想去瀨戶內海旅行，小豆島一向係人氣之選。2026 年新開幕嘅 edit x seven Setouchi Shodoshima，坐落於香川縣小豆島南側安田地區，面向瀨戶內海，主打結合現代設計與島上慢活節奏嘅度假體驗。酒店由客房、餐廳到水療設施都以海景做主軸，特別適合計劃去小豆島放空、過一個悠閒假期嘅旅客。今次就同大家整理呢間小豆島新酒店嘅開幕資訊、房型特色、餐廳、溫泉水療、交通方法及周邊景點，方便你安排行程。

▼ Runhotel 幫你搜尋最平預訂網站 ▼

HK$2,315起

立即預訂

HK$2,315起

立即預訂

HK$1,603起

立即預訂

即日起至 2026 年 4 月 30 日，透過KKday訂 edit x seven 瀨戶內小豆島飯店，輸入折扣碼「E7SDSMHK」即享 95 折優惠！

edit x seven Setouchi Shodoshima 酒店簡介

edit x seven Setouchi Shodoshima 位於香川縣小豆郡小豆島町安田，正對瀨戶內海，位置清靜，周邊帶有濃厚島嶼度假氣氛。酒店設計走簡約自然路線，大量運用木材、石材及留白元素，整體感覺時尚但唔會過分冰冷，特別適合想遠離城市節奏、享受海景與陽光嘅旅客。如果你本身鍾意瀨戶內海嗰種慢活旅行感，呢間酒店會係小豆島相當值得留意嘅新住宿選擇。

edit x seven Setouchi Shodoshima 什麼時候開幕？

酒店已於 2026 年 1 月 26 日開始試營運，並預計於 2026 年 3 月正式開幕。對於想搶先體驗小豆島新酒店嘅旅客嚟講，今年春季會係一個幾適合入住嘅時機。

酒店基本資料
地址：香川縣小豆郡小豆島町安田 144-21
入住時間：15:00
退房時間：11:00

edit x seven Setouchi Shodoshima 房型介紹

酒店房型選擇幾多元，由雙床房、日式現代房，到配備私人桑拿及小型泳池嘅套房都有，適合情侶、朋友同家庭旅客。

▼頂樓豪華套房屬於酒店最具代表性嘅房型之一，空間感最充足，景觀亦最開揚。客房坐擁遼闊海景，部分設備包括私人桑拿及按摩浴缸，私隱度高。

▼花園套房連小型私人泳池，呢個房型最大特色係設有 私人花園、小型泳池同桑拿，整體更有 villa 式度假感。日頭可以喺戶外曬太陽，夜晚則可慢慢享受島上寧靜氣氛。

▼日式現代房將和風元素融入簡潔設計之中，房間線條俐落，住感舒服，部分客房可享海景。若果你想揀一間帶少少日本旅館氣息，但又保留現代酒店感覺嘅房型，呢類型會幾適合。

▼高級上下舖房以實用性見稱，適合朋友結伴或小型團體入住。第一層設有 2 張 Queen Size 床，第二層則設有 2 張單人床，最多可住 6 人。

▼高級雙床房最多可入住 4 人，房內採光不錯，活動空間相對寬敞，整體感覺輕鬆舒適。

▼想朝早一打開眼就見到瀨戶內海，可以考慮海景雙床房。房間設計簡潔，窗外景色係賣點。

▼海景露台上下舖房呢類房型結合上下舖配置與海景露台，最吸引之處係戶外空間較大，度假氣氛更突出。想住得有啲新鮮感，又想有露台睇海，呢個房型會較有特色。

▼海景上下舖房同樣偏向實用路線，適合多人入住，並兼顧海景元素。

edit x seven Setouchi Shodoshima 房價

edit x seven 瀨戶內小豆島酒店房價由 HK$2,300 起。入門級房型例如海景碌架床房、上下舖海景房等，每晚由 HK$2,315 起，包早餐；如果選擇連早晚餐，房價由 HK$2,700 起。中階房型如海景雙床房及高級海景客房，空間更大，價格由 HK$2,550 起，連晚餐方案由 HK$2,950 起。至於高級房型方面，例如花園套房（連私人泳池或冷水池）及頂層套房，房價每晚由 HK$11,700 起。

edit x seven Setouchi Shodoshima 餐廳

酒店 1 樓設有餐廳，主打結合瀨戶內海海產、小豆島橄欖油及本地時令食材嘅料理。由早餐到晚餐都圍繞在地風味，餐點整體偏向精緻度假路線，幾適合入住期間慢慢享受。

如果你本身鍾意試在地食材，小豆島嘅橄欖油、海鮮同酒類配搭會幾值得期待。

餐廳資料
早餐：07:00 – 12:00
午餐：12:00 – 14:00
晚餐：17:00 – 21:00

edit x seven Setouchi Shodoshima 水療與溫泉設施

酒店其中一個焦點設施係位於 2 樓嘅 Thermal Spa。呢個空間唔單止係傳統泡湯設施，而係以不同溫度體驗作為核心，透過桑拿、冷水浴、室內浴池、無邊際泳池及按摩浴缸等組合，令住客可以慢慢感受身體同環境之間嘅變化。

▼無邊際泳池直接朝向瀨戶內海，視野相當開揚。天氣好時，泳池水面同海平線幾乎連成一線，係酒店其中一個最吸引打卡位。

▼酒店設有芬蘭式桑拿，最多可容納約 20 人。桑拿房內設有大面積景觀窗，浸住熱氣之餘亦可望住海景，體驗幾有特色。

▼冷水浴水溫約 15 度，深約 1.2 米，適合配合桑拿交替使用。對鍾意完整 sauna 流程嘅旅客嚟講，呢個配置會幾有吸引力。

水療設施資料
開放時間：06:00 – 24:00
注意事項：進入設施需穿著泳裝

edit x seven Setouchi Shodoshima 交通方法

乘坐公共交通
由東京、名古屋或者廣島出發，可以先到岡山，再轉往新岡山港，之後乘船前往小豆島土庄港，再轉乘島內巴士到「安田」站。由京都、大阪或者神戶出發，通常可考慮先前往姬路，再去姬路港乘船到福田港，之後轉乘島內巴士前往酒店。

亦有人會從高松出發，去小豆島通常可以把「天使之路、橄欖公園、寒霞溪＋一兩個電影景點」串成一條很順的路線。進出島最方便的方式是從高松港坐船到土庄港或池田港，渡輪約一小時，高速船約三十多分鐘。

▼神戶–小豆島輪船票預訂網址▼

HK$35起

立即預訂

自駕前往
如果你計劃喺小豆島自駕，行程安排會方便得多。酒店設有免費停車場，對自駕旅客相當友善。由不同港口開車前往酒店，大約所需時間如下：坂手港約 8 分鐘、池田港：約 18 分鐘、土庄港約 28 分鐘、福田港：約 20 分鐘。

共享單車
如果只係想喺酒店附近或周邊景點慢慢探索，共享電動單車會係輕鬆選擇。島上設有多個租還點，彈性較高，適合行李唔多嘅自由行旅客。

edit x seven Setouchi Shodoshima 附近景點推介
醬之鄉

小豆島以醬油釀造聞名，而「醬之鄉」就聚集咗多間老字號釀造工房。沿住街道散步時，可以感受到當地傳統產業文化，亦係認識小豆島歷史與飲食特色嘅熱門地點。

小豆島橄欖公園
小豆島橄欖公園係島上代表性景點之一，以大片橄欖樹園、白色風車及海景聞名。呢度亦因為充滿童話感氣氛而吸引唔少旅客到訪，係小豆島必去景點之一。

二十四之瞳電影村
電影村重現咗日本大正至昭和初期嘅村落景觀，木造校舍同復古街景保存得相當完整，適合鍾意懷舊氣氛、日本電影文化或者攝影打卡嘅旅客。

edit x seven Setouchi Shodoshima
地址：香川縣小豆郡小豆島町安田 144-21

▼ Runhotel 幫你搜尋最平預訂網站 ▼

HK$2,315起

立即預訂

HK$2,315起

立即預訂

HK$1,603起

立即預訂

────── 最新文章 ──────

九龍東帝苑酒店復活節住宿優惠｜親子Staycation包自助餐＋遊戲活動 HK$2,317 起

【上海 2026 新酒店】上海徐家匯中心安達仕酒店，最細房型485平方尺，每晚房價 HK$2,017 起

【自助餐買一送一優惠 2026 年 3 月】海洋公園萬豪買一送一、薈景買二送二、康得思酒店自助餐買一送一、銅鑼灣 Mr. Steak a la minute 買一送一、W 酒店買一送一、中環文華東方酒店買一送一、荃灣西如心酒店買一送一（文章持續更新）

【海逸君綽酒店中菜廳海雲天優惠】 四人餐半價只需 HK$688，人均 HK$172， 歎松葉蟹；皮鴨放題買一送一，人均 HK$167，食足 240 分鐘

【灣仔自助山自助餐優惠】低至 9 折再減 HK$100，自助午餐折後每位只需 HK$338 起，自助晚餐折後每位只需 HK$768 起

【沙田麗豪酒店自助早餐 43 折】折後每位 HK$88 包埋服務費，任食麵包、熱食、中式點心，款式都唔少！