【巴塞隆納巴特婁之家 Casa Batlló】門票 / 交通 / 特色 / 參觀時間
去西班牙巴塞隆納，一定會去參觀高第建築，今次就同大家介紹巴特婁之家 (Casa Batlló)！巴特婁之家喺 2021 年再升級，推出咗沉浸式的樓梯空間裝置和 10D 超感體驗展館，咩係 10 D ？就係應用 VR，再加熱能感應、面部識別、智能互動、自動追踪等新技術，配合音樂、視頻、氣味，創造出一個迷人的世界，帶領我們進入建築鬼才高迪的意識嘅空間，身臨其境咁感受這位大師的創意靈感世界。所以就算之前去過巴特婁之家嘅朋友，2021 年之後都值得再去一次！
▼巴特婁之家門票購買網址▼
Klook
https://www.klook.com/zh-TW/activity/6402-casa-batllo-skip-the-line-ticket-audio-guide-barcelona/?aid=16&aff_ext=casabatllo
KKday
https://www.kkday.com/zh-tw/product/129228?cid=2058&ud1=casabatllo
(建議大家去先去網上購票，因為參觀人數多，現場購票會加收 €4 （接近 HK$40），都幾唔抵。)
巴塞隆納巴特婁之家交通方式
地鐵：二號線、三號線和四號線格雷西亞大道站(Passeig de Gràcia)
Renfe火車：格雷西亞大道站(Passeig de Gràcia)
FGC火車： 普羅班薩站(Provença)
巴塞隆納巴特婁之家參觀時間
每天開放 12 小時，每日早上 9:00 到晚上 21:00 (最後入場時間：20:00)。 由於遊覽巴特羅之家需要一個小時，持票遊客的最後入場時間是晚上 8 點。
巴塞隆納巴特婁之家門票 (購票方法)
小貼士提提大家，建議大家預先上網買票，買即日票都得既，因為巴塞隆納巴特婁之家現場購票，每張會多收 €4 （接近 HK$40）。門票可以透過 Klook 或 KKday 購買，門票分為三種
- 藍票 (成人每張 HK$299， 65 歲及以上嘅長者 HK$274， 13 至 17 歲嘅學生每張 HK$248) ，藍票是標準票，包巴特羅之家，包括高迪立方體 (360º)。
- 銀票 (成人每張 HK$368， 65 歲及以上嘅長者 HK$342， 13 至 17 歲嘅學生每張 HK$316)，銀票比藍票多了參觀高迪圓頂
- 金票 (成人每張 HK$385， 65 歲及以上嘅長者 HK$359， 13 至 17 歲嘅學生每張 HK$333，金票會再多可以參觀埋原始禮賓室和巴特羅家族的私人住宅。
建議大家買金票，反正相差不到一百元，難得去到西班牙巴塞隆納就順道參觀，否則唔知幾耐先再入場。
巴塞隆納巴特婁之家 – 特色介紹
巴特婁之家一樣都係用屋主個名命名，同阿瑪特耶之家、米拉之家同一條街（格拉西亞大道），大家去巴塞隆納 shopping 就係去呢條街啦！所以基本上大家可以把這些景點安排在同一日的行程。巴特婁之家由西班牙著名建築師高迪設計，外牆上用咗彩色玻璃和圓形陶瓷片裝飾，而窗台就好似舞會面具嘅圍欄，巴特婁之家內部顏色好繽紛可愛，仲有 3D 虛擬實境兼語音導覽，係其他博物館、美術館好少見嘅參觀方式。
巴特婁之家入口玄關
第一站係巴特婁之家入口玄關，感覺好似去咗海底世界咁，天花板好似龜殼
巴特婁先生私人辦公室
二樓係成棟建築最主要嘅地方，第一間房就係巴特婁先生私人辦公室，裡面有蘑菇造型嘅壁爐。
巴特婁之家主廳
辦公室隔離就係巴特婁之家主廳，波浪型嘅木質窗框就好似海底深處的浪潮，藍綠色調的玻璃就好似海中的氣泡；窗內係海底世界，窗外就係格雷西亞大道嘅景色；漩渦狀嘅天花板代表海洋嘅力量。
巴特婁之家內部庭院
行出庭院，會有一種由海底世界返到海平面嘅感覺
巴特婁之家天井
天井牆面刻意規劃由上至下，由深至淺嘅藍，係高第為咗令色彩同光線可以達到平衡嘅巧思。接近天井嘅地方，陽光直射光線強而亮，因此鋪上深色磁磚，越往下方光線越弱而暗，就鋪上淺色磁磚，就好似潛水嗰陣抬頭仰望海平面睇到嘅畫面！
巴特婁之家每戶都有一個獨立嘅門牌號碼（燙金），從英文字母 A 開始命名，值得一提嘅係呢啲字母都係高第親自設計嘅
巴特婁之家閣樓（龍腹）
閣樓原本係設計做租戶嘅公共區域，有洗衣房、儲物室等，由 60 嗰白色拱門所構成，造型好似動物嘅肋骨，大面積嘅純白色，靈感係取材地中海。宜家隨便行入任何一間房，都係播緊高第嘅短片。
巴特婁之家龍脊屋頂
巴特婁之家嘅屋頂，用五彩繽紛嘅圓形彩色石料裝飾，好似巨龍背脊嘅鱗片。天台仲有四座造型獨特嘅煙通，每個煙通都係用磁磚嘅碎片拼貼而成，煙通頂個十字架，亦都象徵高第對宗教嘅信仰。
最新 10D 沉浸式體驗館
Gaudí Dome 高迪穹頂展廳設置了1000 多面圓形鏡面屏幕，21 聲道環繞立體聲全方位打造這個 10D 體驗
巴特婁之家
地址：格雷西亞大道43號，巴賽隆納，郵遞區號08007
開放時間：9:00 至 21:00 （最後入場時間：20:00）
▼巴特婁之家門票購買網址▼
Klook
https://www.klook.com/zh-TW/activity/6402-casa-batllo-skip-the-line-ticket-audio-guide-barcelona/?aid=16&aff_ext=casabatllo
KKday
https://www.kkday.com/zh-tw/product/129228?cid=2058&ud1=casabatllo
