【Klook 酒店優惠】10 月 19 日晚上 9 點深圳、東京、曼谷等指定 8 間酒店半價
小編收到消息，Klook 網站將於 2026 年 10 月 19 日晚上 9 時（香港時間）推出指定 8 間酒店半價優惠，預訂時輸入優惠碼「1019HOTEL50」，即可享訂單金額 5 折優惠！真係全單半價架！今次酒店名單橫跨深圳、曼谷、東京、台北及首爾，連曼谷熱門嘅 Grande Centre Point Hotel Terminal 21 酒店都有份！呢間酒店平時大約要一千蚊一晚，今次如果搶到優惠碼，又訂到心水日子，最平五百幾蚊就可以住一晚。另外仲有深圳洲際酒店、東京灣溫泉酒店及羽田機場酒店等選擇。
根據過往經驗，半價優惠碼名額有限，咁抵一定好多好多人鬥快搶，建議大家提前開定以下預訂連結，等到 10 月 19 日晚上 9 時就準時訂。按目前收到嘅消息，今次優惠不限預訂晚數，連高級房型甚至套房都有機會享半價。不過，實際適用房型、入住日期、折扣上限及使用限制，仍以開賣時 Klook 公布嘅條款為準。
深圳 2 間酒店住宿套餐 5 折
1. 深圳國際會展中心洲際酒店住宿套餐
想去深圳住靚酒店，又想帶小朋友放電，可以考慮深圳國際會展中心洲際酒店。今次住宿套餐 5 折後最平 HK$633 一晚，已經包雙人自助早餐、洲際行政酒廊雙人禮遇，仲可以去親子樂園玩。唔使額外安排太多行程，留喺酒店歎設施、食自助早餐，都可以過一個輕鬆假期。
預訂網址：https://www.klook.com/zh-HK/activity/91391-intercontinental-world-exhibition-shenzhen/
優惠碼：1019HOTEL50
2. 深圳南山伊敦酒店住宿套餐
如果想搵間價錢相對親民嘅深圳酒店，深圳南山伊敦酒店今次同樣有半價優惠。住宿連雙人自助早餐，折後一晚低至 HK$476，兩個人去深圳玩，可以朝早先喺酒店食個早餐，再慢慢出發行街。
預訂網址：https://www.klook.com/zh-HK/activity/160295-aden-hotel-shenzhen-nanshan/
優惠碼：1019HOTEL50
泰國曼谷 2 間酒店
1. 曼谷拉差達安凡尼酒店（Avani Ratchada Bangkok Hotel）
去曼谷旅行鍾意行商場、搭地鐵四圍玩？曼谷拉差達安凡尼酒店就幾方便！酒店門口就係 MRT Phra Ram 9 站，同 Fortune Town 購物中心位於同一棟建築，對面仲有大型商場 Central Rama 9，附近食肆同購物選擇都唔少。今次原價 HK$602 一晚嘅客房，使用優惠碼後最平只需 HK$301 一晚，三百蚊左右就可以住到交通方便嘅曼谷酒店。
預訂網址：https://www.klook.com/zh-HK/hotels/detail/119600-avani-ratchada-bangkok-hotel
優惠碼：1019HOTEL50
2. 曼谷 Terminal 21 格蘭德中心點酒店（Grande Centre Point Hotel Terminal 21）
另一間曼谷酒店就更加適合鍾意 shopping 嘅旅客！Grande Centre Point Hotel Terminal 21 緊鄰人氣商場 Terminal 21，想行街、搵餐廳食飯都十分方便，而且可以輕鬆前往 BTS 及 MRT 車站，去曼谷其他熱門地區都唔難。平時住宿一晚 HK$1,144，今次半價後只需 HK$572，想住喺曼谷熱鬧市中心，又希望酒店交通方便，可以趁今次優惠留意吓。
預訂網址：https://www.klook.com/zh-HK/hotels/detail/278632-grande-centre-point-hotel-terminal-21/
優惠碼：1019HOTEL50
日本東京 2 間酒店 5 折，包括羽田機場酒店
1. 東京灣拉維斯塔酒店（La Vista Tokyo Bay）
去東京唔一定要日日行街，留返啲時間喺酒店浸溫泉都唔錯！東京灣拉維斯塔酒店最大賣點係頂樓溫泉大浴場，可以一邊浸浴，一邊欣賞東京灣及城市夜景。酒店仲有浸浴後冰條及免費宵夜拉麵等貼心安排，啱晒想放慢腳步、享受住宿體驗嘅旅客。原價一晚 HK$1,550，今次 5 折後只需 HK$775 一晚，想去東京住溫泉酒店可以考慮。
預訂網址：https://www.klook.com/zh-HK/hotels/detail/858756-la-vista-tokyo-bay
優惠碼：1019HOTEL50
2. 維拉芳泉羽田機場大酒店（Villa Fontaine Grand Haneda Airport）
如果搭凌晨機或者第二朝一早要喺羽田機場出發，住機場酒店就可以慳返唔少交通時間。維拉芳泉羽田機場大酒店直接連接羽田機場第 3 客運大樓，唔使特登搭車往返酒店同機場，拖住大件行李都方便得多。今次一晚房價由 HK$953 減至 HK$477，對於需要喺機場附近留宿一晚嘅旅客，呢個價錢幾吸引。
預訂網址：https://www.klook.com/zh-HK/hotels/detail/289730-villa-fontaine-grand-haneda-airport
優惠碼：1019HOTEL50
台北綺樂文旅－開封館
台北綺樂文旅－開封館（Le Room Hotel Kaifeng）
台北酒店今次最平只需 HK$193 一晚！綺樂文旅－開封館本身房價已經唔算貴，原價一晚 HK$386，今次再打 5 折，二百蚊有找就住到台北市中心。酒店鄰近台北車站，方便搭捷運、台鐵出入，想去西門町行街，步行大約 12 至 15 分鐘就到。對於去台北玩幾日、日頭主要出外行程，夜晚只想搵間位置方便嘅酒店休息，呢間就幾啱預算有限嘅旅客。
預訂網址：https://www.klook.com/zh-HK/hotels/detail/420205-le-room-hotel-kaifeng
優惠碼：1019HOTEL50
韓國首爾麻浦魯內酒店
首爾麻浦魯內酒店（Roynet Hotel Seoul Mapo）
首爾方面，就有 2022 年開業嘅麻浦魯內酒店參加今次半價活動。酒店位於麻浦區，鄰近地鐵麻浦站，步行約 4 分鐘亦可到達公德站，仲可以搭機場鐵路 AREX 直達仁川及金浦機場，落機之後唔使轉幾次車先去到酒店。想去弘大、明洞或者東大門購物觀光，搭公共交通工具都方便。今次優惠後住宿一晚低至 HK$615，適合打算自由行、以地鐵作為主要交通工具嘅旅客。
預訂網址：https://www.klook.com/zh-HK/hotels/detail/1072206-roynet-hotel-seoul-mapo
優惠碼：1019HOTEL50
