【深港互通行卡】適用於香港同內地 327 個城市，一張 $68 適用於各地交通工具及香港便利店！

宜家港人最愛返深圳玩同消費，不過成日畀錢都好麻煩，有啲地方唔收現金，想申請手機支付又唔知點搞，宜家可以一卡搞掂香港同埋內地各大城市嘅支付喇！深圳通有限公司同香港八達通卡有限公司共同推出「深港互通行卡」，係一款結合深圳通同八達通嘅 IC 卡，使用範圍包括香港同埋內地 327 個城市，無論係深圳定香港嘅公共交通工具、香港便利店都用到，一張只需人民幣 $68，嚟緊會仲夾埋澳門 3 地都用到！

想買「深港互通行卡」，可以喺深圳通 APP 或深圳通官方客服買，而深圳多個地鐵口岸如羅湖、福田、皇崗口岸、蛇口港、文錦、蓮塘口岸及福田口岸，以及 53 個郵政支局都有得賣，但暫時深圳灣口岸就冇得買，一張人民幣$68 唔使收押金。

要增值的話，深圳通人民幣錢包可以喺深圳通 APP、深圳通客服點、深圳各地鐵站客服中心及深圳通自助終端機充值；港幣錢包可以喺深圳地鐵 1、2、5 號線各站、香港的八達通客服中心、香港便利店以及八達通 APP 增值。要注意想喺深圳用要用人民幣錢包充值，想喺香港用就要用港幣錢包充值。

另外，深圳通仲聯合支付寶推出「一碼通深港」，無論喺香港定係深圳，只要透過深圳通、港版支付寶或支付寶的 APP，就可以掃碼支付，適用於兩地的巴士與地鐵。另一個服務係「一票通深港」，通過深圳通 APP 或深圳通同小程序，選擇「一票通深港」功能就可購買跨境巴士車票。

其它深圳兒童景點介紹：【深圳室內兒童遊樂場指南】| 深圳親子景點、好去處 | 【深圳親子酒店大集合】全深圳最強 9 大親子酒店推介

深圳酒店推介：【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】

相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！