一位被惡鬼纏身嘅女人同有陰陽眼教授合作，揭發人比鬼更可怕。劇集元素驚悚懸疑，喺韓國播出時更連續多星期成為同檔韓劇收視冠軍！
粉絲必追推介
▼Marvel Studios 原創劇集《洛基》(Loki) 第 1 季口碑激讚，國際權威影評網站Rotten Tomatoes 新鮮度達 92%，並成為 Disney+ 平台上最多人次收看嘅 Marvel Studios 劇集。《洛基》第 2 季中 Tom Hiddleston 同 Owen Wilson 將強勢回歸，仲有奧斯卡金像男星關繼威驚喜加盟！10 月 6 日 Disney+ 獨家上線！
▼Star Wars 迷留意啦！星球大戰《阿蘇嘉 Ahsoka》已經上線，劇情背景為帝國倒台後嘅新共和國，講述「黑武士」唯一親傳女徒弟阿蘇嘉喺師父黑化投向帝國後隱姓埋名、同叛軍一齊對抗帝國嘅故事。
電影推介
▼迪士尼與彼思《元素大都會》將風、土、水、火四大元素擬人法，並開展愛情故事。電影畫面色彩繽紛，小朋友定大人都睇得開心！
▼殿堂級金像導演占士金馬倫 (James Cameron) 親自執導及編劇，《阿凡達：水之道》電影設定為第一集 10 年後，男女主角已經組織家庭、有埋小朋友，但人類又再次侵略，納美人又要捍衛家園啦。頂尖特技再一次為觀眾帶來前所未見嘅視覺震撼，以及超越前作嘅觀影體驗 ！
香港電影金像獎作品
▼《正義迴廊》喺一部以發生在 2015 年，轟動全城嘅謀殺案審判為故事背景嘅港產片，講述真實案件嘅法庭審訊程序，案件主角張顯宗、唐文奇同埋律師、陪審員等角色既心理同視覺都有展現。《正義迴廊》喺第 41 屆香港電影金像獎中，榮獲包括最佳電影、最佳導演、最佳編劇、最佳女主角、最佳男配角、最佳女配角等 16 項提名，喺近年香港電影中難得之好水準作品。
最後總結：
- 除咗上面介紹，喺Disney+ 睇到 Nationcal Geographic 嘅紀錄片，當中好多人收看既空中浩劫 (Air Crash Investigation)、金牌馴狗師 (Dog Whisperer)、腦力大作戰 (Brain Game)、危機解碼這些金牌節目，好值得睇，都要 Disney+ 先睇到，Netflix 無得睇。小編特別鐘意見睇異鄉歷劫 (Locked Up Abroad) ，全部故事是真人真事，好正。
- 簡單再講一次，新客戶要在 10 月 31日或之前用年費方式訂閱，就可以 Keep 到用舊價格享用高級方案。現有月費客戶，在10 月 31 日或之前轉為年費客戶，就可以用舊價享用到「高級」方案。
- 現有年費客戶，如果在 12 月 5 日或之前到期，系統都會自動收番舊價，俾你享用高級方案一年。
▼ 以現有價格（HK$738）訂閱 Disney+ 年費方案 ▼
https://www.disneyplus.com/zh-hk/home
