【康得思酒店親子入住攻略】酒店有超齊全嬰兒用品借用,3 歲以下小童有免費兒童餐、更設有家庭房適合兩大兩細
今次我地帶住兩歲既 BB(BB 叫 謙謙)去康得思酒店 Staycation,過咗好充實嘅一日。住完康得思酒店一次之後,發現酒店可以為 BB 準備超多日用品,對嬰兒或小朋友亦照顧周到,十分貼心! 酒店位於旺角,交通方便車程唔會太遠!好值得推薦其它媽媽作親子 Staycation 酒店。
如果想搵康得思酒店親子 Package 可以參考這一篇,經這頁內的指定連結去康得思酒店官網訂房,入住時送紅酒一支架:https://www.runhotel.hk/cordis-promo,入正題先。
康得思酒店可以為 BB 準備的品物
帶 BB 出街,各位媽媽一定煩惱要帶好多物品,所以住之前我地就上康得思官網睇過有咩物品可以借用,原來康得思酒店有超齊備的小朋友或嬰兒用品可以借用,包括有:嬰兒浴盆、嬰兒馬桶坐墊、防滑腳踏、嬰兒床、床欄、嬰兒枕頭、暖奶器、奶樽消毒器。更貼心連嬰兒奶嘴、尿片和一次性奶樽更可以免費提供。我地都係上官網查先知原來有咁多物品可以借用,太太聽到之後鬆了一口氣,真係可以帶少好多 BB 用品去酒店。物品 List 可參考官網:https://www.cordishotels.com/cdn-7943162b/globalassets/cordis/cd-hongkong/pdf/cordis-kids/cdhkg-cordis-kids-amenities.pdf
如有需要,預訂時記得在 Remark 一欄寫清楚想借用的物品,BB 年齡,方便酒店幫你安排。(需視乎情況而定)
▼ 暖奶器、奶樽消毒器
▼ 好少酒店會有提供一次性奶樽,真係好貼心。
▼ 高腳椅,係房同 BB 食飯都可以。
▼ 尿片都可以問酒店借已經覺得康得思酒店非常之貼心,估唔到連奶嘴有需要時酒店都可以提供。(當然都要視乎供應,真係有需要先好問酒店攞喇)
浴室方面
酒店所有浴室都有浴缸,啱哂鍾意玩水小朋友。
▼ 有嬰兒馬桶坐墊
▼ 嬰兒浴盆
▼ BB 入住更有 BB 沖涼用品、兒童牙刷提供,對酒店的貼心度又加分。
小童餐飲安排
帶 BB 去 Staycation,餐飲安排一定是令各位媽媽最頭痛的地方,我地開頭都諗住需要自備一餐,細問之下才知道,原來康得思酒店任何一間餐廳都會有 Kids Menu,酒店更可以免費為 3 歲或以下小童提供雜果蓉、蔬菜蓉、或鮮魚薯蓉等食物,無錯,係免費㗎(當然你要係餐廳度食飯啦)!咁就可煮少一餐又煩少一樣野,而父母又可以安心係餐廳用餐喇。
而 3 歲或以上小朋友會有其它兒童餐選擇,價錢都唔算貴,HK$108 一個餐(另加一服務費)。
如有小童入住,酒店會為小童準備一些健康零食。
親子房型選擇多
康得思酒店還有一個親子賣點,就是有多種家庭客房可以選擇,包括三人家庭房、四人家庭房,而部份的家庭房,更設有廚房。因為好多香港酒店只可以兩大一細入住同一間房,或要套房先可以住兩大兩細同時入住,而康得思酒店三人家庭房、四人家庭房,都是有 3 張或 4 張床提供(而唔係加床),對兩大兩細既 Family 真係方便既。
▼四人家庭房連廚房(1 特大雙人床和 2 張單人床)
▼豪華三人家庭房 (1 張特大雙人床和 1 張單人床或 3 張單人床)
▼家庭雙睡房客房(1 張特大雙人床和 2 張單人床或 2 張特大雙人床或 4 張單人床)
呢款「高級套房連廚房」仲有設備齊全的廚房。
小朋友迎賓禮物
康得思酒店有幾個親子 Package,我地今次訂左「童樂夢幻泡泡住宿計劃」,房價 HK$1,588 起(另加一服務費),因為爸爸想歎埋 Club Lounge,所以就額外再加錢升級去「高級套房連廚房 One Bedroom Suite With Kitchen」,入住手續在 36 樓 Club Lounge辦理,職員見到我地有小朋友,就第一時間先為小朋友送上迎賓禮物。 (預訂網址:https://bit.ly/356hVNS)
▼ 謙謙 BB 一去到酒店要 D 時間適應,好彩酒店送上禮物,謙謙即刻被分散注意力,專心睇下有咩禮物或玩具先,大人就可以安心等候辦理入住手續。
▼ 一返到房,謙謙 BB 已急不及待要打開背囊
▼ 之後向職員求證過,原來白色的背囊通常俾年紀較細的小朋友,內裏有畫簿、8 色顏色筆、名信片、書籤,仲送埋小童筷子,康得思酒店都幾「揼本」。而橙色背囊通常會俾年紀較大的小朋友。
▼大家見唔見到康得思酒店的親子禮物入面,都是以一隻類似貓??狐狸??的動物做主角,其實他叫「Cody (康迪) 和 Coco (康康)」,是一隻瀕危動物小熊貓(各位家長黎之前做定功課先,阿仔問到都知道係一隻小熊貓麻),這隻吉祥物重點是向小賓客們宣揚保護環境的重要信息。
如果小朋友鍾意隻小熊貓公仔,不妨去酒店大堂支持下,收益扣除成本會捐去海洋公園保育基金去保育小熊貓及其棲息地。
入住體驗
▼ 今次入住有廚房的套房,有 BB 真的建議大家訂這個房型,間房夠晒大,有廚房方便洗和整理 BB 用品之外,沖奶等等都方便好多。
▼ 另一邊就是睡房和浴室,房間採光十分明亮,一入到房已見到酒店為我地準備了 BB 床,還有 BB 枕頭和被鋪,而房間景觀整個旺角景色都望到。
▼ 講講浴室,早排討論區有人分享,話一家人連同 7 歲女兒入住咗某某酒店,房間嘅浴室係透明玻璃但竟然無浴簾,令爸爸十分尷尬。不過康得思酒店就無這個問題喇,一家人入住都唔會有尷尬嘅問題。
▼ 房間有小朋友浴袍之外,更有小朋友拖鞋提供,拖鞋上有小熊貓公仔,謙謙見到好興奮即刻要試穿。
▼ 家長可能都會問,帶 BB 去 staycation 有咩做?原來可以問酒店借用玩具㗎,我地就問酒店借咗電子書同埋方塊玩具。謙謙一見到有新玩具就好雀躍,不停玩。真係估唔到康得思酒店連玩具都可以借,謙謙見到新玩具又會專心自己玩一輪,做父母終於有自己時間喺房間度休息下,睇下電視。
沖涼時間
▼ 今次訂嘅親子住宿 Package 叫「童樂夢幻泡泡」,顧名思義就會送沐浴產品,有 LUSH 浸浴球一個,而酒店更提供咗吹泡泡同埋兩個波作為沖涼玩具。
▼ 其實小朋友好易滿足,兩個波都可以玩得好開心。
▼ Lush 浸浴球
▼ 開頭擔心謙謙黎到陌生環境唔肯沖涼,結果佢見到 LUSH 個浸浴球一放入水又覺得好新奇,最後沖涼沖得好開心。
小型賽車
另外,如果預訂另一個親子 Package「親子三人滋味玩樂下午茶自助餐住宿計劃」,每位小童賓客每次住宿可免費獲贈於 B2 樓層舉行的活動代幣兩個,於周六、周日及公眾假期下午2時半至5時半期間,就可以黎到酒店玩,仲有得玩小型賽車遊戲添。
泳池
至於泳池,全泳池水深 1.28M,如果帶小朋友黎就一定要帶水泡,旁邊就有一個按摩泳池。
36 樓貴賓會Club Lounge
因為今次預訂套房嘅關係,就可以用埋 Club Lounge,康得思酒店 Club Lounge 有韆鞦可以打卡影相,謙謙喺呢度又消磨左半個鐘。
總結
謙謙當晚訓得好好,係間房度已經玩得好開心,康得思酒店在親子配套上真係十分齊全,疫情日子各位媽媽一定少帶 BB 外出,不妨考慮帶 BB 去康得思酒店 Staycation 啦~~~
訂房方法
最後,如果大家想訂我地呢個 「童樂夢幻泡泡住宿計劃」,房價 $1,488 (連服務費後 HK$1,637)起,包玩具套裝、小熊貓康迪毛公仔、兒童小背包及小食,仲有第二朝嘅早餐。透過這條連結去官網預訂(房價會顯示 RUNST2021 已應用),入住時仲有紅酒一支送添。
預訂網址:https://bit.ly/356hVNS
如果想搵康得思酒店其它親子 Package 可以參考這一篇,可以參考這篇:https://www.runhotel.hk/cordis-promo