【YMCA 自助晚餐＋煙花體驗】位置正中、超近距離、唔洗逼！每位 $1,000 Buffet 和國慶煙花體驗
位於尖沙咀嘅港青酒店 YMCA，每逢維港有煙花表演，酒店都會喺四樓平台花園推出煙花倒數燒烤自助晚餐。我哋之前國慶當晚都去試過，成人每位 HK$1,000，3 至 11 歲小童 HK$600。可能大家會覺得一千蚊一位好貴，但我哋去之前都有比較過尖沙咀同區其他酒店，例如麗晶酒店、都會海逸酒店嘅自助餐，通常因為有煙花表演，所以自助晚餐會分成兩輪時段；而 YMCA 嘅賣點係全晚只有一輪，唔使食得咁趕，睇完煙花之後仲有時間返入餐廳慢慢食甜品。而且 YMCA 就喺半島酒店隔離，位置正正對住煙花發放區。買咗自助餐就可以上酒店天台戶外位置睇煙花，唔係隔住玻璃，感覺非常值得。
預訂網址
https://www.kkday.com/zh-hk/product/137849
▼BBQ 自助餐喺四樓平台舉行，我哋就安排咗坐宴會廳，座位排得整齊，用白色椅套再加大片玻璃窗，感覺乾淨又優雅。窗外望到一棟棟舊樓同綠樹，環境好舒服。
▼當晚海鮮區有龍蝦、鮑魚、海螺、青口全部都有，補得快，唔使爭。
▼龍蝦隻隻紅潤飽滿，size 唔細，排到整整齊齊，肉質爽口，仲有琵琶蝦。
BBQ 區
▼呢張相係 BBQ 區，最搶眼嘅一定係一整排虎蝦排到好靚喺烤爐上，師傅喺旁邊不停落料，香味係全場最吸引。
▼另一張相見到啱啱烤好嘅牛肉，切得厚薄一致；隔離仲有烤雞翼，係最啱小朋友食嘅選擇。
▼ 其它食物
睇煙花體驗｜「正中位置、超近距離、完全唔洗逼」係最大亮點！
▼煙花晚上 8 點開始，餐廳大概喺 7 點半會通知食客排隊搭電梯上天台。因為電梯每次只可以上十幾個人，所以都要排十幾分鐘。上到頂層，見到已經有唔少人企好，但場面唔混亂，仲有位置，可以慢慢揀。左邊大大個 YMCA 招牌亮燈，右邊就係一片開揚嘅維港景色。
▼俾大家睇睇煙花未開始前嘅視覺，位置真係正中，完全對住煙花發放點。
▼可以睇晒三隻船發放的煙花，有紅色、金色齊放，畫面好壯觀，視線完全無遮擋。呢個位置真係近得誇張，係維港前排視角，但唔洗逼同唔洗早兩三個鐘霸位。
甜品區
▼Buffet 食到 9 點半，所以睇完煙花之後，仲可以慢慢返去歎甜品。不過甜品種類唔算多，主要係蛋糕、撻、布丁、雪糕等。
觀後感
以自助晚餐嚟講，成人每位 HK$1,000 算係貴，但勝在睇煙花位置極之好、超近、又無遮擋，而且全程完全唔逼人、唔侷促，舒服度高。以「煙花日子唔使霸位都睇到前排景」嚟講，性價比其實唔錯。
預訂網址
https://www.kkday.com/zh-hk/product/137849
(adsbygoogle = window.adsbygoogle || []).push({});