【任食大閘蟹 2026】海逸君綽 150 分鐘任食 4 款大閘蟹 HK$428！麗晶、喜來登酒店自助晚餐一樣任食大閘蟹
任食大閘蟹優惠！紅磡九龍海逸君綽酒店中菜廳「海雲天」推出 57 折，成人每位 HK$428，就可以享用 150 分鐘任食大閘蟹及京式片皮鴨，而且大閘蟹有齊避風塘、油鹽焗、藥膳及清水 4 種煮法，午市、晚市都適用！餐廳仲可以欣賞 210 度維港景色，啱晒約埋屋企人一齊食蟹。除此之外，尖沙咀香港麗晶酒店自助晚餐亦有無限量清蒸活大閘蟹，而香港喜來登酒店自助晚餐就有任食大閘蟹及香烤阿拉斯加帝王蟹腳，蟹迷不妨比較下邊間最啱自己！
九龍海逸君綽酒店｜150 分鐘任食 4 款大閘蟹＋片皮鴨，成人 HK$428
紅磡九龍海逸君綽酒店中菜廳「海雲天」推出秋季大閘蟹優惠，透過 KKday 預訂可享獨家 57 折，成人每位 HK$428，長者 HK$342，兒童 HK$299，每位可以享用 150 分鐘任食大閘蟹及多款中式美食，午餐同晚餐都可以享用。(價錢未包每位 HK$25.3 茶芥及原價加一服務費，以成人為例，HK$428 優惠價加上茶芥及按原價 HK$748 計算嘅服務費，實際每位合共約 HK$528)
今次最大賣點就係大閘蟹有 4 種不同煮法，包括香口惹味嘅避風塘大閘蟹、油鹽焗大閘蟹、藥膳大閘蟹，以及最能食到蟹肉原味嘅清水大閘蟹，鍾意食蟹嘅朋友可以一次過試勻！除咗大閘蟹，仲可以任食京式片皮鴨、生滾蟹粉大閘蟹粥、生炒蟹膏臘味炒飯、黃金椒鹽魷魚鬚、上湯季節時蔬、鮮蝦蟹肉春卷及金沙蟹粉燒賣等，甜品仲有黑糖薑茶、蕃石榴甘露同海帶綠豆沙。套餐仲有額外驚喜，每位客人可以享用一客蠔皇鮑魚金錢及一客精選養生燉湯。如果 4 位或以上一齊食，每位仲會額外獲贈半隻滷水乳鴿，約埋家人朋友一齊去就更加豐富。
海雲天位於酒店 2 樓，餐廳主打無遮擋 210 度維多利亞港景色，可以一邊品嚐大閘蟹，一邊欣賞維港景致。餐廳午市供應時間為上午 11 時至下午 3 時，晚市則為晚上 6 時至 9 時，實際用餐時段需於預訂時選擇。
香港麗晶酒店｜11 月 5 日起晚餐無限量任食清蒸活大閘蟹 HK$934 起
尖沙咀香港麗晶酒店港畔餐廳（Harbourside）於 2026 年 11 月 5 日至 29 日推出「秋日大閘蟹盛宴」，今次最大賣點係自助晚餐無限量供應清蒸活大閘蟹！鍾意食大閘蟹嘅朋友可以慢慢歎，除咗清蒸大閘蟹，晚市仲有大閘蟹創新壽司、時令蟹沙律、大閘蟹蟹粉蟹肉瑤柱粥，以及特色大閘蟹熱葷，蟹迷應該會相當滿足。
其他自助餐美食亦相當豐富，包括麵包蟹、鱈場蟹腳、拖羅刺身、三文魚子、鮑魚、花膠、海參、中式炒海鮮、即切西冷牛扒、片皮鴨及自家製甜品等。晚餐喺 KKday 預訂有 8 折優惠，星期日至四，以及星期五、六自助晚餐，每位均由 HK$934 起（已連服務費）。不過留意麗晶自助晚餐逢星期五及六有分兩個時段，如果想食足全晚，建議星期日至四去食就抵啲。
如果唔需要任食大閘蟹，反而可以考慮午餐，價錢平一截！平日自助午餐低至 75 折，每位只需 HK$508；星期六、日及公眾假期自助午餐 8 折，每位 HK$664 起。午市每位客人均可享用清蒸活大閘蟹一隻，另外仲有薑蔥蟹黃蝦籽撈粗麵、麵包蟹、鱈場蟹腳、時令刺身及其他自助餐美食。
▼預訂網址▼
https://www.kkday.com/zh-hk/product/183827-regent-hong-kong-harbourside-buffet/
尖沙咀喜來登酒店｜任食大閘蟹＋香烤阿拉斯加帝王蟹腳，人均 HK$612 起
另一間值得留意嘅係尖沙咀香港喜來登酒店！酒店 The Café 咖啡廳由 9 月 14 日至 11 月 30 日推出「環球名蟹盛薈自助餐」，晚餐同樣可以任食清蒸當造大閘蟹，而且海鮮款式更加多元化，當中最吸引就係香烤阿拉斯加帝王蟹腳！廚師會即席炙烤帝王蟹腳，保留蟹肉鮮甜，仲可以品嚐鱈場蟹腳、花蟹、麵包蟹、三點蟹，以及波士頓龍蝦、即開生蠔等海鮮。
除咗海鮮，晚市仲有多款蟹料理，例如蒜蓉蒸肉蟹配粉絲、蟹肉蒸糯米荷葉飯、避風塘炒軟殼蟹、新加坡胡椒蟹及泰式咖喱蟹肉麵包煲等。餐廳亦供應日本刺身、烤美國黑安格斯西冷牛扒及多款甜品，選擇相當豐富。
想食得抵，可以留意自助晚餐買二送一快閃優惠，3 位只需 HK$1,835，平均每位約 HK$612，價錢已包括服務費。小編發文時留意到，買二送一優惠只剩 11 月尾少部分日子可以選擇，其他日子暫時仍有 7 折優惠，實際供應情況以預訂平台為準。
要特別留意，清蒸大閘蟹、香烤阿拉斯加帝王蟹腳及波士頓龍蝦等重點菜式均屬晚市限定，想食呢幾款海鮮記得預訂自助晚餐，唔好訂錯午餐！
▼預訂網址▼
https://www.klook.com/zh-HK/activity/87227-hotel-buffet-sheraton-hongkong-hotel-towers-thecafe/
以上優惠價錢及供應日期以預訂平台最新顯示為準，部分菜式或因供應情況而調整。
