【友邦嘉年華 2026/27】12 月 22 日中環海濱開幕！早鳥門票 HK$86 起，機動遊戲、迪士尼公仔及全新雜技表演
香港冬日人氣活動「友邦嘉年華」今年又返嚟啦！2026/27 年度友邦嘉年華將於 2026 年 12 月 22 日至 2027 年 2 月 21 日 重臨中環海濱活動空間，橫跨聖誕節、除夕、農曆新年及情人節。今年以全新「Next Gen」為主題，除咗刺激機動遊戲及攤位遊戲，仲有全新雜技匯演、迪士尼角色公仔、現場音樂表演，以及擴大規模嘅美食廣場！早鳥門票於 11 月 11 日開售，輸入優惠碼「NEXTGEN10」可享 9 折優惠，小童門票連 7 個代幣 HK$86 起，成人門票連 10 個代幣 HK$126 起！如果打算玩多幾個機動遊戲或者攤位遊戲，亦可以提前網上購買額外代幣。20 個代幣優惠價為 HK$ 180，50 個代幣則為 HK$ 450，兩款均需於入場前最少一日購買，先可以享有指定網上優惠。
▼預訂網址▼
https://www.klook.com/zh-HK/activity/101018-aiacarnival/
如果打算兩個人一齊去，亦可以考慮雙人套票。Klook 提供兩位成人門票連 50 個代幣，再送一份爆谷嘅組合，HK$ 590 起。另外仲有獨家雙人套票，同樣包括兩位成人門票及 50 個代幣，但改為額外贈送兩杯飲品，價錢同樣係 HK$ 590 起。如果想同朋友或者另一半去嘉年華玩足一晚，可以按自己喜好選擇套票。
今年友邦嘉年華由 2026 年 12 月 22 日一直開放至 2027 年 2 月 21 日，地點繼續係中環海濱活動空間。今次以「Next Gen」為主題，場地設計及入口都會換上全新面貌，並加入更多適合唔同年齡層嘅機動遊戲、主題佈置及打卡專區，無論係一家大細、情侶約會，定係約朋友去玩都適合。
鍾意玩攤位遊戲嘅朋友，今年仲可以挑戰贏取全新獎品，包括《反斗奇兵 5》相關公仔，以及專為嘉年華設計嘅迪士尼角色公仔，對於鍾意收藏公仔嘅朋友嚟講，相信會相當吸引。除咗機動遊戲同攤位遊戲，今年亦會帶來全新雜技匯演，嘉年華大帳篷仲會變身現場音樂表演場地，帶來歷來最長嘅音樂演出檔期。社區舞台亦將聯同超過 450 個社區合作夥伴，安排一系列不同主題節目，令嘉年華除咗玩遊戲之外，仲有更多表演可以欣賞。
想一邊欣賞維港景色，一邊同朋友享受更舒適嘅聚會空間，今年亦設有重新設計嘅阿提哈德航空海濱貴賓室，提供更豐富嘅款待服務。今年美食廣場亦會擴大規模，集合多間本地及國際人氣餐飲品牌。當中包括再次回歸、獲米芝蓮必比登推介嘅印度餐廳 Tulsi，帶來炭火泥爐美食；N+ Burger 就會首次進駐嘉年華，而人氣肉桂卷品牌 Cinnabon 更會推出嘉年華限定新品。
另外，「藍妹大牌檔」今年亦會換上全新面貌，場地更加開揚，除咗可以品嚐新鮮即斟嘅藍妹生啤，仲會安排現場音樂、跳舞派對、點心主題派對及麻雀同樂活動，為成年訪客帶來更多夜間娛樂選擇。
為咗迎接今年嘉年華開幕，主辦單位仲會於 11 月 14 日及 15 日 舉行全城快閃活動，流動車將走訪銅鑼灣、尖沙咀、旺角，以及香港摩天輪及 AIA Vitality 公園一帶。市民可以同嘉年華吉祥物近距離互動，參加趣味挑戰發掘自己嘅專屬玩樂人格，仲可以拍照製作個人收藏卡。現場亦設有技巧挑戰，有機會贏取免費入場門票及遊戲代幣，未等到 12 月開幕都可以率先感受嘉年華氣氛！
友邦嘉年華 2026/27 活動
地址：香港中環海濱活動空間
▼預訂網址▼
https://www.klook.com/zh-HK/activity/101018-aiacarnival/
