【京都任天堂博物館】要早 3 個月預約，有體驗互動區、博物館，仲可以自製手信！
任天堂 Fans 一定要留意！全球首間「任天堂博物館」已於 2024 年 10 月 2 日正式喺京都宇治開幕啦！作為全世界第一間以任天堂為主題嘅博物館，呢度絕對係遊戲迷嘅夢想天堂，下次去京都必去。
任天堂博物館背景
任天堂博物館曾經係 1969 年建成嘅宇治小倉工廠，當年主要生產任天堂最初嘅產品——花札撲克牌（Hanafuda），後來，隨著公司發展就翻新成為咗「任天堂博物館」。由京都市中心去博物館超方便，坐近鐵京都線，喺小倉站落車行 5 分鐘就到；或者搭 JR 奈良線，喺小倉站北口行 8 分鐘，一樣可以輕鬆到達！
▼遊客可以製作自己嘅「入館証」！
任天堂博物館必玩亮點
博物館一樓設有多個互動式體驗區，畀遊客親身體驗經典遊戲：「超級瑪利歐世界」入面玩射擊遊戲、「Ultra Hand」夾波波，以及用巨型控制器玩復古遊戲。每個入場嘅遊客都會收到 10 枚硬幣，可以用嚟參加呢啲互動活動。
二樓則專注於展示任天堂歷年來嘅經典產品，畀粉絲們深入了解品牌的理念與發展歷程。展出早期遊戲機和遊戲軟件、許多珍貴的收藏品如未公開的遊戲設計草圖和原型機，從花札撲克牌到紅白機，再到Switch。遊客會睇到任天堂由創立以嚟，所有重要產品同歷史展示，以及背後嘅故事同品牌精神。
「DIY花札撲克牌工作坊」仲可以體驗親手製作屬於自己嘅紀念品，30-60 分鐘時間製作屬於自己嘅花牌，費用介乎 500 至 2000 日圓之間，想參加記得要提早預約，即可體驗傳統紙牌遊戲的魅力。
除了常規展覽外，「任天堂博物館」不定期會舉辦特別活動和主題展覽，會邀請知名遊戲設計師舉辦講座，又或者推出限時特別展覽，讓粉絲們能夠更深入了解某款遊戲或某位設計師的創作過程。如果你計劃去參觀，不妨提前留意官方網站或者社交媒體。
▼二樓專注於展示任天堂歷年來嘅經典產品，畀粉絲們深入了解品牌的理念與發展歷程。
▼博物館一樓設有多個互動式體驗區
▼「DIY花札撲克牌工作坊」仲可以體驗親手製作屬於自己嘅紀念品
任天堂博物館餐飲及紀念品
博物館內設有咖啡廳 HATENA BURGER，提供客製化漢堡服務。客人可以選擇自己喜愛的食材搭配，總共有超過 27 萬種組合可供選擇。無論你鍾意肉類、素食、定係特別配料，都可以滿足。此外，咖啡廳仲有其他配菜同飲品選擇。
最後離場之前，記得去 BONUS STAGE 逛逛，呢度有唔少任天堂主題嘅官方商品，例如「Super Mario」嘅周邊、玩偶等等，亦，仲有「任天堂博物館」限定商品，只有持門票嘅人先可以買！
▼咖啡廳 HATENA BURGER
▼BONUS STAGE 有唔少任天堂主題嘅官方商品
任天堂博物館購票方法
想要進入「任天堂博物館」，最好提前做好準備！門票採用抽籤制，所以建議大家至少提前三個月註冊成為任天堂會員，以獲取抽籤資格。中獎者需要在指定期限內付款，而參觀前一天下午 2 點會發送QR Code入場券。入場時需要出示護照和 QR Code，以便兌換實際門票。門票價格如下：成人 3300 日圓、12 至 17 歲 2200 日圓、6 至 11 歲 1100 日圓、5 歲以下免費進場。
▼小編幫大家睇過，宜家已經賣到去 4 月中喇！
任天堂博物館
地址：京都府宇治市小倉町神樂田 56
時間：10:00~18:00（每週二休館、12/30~1/3年假休館）
官網：https://museum.nintendo.com/
京都相關文章
- 京都 8 間有得浸浴，或附有溫泉的酒店推介
- 京都、大阪觀光券 (一日或二日)介紹 | 京阪交通
- 京都賞櫻行程規劃 – 醍醐寺 : 三寶院/憲深林苑看支垂櫻 | 第三篇
- 京都賞櫻、賞楓路線規劃 (蹴上鐵道→ 南禪寺→ 哲學之道→ 銀閣寺) | 第一篇
- 北陸拱型鐵路周遊券攻略 (一次玩盡東京、大阪、京都、輕井澤、金澤無難度)
- 【京都 Gracery 酒店】京都必住新酒店推介！最平 HK$550 訂到，位置超方便
- 【必讀】京都河原町酒店介紹
- 從京都(河原町或/袛園) 去心齋橋交通方法
- 京都新酒店推介
- 京都 8 間有得浸浴，或附有溫泉的酒店推介
