珠海東澳島安麓酒店介紹：必打卡懸崖無邊泳池，153 間客房＋34 棟別墅，全部望海景超正！
講到近年大熱嘅海島度假地，珠海東澳島絕對係榜上有名。一座被譽為「中國小塞班」嘅島嶼，成個島被大海包圍，水清沙幼，仲有超過八成森林覆蓋率，難怪會入選「中國最美十大海島」之一。最近，呢度仲開咗間重量級新酒店——珠海東澳島安麓酒店。呢間被譽為安縵 (Aman Resorts) 姊妹品牌嘅度假酒店，第一次落戶海島，而且處於仲係懸崖邊嘅隱世之所！宜家經 Klook 預訂珠海東澳島安麓酒店仲會有各種優惠套票，「1 晚蒔花逐浪軒+ 2 大 2 小早餐+戲韻茶點+美拍+迷你吧+店內活動」折後 HK$2,544 起、「1 晚蒔花/侯月觀海軒+ 2 大 2 小早餐+正餐+美拍+迷你吧+店內活動」折後 HK$2,544 起等等，即睇介紹！
Runhotel 幫你搜尋最平預訂網站
珠海東澳島安麓酒店介紹
珠海東澳島安麓酒店坐落喺東澳島南沙灣，大家由珠海橫琴碼頭坐船大概 50 分鐘就到，再搭酒店專屬接駁車進入。酒店背靠青山，面對開揚嘅伶仃洋，270°海景加埋 2 公里私人海岸線，成個感覺就好似住咗入去一幅山水畫咁。設計上好有特色，由大師馮智君操刀，靈感嚟自明代王府，再融合嶺南庭院風格同海洋元素。行入大堂就見到中式大宅嘅「四水歸堂」庭院，仲有水景倒影，好有中式美學格調。大堂用咗好多原石、船木同藤編去點綴，簡單又高雅，加埋大大塊落地玻璃，望出去就係一望無際嘅大海，真係一秒靜心。
房間介紹 – 全面向海嘅海景房＋獨棟別墅
酒店一共有 153 間客房同 34 棟別墅，全部都係望海景，基礎房型都已經有 72㎡，空間感十足。房間設計走簡約木色調，加咗啲中式小細節，無論係落地大玻璃窗定係浴缸，都可以邊休息邊望海，夜晚泡住澡睇住月光照海面，好有feel～如果想再豪華啲，可以揀觀雲複式套房，有獨立泡池同更高層次海景；至於家庭或者一班朋友旅行，就好啱入住獨棟別墅，仲有私人泳池同花園。最頂級嘅「清風閣」同「明月閣」足足 500平方米，三房連廚房，露台仲有 270° 環海景添！
打卡重點 – 懸崖無邊泳池＋室內恆溫泳池
嚟安麓一定要影泳池相！懸崖邊嘅無邊泳池望出去同大海無縫連接，無論日出日落，光影倒影落水面，靚到不得了。影相真係張張可以呃 like！另外仲有室內恆溫泳池，落地玻璃窗直望山海景。餐飲方面，安心全日餐廳可以邊食早餐邊望海，早餐仲貼心開到 11 點，夜瞓嘅朋友完全唔使趕。中餐廳「麓中」就主打新派粵菜，例如亞麻籽脆皮雞、發酵番茄酸湯海斑魚，傳統同創新兼備，味道一流。
酒店內亦有各種體驗：安麓書院可以嘆茶聽古箏，仲有非遺手工藝體驗，好似製作中藥手皂、點翠，感覺好有文化氣息，夜晚仲會喺麓戲台上演粵劇、變臉、水袖舞等表演。想放鬆一下即可體驗酒店嘅 SPA ，以島上嘅玄武岩做熱石療程，仲有喜馬拉雅鹽房調理身體，再配合太極館同健身房，想養生、做運動一樣冇問題。每日都有安排晨啟儀式、下午茶、晚間水上儀式，由朝到晚都可以慢慢享受海島嘅寧靜。酒店周邊都有唔少嘢玩，大家可以出去行森林棧道、登上蜜月閣山頂公園望盡全島，或者乘船去隔離嘅外伶仃島。周邊海域仲係《極限挑戰》取景地，想影靚相、享受大自然都非常啱。
香港去珠海東澳島交通方法
從香港去珠海東澳島的交通方式主要是經由珠海，再轉乘渡輪前往東澳島。
- 先由香港搭乘渡輪到珠海九洲港碼頭。香港可選擇上環港澳碼頭或尖沙咀中港城碼頭乘船，船程約70分鐘。
- 抵達珠海九洲港後，再搭乘渡輪前往東澳島碼頭，船程約 45分鐘。九洲港至東澳島的船班每日有限，一般建議提前安排時間和購票。
- 東澳島碼頭到島上渡假村或酒店有專車接送，約 10 分鐘車程。
另外，從香港經港珠澳大橋乘坐金巴（穿梭巴士）至珠海，再轉珠海碼頭乘船，也是常見路線。珠海市區有多個碼頭可以搭船到東澳島，包括橫琴碼頭和香洲港碼頭，船程約 40-50分鐘。
Runhotel 幫你搜尋最平預訂網站
想睇埋其他珠海酒店，可以睇埋珠海香山迎賓館美高梅華府酒店
