上海又有新酒店喇！上海徐家匯中心安達仕酒店（Andaz Shanghai Xujiahui Centre）已於 2026 年 2 月 3 日正式開幕，坐落喺上海其中一個最有歷史重量、同時又最前沿嘅地段——徐家匯。酒店位於全新城市地標徐家匯中心（ITC）綜合體內，設計概念以「垂直的上海街區」為主軸，將里弄街巷嘅縱橫肌理、石庫門歲月感，同現代摩天大樓嘅線條感，層層堆疊。由三樓入口開始，玻璃磚牆配上苔蘚色地毯，已經有種走入老上海巷弄嘅感覺；而十四樓空中大堂，就以當代設計語言重新詮釋海派建築韻律，歷史與現在喺同一個空間對話。

作為安達仕品牌一貫嘅精神延續——「Andaz」喺印地語中意指「個人風格」，真正因地而生，將徐家匯呢個文化重鎮嘅故事，融入每一個細節之中。目前已經可以經官網進行預訂，每晚房價約由 HK$2,017起。

▼ Runhotel 幫你搜尋最平預訂網站 ▼

HK$2,017起

立即預訂

HK$2,017起

立即預訂

HK$2,017起

立即預訂

267 間客房 最細房型485 平方尺

酒店一共設有 267 間客房及套房，全部配備落地玻璃窗，一邊望向歷史悠久嘅老建築，另一邊就係直指天際嘅現代城市景觀，新舊交錯，極具上海味道。房間面積由 約 485 平方尺至 1,580 平方尺不等，空間感十足。房內配備亦相當齊全，包括席夢思訂製床具、Nespresso 咖啡機、55 吋智能影音系統，以及安達仕精選嘅 Byredo「Eleventh Hour」洗護系列，再加上水療級沐浴體驗，細節控會好滿足。部分房型更設有觀景露台，適合想慢慢感受城市節奏嘅旅客。

整體客房設計走住宅風格，連走廊都融入上海弄堂中常見嘅梧桐樹剪影，每一間房門設計都唔同，刻意營造返回家嘅感覺。房內布局參考複式住宅概念，獨立衣櫃自然銜接浴室空間，立體瓷磚牆面帶出私密又溫暖嘅生活感。

▼豪華客房

▼市景轉角客房

▼安達仕套房

▼安達仕套房起居室

3 大餐飲空間＋私密健身空間

作為美食之都上海嘅新成員，酒店設有三個各具個性嘅餐飲空間。屋頂酒吧主打以茶為基底嘅創意雞尾酒，配合高空無遮擋城市景觀，加上牆面嘅高訂時裝手繪元素，成為城中品味人士聚腳點。西廓則係一間結合歐式同上海風味小食嘅葡萄酒酒吧，設計靈感源自酒窖嘅手工美學，走「匠人工坊式餐飲體驗」路線，將可視化手作過程同地區風味融合，靜靜地、好有質感。而東閣就主打地道本幫菜，同時融入懷舊上海味道，選用時令食材，配合特高樓底、華蓋式燈光同戶外露台，無論商務飯局定輕鬆聚餐都好合適，亦設有私人包廂選擇。

健身中心同樣延續安達仕私密而專屬設計概念，走精品會員制路線，更適合想靜靜做運動、放慢節奏嘅住客。

▼東閣

▼健身中心

房價

透過 Trip.com 預訂，見到系統顯示 4 月份房價 HK$2,017 起。

▼ Runhotel 幫你搜尋最平預訂網站 ▼

HK$2,017起

立即預訂

HK$2,017起

立即預訂

HK$2,017起

立即預訂

────── 最新文章 ──────

九龍東帝苑酒店復活節住宿優惠｜親子Staycation包自助餐＋遊戲活動 HK$2,317 起

【自助餐買一送一優惠 2026 年 3 月】海洋公園萬豪買一送一、薈景買二送二、康得思酒店自助餐買一送一、銅鑼灣 Mr. Steak a la minute 買一送一、W 酒店買一送一、中環文華東方酒店買一送一、荃灣西如心酒店買一送一（文章持續更新）

【海逸君綽酒店中菜廳海雲天優惠】 四人餐半價只需 HK$688，人均 HK$172， 歎松葉蟹；皮鴨放題買一送一，人均 HK$167，食足 240 分鐘

小豆島新酒店推介｜edit x seven Setouchi Shodoshima 2026 年開幕，海景住宿 HK$2,300 起

【灣仔自助山自助餐優惠】低至 9 折再減 HK$100，自助午餐折後每位只需 HK$338 起，自助晚餐折後每位只需 HK$768 起

【沙田麗豪酒店自助早餐 43 折】折後每位 HK$88 包埋服務費，任食麵包、熱食、中式點心，款式都唔少！