報導第一手酒店優惠消息
分享酒店優惠、訂機票、旅遊攻略


帝逸酒店 Staycation 限時半價優惠!今個星期五(7 月 23 日)早上 10 時起,於 Trip.com 訂住宿連早餐二人房價只是 HK$599 起,入住標準客房一晚,部份客房可以睇到河景同山景,浴室的按摩花灑仲裝有韓國維他命濾水器!房價包埋 Alva House 雙人自助早餐、4 小時單車租用及免費迷你吧!住客亦可以免費使用酒店頂樓戶外恆溫泳池、露天花園同健身室。另外,房價 HK$1,399 起可以升級入住有一房一廳的 Apartment,仲會再送多 HK$500 新城市廣場消費券添。

預訂日期:2021 年 7 月 23 日 10:00 起至 7 月 25 日 23:59
適用入住日期:2021 年 7 月 23 日至 9 月 30 日
預訂網址:
https://hk.trip.com/hotels/detail/?hotelId=44447968

▼標準大床房

▼房內電視有 Screen Mirroring 功能,可以連接手機睇下 YouTube!

▼房內有 iPad 可以控制房間冷氣、燈光、電視等設備

▼有意大利 illy 咖啡及咖啡機、茶包等,另外為響應環保,仲有提供水樽,可以出去走廊水機裝水

▼雪櫃內的飲品都免費

▼洗手間內的浴室花灑有按摩功能,而且裝有韓國維他命濾水器

▼加多 HK$800 起可升級入住 Apartment,面積有 463 平方呎

▼免費租借酒店單車 4 小時

▼酒店露天泳池

▼健身室設有 VR 虛擬現實健身器材,仲有免費水、毛巾及儲物櫃提供

房價包括:

  • Alva House 雙人自助早餐
  • 4 小時單車租用
  • 迷你吧
  • 新城市廣場 HK$500 消費券(適用於公寓客房)

帝逸酒店
地址:沙田源康街 1 號

▼預訂網址▼
https://hk.trip.com/hotels/detail/?hotelId=44447968&currency=HKD

────── 相關文章 ──────
抵呀!用 Agoda App 訂酒店 9 折,即日至 8 月 12 日透過以下連結下載 Agoda App,即會見到 9 折券。下載網址:https://bit.ly/3rHWMnc
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。 ====================
如你有旅遊資訊、旅遊優惠想跟我們分享,歡迎電郵 vincent@runhotel.hk
邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



36 Comments

  1. 完全呃人,問邊日無邊日,問佢咁剩下邊日有位,又叫客人提出邊日得,呃人

    Reply
  2. 假期已經無晒。。問佢平日邊日有又答唔出。。都唔知係咪真係有優惠

    Reply
  3. 呃人的……自助餐同住房優惠在任何日子都同時冇哂!都唔知係咪真係有優惠!纯綷廣告宣傳!

    Reply
  4. 電話長期唔通冇人聽,到有人聽又話未滿房,但就唔俾book, 要留電話轉頭覆,唔明點解有房唔俾book囉, 正常酒店有房就可以即時book房架啦,十分奇怪,到第二日再打成朝唔通,到有人聽已經就話名額已滿,真係好想知,有冇呢個優惠,係咪假嘅,純粹酒店做宣傳,(呃人),真係好想知其實有冇人真正用呢個優惠?

    Reply
    • 見到大家既留言,我都有向酒店查詢過既,咁當然有人訂到,但酒店無透露我知其實優惠名額有幾多個,所以真正幾多人受惠就唔知了。

      Reply
        • 冷靜 D 先,首先我地係採訪,無收任何廣告費。
          第二,我地係情報網,只到有筍野,見到既時候當然想第一時間報料話俾大家知。但我地唔知有 Quota 既,酒店營運既野我地唔會知,大家訂唔到,我地都唔想,係我地角度,當然想每一位都訂到。
          當知道 Full 了之後,我地已經第一時間在文章中 Update,等大家唔洗再打去喇,我地能做既都做了,請問仲想我地點負責任?

          Reply
          • I support you. just a sharing only. how come the ppls can burn you like this….. just ignore such Shit comment.

            Reply
  5. 真係好嬲打咗2日電話去,又email 都無人覆,電話又唔通,都唔知有無呢個優惠?如果做優惠就做耐啲啦!個個都有怨氣

    Reply
    • 唉,酒店安排今次真係差D既,我估計係名額有限,所以好快俾人訂晒,佢地無諗過而家香港咁樣都咁好反應。

      Reply
  6. 真係好嬲打咗2日電話去,又email 都無人覆,電話又唔通,都唔知有無呢個優惠?如果做優惠就做耐啲啦!個個都有怨氣

    Reply
  7. 怪得知話名額已滿啦,見到反應咁熱烈,即時坐地起價,超級唔大方,咁初頭就唔好做呢啲優惠啦,真心覺得呢間酒店好cheap,好cheap,好cheap, 你估你呢間係品牌酒店咩,精品酒店咋,睇吓遲啲冇優惠,又山卡啦地方,阿水去入住

    Reply
  8. 問邊日有,話無曬星期五六日,問仲有邊日,話仲有平日,但要留資料待覆,等了一天覆都無覆,電郵又唔覆,仲要出post 話無埋,但網上有房,有晚餐訂,唔做就唔好賣廣告喇

    Reply
  9. 好嬲,電話打左2日唔通,email左2次唔覆,係佢fb留電話唔覆,係佢專頁個post留言又del人留言,點解5星酒店可以做到咁cheap。唔想比人book就唔好出呢d優惠啦,依家又出d新既所謂優惠,完全唔吸引,永久blask list

    Reply
  10. 唉…超級失望!星期四晚終於打到有人聽,聽完話訂房部已經收工,叫留電話第日覆,我已經講明想訂邊日。點知星期五等咁成日都無人回覆,終於兩公婆夾埋打咁超過100次終於有人接聽了,叫我等等,之後又話要訂的日子已經full了,問我有冇其他心水日子,我話咁唔需要了,因我是結婚周年慶祝,佢又話其實有房嘅,只是當日的offer無,酒店將出新優惠叫我到時再打上去,我唔介意貴咗,點知所謂嘅優惠要12月中才開始,但我要訂的日子是11月尾囉!

    Reply
  11. 帝逸話自已係五星酒店,但連基本禮貌都沒有,我21號起不停打電話沒人聽,電郵吾覆,到22號打通電話,又話已滿,咁點解吾覆我電郵話我知巳滿,咁我吾駛22號浪費時間打電話,而且如果以前的價格係有限額,點解吾係廣告聲眀,現在加咗價又有房,咁不如一早有出這個價啦,本人覺得佢哋好似呃人,雖然新價錢對我來説亦可接受,但我以後都不會幫襯這間酒店的任何服務,真係好嬲佢哋咁做法.

    Reply
  12. 這個純粹是宣傳手法,根本不會提供房間給你預訂,電話長期打不通,留言沒有人回覆,我去到酒店大堂,職員話不能夠辦理預訂,只可以用電話預訂。
    騙局,騙局,騙局

    Reply
  13. 小編,你有沒有考慮到幫這些公司刊登失實廣告,會影響你的信譽?

    Reply
    • 小編睇到大家既留言,都好唔開心,因為我地都唔知有quota 而且得咁少,大家訂唔到真係我地都失望。(我地寫得出黎當然希希大家訂得到)

      我地有問過酒店,佢地話收到有幾百封 email, 所以真係覆唔切,已經加派人覆了。

      我地今次只係報導,無收過酒店任何廣告費 ,亦多謝你的留言,我哋會吸收今次經驗,下次出文章前,會盡量了解限額有多少,無謂浪費大家時間,多謝你支持我地 Runhotel

      Reply
  14. 見到好多人話book唔到,不過我今朝打電話浪漫度假住宿仲有位,大家可以試下

    Reply
  15. 打左40個電話。竟然打通左,仲訂到五間。平日weekday 。各位留意tea set 只可入住當日享用。並非退房日。

    Reply
  16. 好好彩我book到喎!留email無覆,但朋友話要打電話book,星期六上午打咗8次就有人聽。原本想book12月,職員話12月爆左,要一月至有,最後改去一月就OK。他安排了Tea set在第二天吃。或者新酒店人腳未齊喇!

    Reply
  17. I support you. just a sharing only. how come the ppls can burn you like this….. just ignore such Shit comment.

    Reply
  18. vicky choi

    帝逸管理層只識賺錢! 不會理會員工死活!另到係到工作員工工時過長!最後令到大量員工工作量大增, 用膳時間不足! 新鴻基員工 只會去旗下酒店R著數, 得不到著數然後 寫信去公司管理層 投訴 員工服務差! 就係呢個集團嘅特色! 所以令到 呢間酒店 冇人 入去做! 仲要叫埋啲大陸醫護會入去住! 想令到肺炎更加嚴重! 香港醫護就唔畀入去住 都是這個集團的特色!

    Reply

留言