【美麗華酒店 Vibes 露天酒吧】經典廣東歌Disco夜登場！每位 HK$350 包 3 杯啤酒，4 月 30 日重返港式夜生活黃金年代
鍾意廣東歌又想感受返香港夜生活氣氛？尖沙咀 The Mira Hong Kong 美麗華酒店 5 樓 Vibes 露天酒吧，4 月 30 日帶嚟全新主題《經典廣東歌 Disco 夜》，由本地 DJ 組合「節拍星期五」INK 同 Ballshing 坐鎮，將 80、90 年代經典廣東歌重新 remix 成 Disco 節拍，熟悉旋律配上全新節奏，氣氛即刻升溫。活動門票每位 HK$350，已包 3 杯啤酒，性價比幾高，適合約埋朋友一齊去玩。
今次活動主打懷舊港式 Disco 氛圍，帶大家重返尖沙咀霓虹燈閃耀嘅黃金年代。Vibes 本身係露天酒吧設計，空間夠開揚，加上燈光同音樂配合，成個場就好似一個戶外舞池。當晚播放嘅全部都係經典廣東歌 remix 版本，由慢歌到勁歌都會變成適合跳舞嘅節奏，聽到識唱嘅歌自然會忍唔住一齊擺動。
飲品方面，門票已包 3 杯啤酒，仲會聯同 Hoegaarden Peach 同 Stella 提供，邊飲邊跳更加盡興。要留意今次門票係不設座位，主打企位派對形式，方便大家自由走入舞池，氣氛會更加熱鬧。如果你本身鍾意廣東歌，又想搵個地方同朋友輕鬆飲返幾杯，呢個活動幾值得一去。
經典廣東歌 Disco 夜活動詳情：
日期：2026 年 4 月 30 日（星期四）
時間：晚上 9 時至午夜 12 時（晚上 8 時 30 分開放入場）
地點：The Mira Hong Kong 5 樓 Vibes
演出 DJ：節拍星期五（INK & Ballshing）
價格：每位 HK$350（包 3 杯啤酒）
備註：門票不包括座位
想預訂嘅朋友，而家可以直接去 Klook 買飛，
▼Vibes 露天酒吧
最近好多香港酒店都舉行 DJ 派對，可按此睇下近期有咩合集：香港酒店 DJ 派對合集
(adsbygoogle = window.adsbygoogle || []).push({});