【札幌新酒店 Comfort Hotel 】12月18日開幕每晚 HK$820 起，車站步行5分鐘/前台借用髮夾/有Free Drink！
北海道嚟緊又有新酒店喇！想喺札幌搵間夠新、夠近車站、又有少少設計心思嘅酒店？Comfort Hotel 全新品牌「Comfort Hotel ERA」終於殺到北海道，「Comfort Hotel ERA 札幌北口」目前已開放預訂，將於 2025 年 12 月 18 日正式開業。酒店樓高 11 層，合共 122 間全禁煙客房，位置距離 JR 札幌站北口大約 5 分鐘腳程，去大通公園、時計台、薄野都非常就腳，自由行或公幹都非常方便！
▼ Runhotel 幫你搜尋平預訂網站 ▼
122 間客房 設備完善
酒店走清新而實用嘅路線，全館禁煙，共 11 層樓、122 間客房，設計清新現代，提供單人床、Queen 床與雙床選項，滿足不同旅伴及家庭需求。房內用色舒服，床邊設置 Type-C 插口、睡床用自家高回彈寢具，洗手間配備納米泡沫花灑，如果你有需要仲可以去前台借用直／曲髮夾。酒店亦提供自助洗衣機、置物櫃與販賣機等便利設施，對長期旅客都相當友善。
▼提供單人床、Queen 床與雙床選項
▼洗手間配備納米泡沫花灑，細細哋都有浴缸
早餐由 6:30 至 9:30 供應，大人 1,800 日圓、小學生同行 950 日圓，未就學小童免費。食物方面主打色彩繽紛嘅蔬果沙律同多款配料，自己砌「專屬沙律」之外，亦有多款暖盤同地道滋味。公共空間方面，招牌「Comfort Library Cafe」係住客免費留連嘅小天地。由早上到深夜都有 Free Drink，仲有「Sweets Time」供應北海道出品嘅小甜點（14:00–17:00），黃昏之後變身「Cocktail Time」（17:00–23:00），可試到北海道釀造嘅酒款，每杯 500 日圓，行程前後都可以喺度 hea 一陣。
強調在地連結 有藝術氛圍
品牌今次亦特別強調喺「在地連結」。房內牆上會見到與札幌本地高中生合作創作嘅植物塗料藝術，主題係「都市與自然的調和」，用上北海道植物葉材做出每間房都獨一無二嘅圖案；另有以北海道扇貝殼粉末升級再造成嘅藝術裝置「札幌之雪」，將可持續理念化成實物，幾有心思。想自駕的話亦可以預約館內車位，不過名額唔多，每晚 1,800 日圓。
Comfort Hotel ERA 札幌北口
地址：札幌市北區北七條西 5 丁目 17-1
▼ Runhotel 幫你搜尋平預訂網站 ▼
