銅鑼灣世貿中心 Mr. Steak a la minute 自助餐買一送一優惠又嚟喇！今輪優惠將於 2026 年 10 月 20 日中午 12 時開搶，星期一至五自助午餐 2 位只需 HK$410，人均 HK$205；想食生蠔、煎鴨肝，可以揀 17:00 自助晚餐，人均 HK$280 起；如果想任食日本和牛、龍蝦，19:30 自助晚餐人均亦只需 HK$335 起。另外仲有長者半價優惠，以及周末親子海景下午茶買 2 大送 1 小，3 位合共 HK$356。今次優惠選擇幾多，Runhotel 幫大家比較埋價錢同菜式，睇吓邊個時段最抵食！
注意：以上優惠價均未包括按原價計算的 10% 服務費，需於餐廳現場另付。
▼10 月 20 日中午 12 時開搶▼
KKday Mr. Steak 自助餐優惠預訂網址
Mr. Steak 自助餐買一送一優惠價錢比較
今次 Mr. Steak 自助餐優惠由午餐、兩個晚餐時段，到長者及親子套餐都有。最平係星期一至五自助午餐，人均 HK$205；如果想食生蠔又唔想花太多錢，星期六、日及公眾假期午餐人均 HK$255，亦有即開生蠔供應。
以下整理今次主要優惠，方便大家按預算同想食嘅菜式揀時段。
| 優惠套餐 | 適用日子 | 優惠價 |
|---|---|---|
| 自助午餐 買一送一 |
星期一至五
周末及公眾假期 |
HK$410／2 位 人均 HK$205HK$510／2 位 人均 HK$255 |
| 17:00 自助晚餐 買一送一 |
星期一至五
周末及公眾假期 |
HK$560／2 位 人均 HK$280HK$610／2 位 人均 HK$305 |
| 19:30 和牛龍蝦晚餐 買一送一 |
星期一至四
星期五至日、公眾假期及前夕 |
HK$670／2 位 人均 HK$335HK$710／2 位 人均 HK$355 |
| 17:00 長者晚餐 2 成人＋1 長者 |
星期一至五
周末及公眾假期 |
HK$840／3 位 人均 HK$280HK$915／3 位 人均 HK$305 |
| 17:00 長者晚餐 1 成人＋1 長者 |
星期一至五
周末及公眾假期 |
HK$616／2 位 人均 HK$308HK$671／2 位 人均約 HK$336 |
| 親子海景下午茶 買 2 大送 1 小 |
周末及公眾假期 | HK$356／3 位 人均約 HK$119 |
註：以上均為優惠套餐價，未包括按原價計算的 10% 服務費。所有優惠均須選購指定人數組合，實際可預訂日期及名額以 KKday 頁面為準。
午餐最平，和牛龍蝦晚餐性價比高
幫大家快速總結一下 Mr. Steak 自助餐
- 想最平食自助餐：星期一至五午餐人均 HK$205，已經有雪花蟹腳、刺身同美國燒牛肉，適合純粹想食平價海鮮自助餐嘅讀者。
- 想平食生蠔：周末午餐人均 HK$255，已有即開生蠔，比周末 17:00 晚餐每位平 HK$50。如果唔特別追求煎鴨肝，午餐已經係唔錯嘅選擇。
- 想食生蠔加煎鴨肝：星期一至五 17:00 自助晚餐人均 HK$280，相比平日午餐每位貴 HK$75，但多咗晚餐菜式，適合想食得豐富啲又唔想花太多錢嘅讀者。
- 想食日本和牛、龍蝦：星期一至四 19:30 自助晚餐人均 HK$335，比同日 17:00 晚餐每位只係貴 HK$55，就有日本和牛、龍蝦及更多特色菜式。對本身想食和牛同龍蝦嘅讀者，Runhotel 會比較推薦呢個時段。
如果想再比較其他自助餐優惠，亦可以睇 Runhotel 整理嘅 香港自助餐價錢比較，按預算揀適合自己嘅餐廳。
自助午餐買一送一｜平日人均 HK$205，周末有即開生蠔
今次最平嘅係「環球海鮮、美國燒牛肉」自助午餐，星期一至五買一送一，2 位合共 HK$410，人均 HK$205；星期六、日及公眾假期 2 位 HK$510，人均 HK$255，即係周末兩位比平日貴 HK$100。午餐以海鮮同燒牛肉為主，有雪花蟹腳、翡翠螺、刺身、中西式湯品、美國燒牛肉，甜品仲有即焗心太軟及牛乳布甸。如果鍾意食生蠔，反而可以留意周末午餐。因為星期六、日及公眾假期除咗基本午餐菜式，仲會加推即開生蠔、養生燉湯、即叫即燒美國極黑牛鐵板燒，同埋 Häagen-Dazs 雪糕。
17:00 自助晚餐買一送一｜人均 HK$280 起，有生蠔、煎鴨肝
想食晚餐又唔想太貴，可以揀 17:00 至 19:00 嘅「雪花蟹腳、生蠔、美國燒牛肉及煎鴨肝」自助晚餐。星期一至五買一送一，2 位合共 HK$560，人均 HK$280；星期六、日及公眾假期 2 位 HK$610，人均 HK$305。呢個時段除咗有午餐嘅海鮮、刺身同燒牛肉，仲有新鮮生蠔、煎鴨肝等選擇。10 月及 11 月更加入「秋意蟹味濃」主題菜式，包括蟹黃蟹肉野菌忌廉意大利麵、蟹粉扒季節時蔬，以及鱈場蟹海鮮芝麻醬冷豆腐，鍾意食蟹嘅讀者可以留意。
19:30 日本和牛龍蝦自助晚餐｜買一送一人均 HK$335 起
如果想食得豪華啲，Mr. Steak 19:30 至 22:00 嘅「日本和牛、雪花蟹腳、生蠔、龍蝦盛宴」自助晚餐就更加吸引。星期一至四買一送一，2 位合共 HK$670，人均 HK$335；星期五至日、公眾假期及前夕 2 位 HK$710，人均 HK$355。最主要分別係呢個時段會加推多款日本和牛及龍蝦菜式，例如鐵板和牛、日本和牛燒牛肉、火炙和牛壽司，配埋龍蝦、雪花蟹腳、新鮮生蠔及冰鎮海鮮。19:30 後仲有更多特色菜式，包括鮑魚花膠一品鍋、海膽手卷、香煎鴨肝蟹黃醬小碗蓋飯、鳳尾蝦蟹肉瑤柱蒸蘭王蛋、避風塘青花椒軟殼蟹，以及牛角酥窩夫。
長者半價優惠｜2 成人加 1 長者，3 位晚餐 HK$840 起
帶爸爸媽媽或者屋企長者去食自助餐，今次都有長者半價優惠，適用於 65 歲或以上人士。如果有 2 位成人加 1 位長者同行，可以享成人買一送一，再加長者半價，星期一至五 17:00 自助晚餐 3 位合共 HK$840，人均 HK$280；星期六、日及公眾假期 3 位 HK$915，人均 HK$305。如果只有 1 位成人陪長者食飯，亦可以選擇成人 6 折加長者半價優惠，星期一至五 2 位合共 HK$616，人均 HK$308；星期六、日及公眾假期 2 位 HK$671，人均約 HK$336。Runhotel 幫大家計過，如果有 2 位成人加 1 位長者同行，選擇 3 人套餐會更抵，人均比 2 人套餐平 HK$28。以上價錢均未包括按原價計算的 10% 服務費。如果想搵更多適合帶父母食飯嘅餐廳，可以參考 Runhotel 整理嘅 長者自助餐優惠。
親子海景下午茶買 2 大送 1 小｜3 位 HK$356，人均約 HK$119
除咗午餐同晚餐，Mr. Steak 仲有適合一家大細嘅「秋日親子海景」下午茶自助餐優惠！星期六、日及公眾假期推出買 2 大送 1 小優惠，2 位成人加 1 位兒童，3 位合共 HK$356，平均每位約 HK$119。下午茶菜式都幾豐富，有壽司、刺身、凍海鮮、燒美國西冷、日式壽喜燒、甜品同雪糕。最特別係餐廳設有兒童玩耍區同爆旋陀螺對戰設施，現場仲提供畫紙、蠟筆及寫碟傳心意服務，小朋友食完嘢都有活動玩。Runhotel 認為呢個套餐幾適合一家三口周末食下午茶，平均每位唔使 HK$120，仲有海景同兒童遊樂設施，對親子家庭幾吸引。以上優惠價未包括按原價計算嘅 10% 服務費，預訂前亦要留意免費兒童嘅適用條件。
▼Mr. Steak 自助餐預訂網址▼
https://www.kkday.com/zh-hk/product/279547
Mr. Steak a la minute 自助餐環境及美食圖片
Mr. Steak a la minute 餐廳資料
餐廳名稱：Mr. Steak a la minute
地址：銅鑼灣告士打道 280 號世貿中心 6 樓
電話：2881 5757
自助午餐：12:00 至 14:30（特別日子以餐廳公布為準）
自助晚餐：17:00 至 19:00／19:30 至 22:00
最後提醒：今次買一送一優惠以指定時段及人數組合計算，優惠期內實際供應、價錢及可預訂日期，以 KKday 平台最終顯示為準。
留言