三井 OUTLET PARK 福岡｜2027年開幕！九州最大海邊購物新地標即將登場
位於福岡市西區小戶二丁目的「三井 OUTLET PARK 福岡（暫稱）」正如火如荼籌備中，預計將於 2027 年春季正式開幕。呢個全新商場由三井不動產同福岡地所合作打造，選址喺原「Marinoa City Fukuoka（馬里諾亞城）」嘅舊址之上，未來將成為九州最新、亦係規模最大嘅海邊 Outlet 商場。整個項目用地面積約 8.52 公頃，總建築面積達 11.78 萬平方米。商場主體為兩層高新建建築，並會結合部分現有設施翻新使用，同時設有兩座大型立體停車場，可容納數千架車，方便自駕旅客前往。
三井 OUTLET PARK 福岡｜交通攻略
商場位置非常方便，面向主要幹道「マリナ通り」，距離福岡都市高速「愛宕 IC」約 2 公里，由機場出發大約 25 分鐘就到。搭地鐵嘅旅客可以喺「姪浜站」落車，再轉乘巴士或的士，車程大概 5 分鐘，地理位置可謂集「近市區＋海景」於一身。
由於地點臨海，預計商場會採用開放式設計配合海岸景觀，營造「購物＋度假」嘅氛圍。旅客除咗購物，亦可以喺戶外廣場散步、睇夕陽，享受同市中心截然不同嘅悠閒感覺。
三井 OUTLET PARK 福岡｜九州最大規模 Outlet
根據官方資料，「三井 OUTLET PARK 福岡」計畫引入大約 200 間品牌店，涵蓋國際時尚、運動休閒、戶外生活、家品雜貨等多個類別，預計會成為九州最大規模嘅購物園區之一。
除咗購物，商場亦會設有多元餐飲區同親子休憩空間，並將不定期舉辦活動與限定市集，為當地居民同遊客提供更多娛樂選擇。三井不動產亦打算以「自然、開放、可持續」為概念，延續其其他 Outlet（例如木更津、幕張等）嘅設計風格，令整體動線更流暢、氛圍更舒適。
三井 OUTLET PARK 福岡｜結合購物＋休閒
與市中心嘅「LaLaport 福岡」定位不同，「三井 OUTLET PARK 福岡」將主打「旅遊型、體驗型」，吸引更多外地旅客同家庭客。呢度唔單止係購物天堂，亦預計會成為假日放鬆嘅新熱點。
周邊港灣地帶亦有望進一步活化，配合餐廳、海濱散步道、夜景燈飾，令成個區域無論日夜都充滿活力。如果你計畫喺 2027 年之後去福岡旅遊，呢度一定會係必去新景點之一。
三井 OUTLET PARK 優惠券
如果你打算去日本任何一間三井 OUTLET PARK 購物，記得可使用以下 10% 優惠券。只需要到 Outlet 時，先去 Mitsui Outlet Park 綜合服務中心出示呢張優惠券，職員就會畀你各店嘅優惠券，所以記得攞呀！
官網最高 10% 折扣券網址（手機出示畀綜合服務中心就可使用）：
https://mitsui-shopping-park.com/lalaport/msp-info/coupon/?rsapp=28_40
三井アウトレットパーク 福岡
地址：福岡縣福岡市西區小戸2-12 他
開業日期：2027年春預定
交通：從地下鐵空港線「姪濱站」乘搭的士約 5 分鐘
(adsbygoogle = window.adsbygoogle || []).push({});