【Disney+ 香港申請前必看】收費、有咩睇、年繳有 85 折、付款方式、缺點、和節目介紹
內文已於 2022 年 11 月更新
=================
Disney+ 已於 2021 年 11 月 16 日正式登陸香港，成為 Netflix、HBO Go及Apple TV 等串流平台以外的另一個選擇。作為迪士尼旗下的串流平台，用戶可以在 Disney+ 上收看迪士尼、PIXAR、Marvel、Star Wars、National Geographic（國家地理頻道）及 STAR 公司旗下作品，有超過 1,200 部電影、16,000 部劇集供觀賞。筆者已申請了 Disney+ 一段日子，就等我作為用戶心享一下 Disney+。如果大家在申請前有問題，又或者想查某一個劇集或電影迪士尼+有冇得睇，都可以在文章尾的留言區留言。
▼ Disney+ 訂閱網址 ▼
https://www.disneyplus.com/zh-hk
(月費：$73)
(年費：$738 – 即月費 85 折，平均 $61)
Disney+ 收費詳情，年繳 85 折，搵夠 4 同朋友 Share 用，每月十幾蚊！
先講講最多人關心既收費，Disney+的收費可以分為月費及年費，月費每月HK$73，或一次過年繳可享 85 折，年費每年HK$738，所以如果以年邀方式付款，除返開每個月都只係 HK$61.5，慳多十幾蚊一個月。
問：Disney + 香港可用什麼付款方式
答：可以用信用卡，包括 Visa 和 MasterCard，或用 Paypal 賬號付款。
最多人問，可以 Share Account 俾其它人用嗎？
答：可以。Disney+ 最多可以 10 部裝置上下載，不過最多只有 4 個裝置可以同時串流觀看，即係最多可以 4 個人齊齊 share 一個戶口，除開之外最平每人每月都只係 HK$15 至 16 蚊，真係勁平！所以同另一伴 Share，或者屋企有兄弟姊妹，搵一個人返黎 Share 已經好抵。
立即申請可以上 Disney+ 網址：https://www.disneyplus.com/zh-hk
Disney+ 最新節目：
2022 年 9 月最新節目：Marvel Studios《雷神奇俠4：愛與雷霆》、迪士尼《木偶奇遇記》、《歐比王肯諾比：絕地回歸》、《韓星地帶：求生大作戰》、變形女俠：律政英雄、桂綸鎂睽違 14 年再演原創劇集《台北女子圖鑑》挑戰演繹20年都市女子人生。而港產片就有《千王之王2000》、《奪命金》、《算死草》、《行運一條龍》、《單身男女》等。
《艾美獎提名劇集片單》：《破案三人行》Only Murders In The Building- 榮獲17項提名，包括入圍「最佳喜劇Outstanding Comedy Series」
《彭美與湯美》Pam and Tommy – 榮獲10項提名，包括入圍「最佳迷你影集Outstanding Limited or Anthology Series」
《美國恐怖故事集》American Horror Stories – 榮獲2項提名
2022 年 6 月最新節目：《金田一少年之事件簿》真人版電視劇、《Ms.Marvel》、《盡情吃，用力愛》、《救難小英雄》(電影版)、星球大戰原創劇集《歐比王肯諾比》、《Baymax!》原創劇上架
2022 年 5 月最新節目：《西城故事》、《毒心術》、《尚氣與十環幫傳奇》、《爆機自由仁》、《熊抱青春記》
2022 年 3 月最新節目：《熊抱青春記》、《梅艷芳》、《西城故事》、《毒心術》》、《瘋狂愛上你》、《單戀原聲帶》
每個月 Disney+ 都會加入不少新節目，令用戶充滿新鮮感有更多嘢睇！以 2022 年 2- 3 月為例，加入嘅節目就有Disney+ 獨家播放的《梅艷芳》（導演版），一連 5 集《梅艷芳》（足本導演版），最後一集於 2022 年 3 月 2 日（星期三）下午 4 時獨家上線，超過 1 小時從未曝光片段，加上重新剪輯的故事、調色及配樂，畀觀眾重溫一代傳奇歌后梅艷芳（梅姐）嘅璀璨人生！
全新懸疑驚悚韓劇《迷網追兇》（Grid）亦正式上線，集結徐康俊、金亞中、金武烈及多位實力派演員陣容，講述秘密政府組織及旗下職員聯手追查被稱呼為「幽靈」的神秘者，並嘗試解開24年前曾透過網絡行星防護罩（Grid）成功保護人類免受致命太陽風影響而滅絕的「幽靈」，為何會以謀殺案共犯的身分再現眼前。
《熊抱青春記》將於 3 月 11 日 Disney+ 獨家上線！迪士尼與彼思全新原創力作《熊抱青春記》(Turning Red)，主角 Mei Lee 係一個樣樣叻嘅學生、爸爸媽媽心目中嘅乖乖女，但原來佢一激動就變咗隻巨型小熊貓！呢套戲仲未喺大螢幕上映，而會直上 Disney+，大家疫情期間都可以即時睇到新戲！
Marvel Studios 全新原創劇集《月光騎士》將於 3 月 30 日於 Disney+ 獨家上線，由奧斯卡艾薩 (Oscar Isaac)、伊芬鶴基 (Ethan Hawke) 及梅卡拉美維 (May Calamawy)主演，主角馬克/ 史提芬成為在月光下擁有超凡能力的「月光騎士」，遇到危險的時候，他們必須協力控制複雜的多重人格，同時直搗埃及眾神致命之中的神秘核心。
全新韓劇《瘋狂愛上你》全劇共 16 集，自 3 月 7 日起於 Disney+ 獨家上線，由金材昱及 Krystal 鄭秀晶攜手合作，上演一段充滿曲折誤會、意想不到的黑色浪漫喜劇，一段甜蜜與殺氣兼具的浪漫故事悄悄萌芽，意想不到的精彩劇情也將隨之上演。
Disney+適用裝置
Disney+ 適用於不同裝置，包括電視（Apple TV、 Chromecast 、Google TV 及其他 、Android TV OS、LG TV 、Samsung、 Panasonic TV、 Hisense TV）、電腦（Chrome、Edge、Firefox、Internet Explorer、Safari）、手機與平板電腦 （Android 手機 / 平板電腦、Apple iPhone、iPad 及 iPod Touch），以及遊戲主機（PlayStation 4、 PlayStation 5 、Xbox One、 Xbox Series X/S）。
Disney+畫質好不好？睇到 4K ?
在畫質方面，Disney+ 下載的影片可以分為高、中、及標準 3 種畫質。不過，無論你用邊個平台，最終顯示嘅熒幕如果本身唔係 4K 的話，無論點樣都唔會睇到真正嘅 4K Ultra HD 畫質。如果只用電腦熒幕打開瀏覽器播放 Disney+ 影片，就算電腦熒幕係 4K 畫質，最高解像度都只可以去到 HD。想睇真正 4K 畫質嘅影片，就要在智能電視 App 商店下載 Disney+ 應用程式，即可直接上到 4K。如果無智能盒子，而電視又唔係智能電視的話，只要電視係支援 Chromecast 或者 AirPlay 即可，如果唔係就要另外買 Apple TV 盒子，就可以喺電腦、電視上都睇到 4K！而電影嘅分類入面，就有 HDR 、 Dolby Vision ，以及 IMAX Enhanced 揀，當中 13 套 Marvel 嘅電影都可以用 IMAX Enhanced 嘅比例播放，由 2.34:1 變成 1.9:1，視覺效果上震撼好多，勁正！
作為用家，可以簡單咁講，基本上大部份裝置都一定睇到 Disney +，不過如果在電腦睇，最高只能選擇 1080P，無得選 4K，用電視睇先有 4K 畫質。同埋系統無得自選畫質，會預設左。如果對畫質無乜要求，電腦睇 1080 都滿足，咁無問題喇。
Disney+ Group Watch 功能
Disney+ 其中一個特點，就係內置咗 GroupWatch 功能，兩人或以上嘅 Disney+ 用戶就算喺唔同地方，都可以一齊睇同一條影片嘅同一個畫面，仲可以即時分享大家嘅睇片感受添！GroupWatch 功能成功令參與者嘅影片播放時間軸同步，大家可以一齊暫停畫面，或者一齊飛去某一個劇情，只要有其中一個人有任何操作，另一個人都會隨之去到同一個畫面。GroupWatch 其中一個好處，係不限平台種類，無論係用 iPhone、Android、電視或電腦，只要分享連結就可以同步睇片，夠晒方便！此功能最多可以邀請 7 個人，咁就成班朋友齊齊睇片喇！（當然全部朋友都要有 Subscribe Disney+ 先睇到）。
Disney+ 不同國家的使用
如果在香港註冊了 Disney+ 戶口，去到海外依然可以 Login 自己的 Disney+ 戶口，而影片內容會自動轉為該地區，內容雖然大致一樣，但美國會版會少咗 「Star」此類別，而英國版雖然依然有「Star」但影片會完全不同，而且語言和字幕上都不能選擇中文版。
Disney+ 語言和字幕
在語言和字幕方面，Disney+ 一共提供 20 種語言和 28 種字幕，而字體嘅大細、顏色及透明度都可以自行調校。而大部分嘅電影都會有粵語配音，但就算無粵語配音，都會有中文字幕，用戶都唔使擔心！
而小編作為家長，覺得 Disney+ 好適合申請俾小朋友睇，因為迪士尼既卡通片可以選中文或英文配音，同時又可以選中文和英文字幕，對小朋友學語言既幫助都幾大，同埋如果想睇中文既迪士尼卡通片，就只有 Disney+ 先有。
Disney+ Premier Access
Disney+ 另設 Disney+ Premier Access，係一種附加費用服務，等大家喺屋企都可以睇到喺戲院上映緊嘅 Disney 電影，用戶可以選擇單次繳費嘅形式，付費解鎖仍在戲院上映的迪士尼電影。以 Marvel 電影《黑寡婦》為例，上映日係 2021 年 7 月 9 日，Disney+ 用戶可以繳付 Premier Access 附加費用，由上映日起到 2021 年 10 月 6 日無限次睇《黑寡婦》，去到 2021 年 10 月 6 日《黑寡婦》就會開放畀所有Disney+ 用戶睇喇！目前 Disney+ Premier Access 香港定價仲未公開！
Disney+與 Netflix 節目上的分別
好多人本身都已有 subscribe 咗 Netflix，又唔知 Disney+ 同 Netflix 有咩分別而降低訂閱慾望。Disney + 多為迪士尼出品電影，當中包括熱門的超級英雄電影，加上 Disney 向來在保密工作上做到足，很少能在網上看到免費的盗版版本，所以對於 Disney 迷來講的確吸引。 至於 Netflix 上是不能看到 Disney 電影，但也有不少精彩原創劇如《Emily In Paris》、《The Queen’s Gamebit》、《魷魚遊戲》、《安眠書店》、《Black Mirror》，也有不少紀錄片，可以說是兩個完全不同的頻道！
另外，Disney+ 睇到 Nationcal Geographic，當中好多人收看既空中浩劫 (Air Crash Investigation)、金牌馴狗師 (Dog Whisperer)、腦力大作戰 (Brain Game)、危機解碼這些金牌節目，都係好值得睇，都要 Disney+ 先睇到，Netflix 無得睇。
Disney+ 節目介紹
用戶可以於 Disney+ 上收看迪士尼、PIXAR、Marvel、Star Wars、National Geographic（國家地理頻道）及 STAR 公司旗下作品，而當中有唔少港產片都可以喺 Disney+ 度睇到，例如 2021 年上映嘅《怒火》、《感動她77次》、 《一秒拳王》、 《梅艷芳 》(足本導演版) 、《家有囍事2020》、《狂舞派》、《狂舞派3》、《乜代宗師》等等，即睇有精彩影片啦！
迪士尼節目：《鷹眼》、《無限可能…假如？》、《洛基》、《飛隼與寒冬戰士》、《溫黛與幻視》、《曼達洛人》、《小白呈獻》、《怪獸開工》、《小叉有問題》、《小姐與流氓》、《天才兒童神秘學會》、《咸美頓》以及《太空先鋒》等
PIXAR：《盛夏友晴天》、《靈魂奇遇記》、《½的魔法》、《反斗奇兵4》、《超人特工隊2》、《海底奇兵2》、《地獄廚神：異國尋味》、《Limitlesswith Chris Hemsworth》、《探訪超凡地球》、《太空先鋒》、《謝夫高拔林帶你探索世界》、《赤手登峰》、《鯨之奧妙》等
Marvel 節目：《復仇者聯盟：終局之戰》、《復仇者聯盟：無限戰爭》、《Marvel隊長》、《美國隊長3：英雄內戰》、《黑豹》、《復仇者聯盟2：奧創紀元》等
Star Wars：《星球大戰：原力覺醒》、《星球大戰：最後絕地武士》、《星球大戰：天行者崛起》迪士尼經典電影，包括原創動畫以及真人版電影，如《黑白魔后》、《幻險森林奇航》、《獅子王》、《阿拉丁》、《美女與野獸》、《魔雪奇緣2》等
STAR 公司：《死侍》、《陰屍路》、《醫人當自強》、《追愛總動員》、《地獄風暴》、《9-1-1》、《屍速列車》、《寒戰》、《一秒拳王》等
National Geographic：《探訪超凡地球》《赤手登峰》、《謝夫高拔林帶你探索世界》及《鯨之奧妙》等
Disney+ 有什麼適合小朋友的卡通片？
小編有小朋友，申請 Disney+ 既好處，係可以令小朋友識得大部份迪士尼既角式，同埋以前舊既電影都可以睇。好似我 3 歲既囝囝咁，電影可以睇反斗車王、超人特工隊、海底奇兵、阿拉丁等等，而節目就有 Disney Junior 既卡通，而且全部有中文配音，都學到野既。
Disney + 有什麼缺點？
小編用了一排，體驗上覺得的最差的缺點是分類做得不好，打開 App，除了分電影、片集之外，很難分港產片 ，或者從明星選擇現有電影或劇集。
而電影亦沒設有「年份」排名 ，新戲和舊戲會 Random 顯示，真係要自己知套戲幾時上，先知邊度係新戲。當然有時新戲、熱門戲都會排先既，但舊然又會見到一些經典電影出現在中間，好似生死時速、空軍一號等。
多不多舊港產片，周星馳電影？
如果你諗住裝 Disney + 睇舊港產片，建議申請 Netflix較好，近年既港產片例如 2021 年上映嘅《怒火》、《感動她77次》、 《一秒拳王》、 《梅艷芳 》(足本導演版) 、《29+1》、《寒戰》、《家有囍事2020》、《狂舞派》、《狂舞派3》、《乜代宗師》等等都有既，周星馳電影就比較少，暫時只有新精武門、萛死草、千玒之玒、行運一條龍難、美人魚等。其它港產片例如古惑仔、賭神系列就沒有了。Disney+ 都係 Foucs 外既既電影，反而外國既經典電影就有得睇，例如生死時速、，Faceoff 奪面雙雄、異形、Star War 、寶貝智多星 Home Alone 都有得睇番。
2022 年 11 月更新：感覺 Disney+ 都有心做香港市場，其實每個月都有新電影和舊電影加緊，越來越多野睇。
總結，Disney+ 的優點如下：
- 適合申請給小朋友，有很多迪尼卡通，迪士尼動畫，重點是有廣東話或英文，中英文字幕任選。我俾我小朋友睇完中文再睇英文，對成個卡通更加深入理解。
- 快，Load 片速度快 （睇片唔 Lack 好緊要）
- 無廣告、無廣告、無廣告
- 一個 Account 可以 4 個人用（可同時在四個屏幕上觀看，變相就係 4 人 Share 月費用都得）
- 可以睇到 National Geographic，除了申請 Now，要睇到 National Geographic 只有 Disney+。
- 第一手睇到 Disney PIXEL 出既電影
- 可以申請左先，7 日內可以免費退款（要搵客服退，唔係自己禁 Unsubscribe）
▼ Disney+ 訂閱網址 ▼
https://www.disneyplus.com/zh-hk
如果有其它申請前既問題想問，可以在留言區發問。
