RunHotel 搵酒店

【Hotel Icon The Market 自助餐介紹】任食龍蝦、鵝肝，貓山王榴槤雪糕更是必食推介！

傳說中香港最難訂位的 Hotel Icon自助餐我地終於可以試到喇，餐廳設有室內及戶外坐位，我們當日準時 6:30 餐廳已經差不多坐滿了一半。The Market 自助餐以榴槤甜品作賣點，在香港自助餐餐廳真係好少見。不單止甜品區，海鮮區的海鮮都有好多選擇，有龍蝦、龍蝦仔、長腳蟹、青口、蝦、青口、和螺，全部都好新鮮。

 

有什麼方法可以容易試到 Hotel Icon 的自助餐呢？其實俾少少貼士大家，午餐會比晚餐相對易些訂位，其實自助午餐和自助晚餐最主要分別，是晚餐才有龍蝦和鵝肝，但榴槤甜品午餐連晚餐提供既是一樣的，如您喜歡試 Hotel Icon 的貓山王榴槤甜品，不妨考慮找個平日放假日子去試自助午餐，甜品款式和數量是一樣的。

餐廳仲有戶外座位

龍蝦非常多，每次出去都可以攞到。

有廚師即場煎的法式鵝肝，每次出去攞野食都見到排長龍。

椰子雪耳燉雞湯好足料

芝士及煙三文魚。

有魚生同魚生飯。

前菜及沙律

BBQ 區有扇貝同三文魚。

 

好多客人是為貓山王榴槤甜品以來的，甜品甜品有榴槤斑蘭卷、榴槤芝士撻、榴槤芝士蛋糕、貓山王榴槤雪糕、炸榴槤等，全部都好好味。(櫥窗裏的甜品是可以買走的。)

價錢
自助午餐星期一至五成人$338、兒童 $258
自助晚餐星期一至四成人$658、兒童 $438
自助晚餐星期五至日及公眾假期成人$698 、兒童$488

點樣先有折食到 Hotel Icon 個 Buffet？
多謝讀者報料，原來用 Poly 大學 student card 同 Poly 大學信用卡都有 85 折。

訂枱可以去以下這個網址：
https://www.quandoo.com.hk/hk/place/the-market-18589

 

Hotel Icon 唯港薈
地址： 尖沙咀科學館道 17 號

 

Hotel Icon 酒店不時都會推出「住宿 + 自助餐」的優惠，又可住一晚又一有餐食，詳情可以參考：
Hotel Icon 酒店香港人專享優惠，HK$1,800 起包兩位自助餐 (或指定晚餐) 和一晚住宿