九龍酒店龍逸軒點心放題｜4 人同行人均 HK$216 食足 30 款點心，2 小時任食，每位送鮑魚燒賣皇＋自助甜品

尖沙咀九龍酒店「龍逸軒」推出點心放題優惠，上 eshop 預購四人同行優惠，只需 HK$861（已包加一），平均每人只係 HK$216，仲包埋茶錢，仲可以 2 小時任食，差唔多有六折，性價比真係幾高。Eshop 結賬前在備註欄輸入「Runhotel」，用餐期間仲可以免費無限享用隔離倚窗閣自助餐甜品，小編試食後真心推介，以呢個價錢食酒店點心確實幾吸引。

尖沙咀帝苑酒店日本餐廳 23 周年，7 道菜懷石盛宴每位 HK$880，歎招牌天婦羅，鮑魚釜飯、刺身、牛肉鐵板燒

尖沙咀帝苑酒店日本餐廳 23 周年，7 道菜懷石盛宴每位 HK$880尖沙咀帝苑酒店旗下日本餐廳迎來 23 周年，四季菊即日起推出全新周年慶祝菜單，7 道菜懷石料理每位收費 HK$880，有前菜、刺身、天婦羅、鐵板燒及北海道蝦夷鮑魚釜飯等多款經典和食。

【帝逸酒店月租優惠】月租 HK$19,200 起，免費用健身室、頂樓泳池、共享工作空間同空中花園，仲包接駁巴士，指定日子入住再送 HK$2,000 餐飲額

如果你想喺沙田搵個住得舒服又出入方便嘅長住地方，可以留意帝逸酒店（ALVA HOTEL BY ROYAL）最新推出嘅長住計劃。連續住滿 30 晚，月租最平 HK$19,200 起，仲包多種酒店設施同服務，好似頂樓泳池、健身中心同共享工作空間等。而且每住滿 30 晚仲送 HK$2,000 餐飲消費額，可以喺酒店餐廳用。酒店位於源康街，近城門河同單車徑，環境開揚又清靜，加上設施齊全，無論係短期暫住、工作過渡，定係屋企裝修期間，都幾適合作為落腳點。

【唯港薈 Hotel ICON The Market 自助餐優惠】最新「龍蝦阿拉斯加帝王蟹自助餐」期間限定低至 95 折，人均 HK$471 起

唯港薈 Hotel ICON The Market 推出超人氣「龍蝦阿拉斯加帝王蟹」自助餐，主打龍蝦加帝王蟹雙重海鮮陣容，食物比以往更升級，鍾意食海鮮嘅基本上一定啱。平日自助午餐兩位只需 HK$942（已連服務費），平均每位HK$471；星期六日及公眾假期則為兩位 HK$1,466  （已連服務費），平均每位HK$733；。至於自助晚餐，星期一至四 2 位 HK$1,844（已連服務費），平均每位 HK$922，星期五至日及假期兩位為 HK$1,950 （已連服務費），平均每位 HK$975。

【美麗華酒店 Vibes 露天酒吧】經典廣東歌Disco夜登場！每位 HK$350 包 3 杯啤酒，4 月 30 日重返港式夜生活黃金年代

鍾意廣東歌又想感受返香港夜生活氣氛？尖沙咀 The Mira Hong Kong 美麗華酒店 5 樓 Vibes 露天酒吧，4 月 30 日帶嚟全新主題《經典廣東歌 Disco 夜》，由本地 DJ 組合「節拍星期五」INK 同 Ballshing 坐鎮，將 80、90 年代經典廣東歌重新 remix 成 Disco 節拍，熟悉旋律配上全新節奏，氣氛即刻升溫。活動門票每位 HK$350，已包 3 杯啤酒，性價比幾高，適合約埋朋友一齊去玩。

【九龍酒店點心放題優惠】四人同行人均只需 HK$216 起， 限時接近 6 折

九龍酒店中菜廳龍逸軒推出網店限定優惠，「任點任食點心 Brunch」四人同行只需 HK$861（已連服務費），平均每位只需 HK$216，接近六折。2 百頭就食到超過 30 款酒店高質點心，包括金箔蝦餃、沙律醬蝦多士、黑毛豬叉燒包，每位仲包一份原隻南非鮑魚燒賣皇，呢個價已經包埋茶錢喇，所以超抵食！於 4 月 10 日至 4 月 23 日期間，凡經以下指定官網鏈接預訂並於結賬前在備註欄輸入「Runhotel」，更可於用餐期間免費無限享用倚窗閣自助餐甜品。

【帝京酒店母親節中菜優惠】四位用基本套餐 HK$3,600 起，可選套餐有鮑魚、龍蝦、或蟹蓋，送飲品同端午糭劵

母親節將至，帝京酒店推出中式餐飲優惠，由 2026 年 5 月 1 日起，旗下帝京軒同獅房菜供應母親節中式套餐，最平四位用由 HK$3,600 起，同時 Royal Delights（R+）亦推出母親節限定蛋糕。酒店表示，凡於訂座日期 7 天前繳付訂金，可享套餐 9 折優惠，席間無限供應汽水、橙汁或指定啤酒，每 4 位付費客人另送指定端午糭劵 1 張。