【唯港薈秋季和牛薈自助餐延長！】早鳥優惠85折，主打M8和牛，必食燒和牛西冷、炙燒和牛壽司，仲有大量凍海鮮同紅白酒任飲！
早前 Hotel Icon 推出全新自助餐主題「秋季和牛薈 」反應不俗，近日酒店決定延長優惠，於11月29、12月5、6、20、31日 及 2021年1月1日，再度推出「秋季和牛薈 」。呢個自助餐係早午餐時段：上午 11:45 至 下午 3 點供應，成人每位收費 HK$760 (連服務費後 HK$836)，於 2020 年 11 月 30 日或之前預訂並繳交全數可享 85 折（2020 年 12 月 31 日 及 2021 年 1 月 1 日場次除外），折後連加一成人每位 $722，小編實試過就同大家分享下啦！
▼ 今次 Hotel Icon 主打 M8 和牛，和牛菜式自然選擇不少，分別有燒和牛西冷、法國和牛他他多士、炙燒和牛壽司、三色和牛漢堡同埋意式和牛薄片。 M8 和牛脂肪分佈大概喺 30-35% 之間，特別係燒和牛西冷可以食得出牛味濃郁突出，口感嫩滑多汁。當中比較難得係可以食到生牛肉，意式和牛薄片加入咗醬汁同埋芝士，食落口感更加鮮嫩，每次都會好快一掃而空但是酒店會不斷補充。
▼ 除咗和牛之外，場內食物選擇真係超級多，基本上一般自助晚餐無分別，冰鎮海鮮有 6 款：龍蝦、長腳蟹、青口、蜆、蝦，龍蝦肉質厚實又多膏，最正係長腳蟹夠粗身，唔會過鹹仲可以食到鮮甜味，必食！
▼ 今次自助餐喺 Silverbox宴會廳舉行，宴會廳外仲會有個空位係主打熱食，熱食唔算超級多，但款款都幾有誠意。焗釀波士頓龍蝦半邊上任食，另外有芒果胡椒燒鴨胸、燒羊扒、鱸魚、千層麵、和牛通粉等等，仲有即製喇沙、海鮮粥、碗仔翅、龍蝦湯，樣樣都真材實料認真試得過！最驚喜係有埋畀小朋友揀嘅 Kid’s Corner，有薄餅、薯條、蛋糕仔等，估唔到連 Brunch 都有！
▼ 漢堡雖然係比較飽肚嘅食物，但小編都非常推薦大家留肚食一份，三款口味分別係蘑菇芝士、焦糖洋蔥燒烤醬同煙肉生菜，麵包漢堡都係即場煎熟夠晒熱辣辣，漢堡扒肉超厚身，一咬即刻可以感受到佢嘅牛肉香同 Juicy，推薦！
▼ 刺身方面都有 5 款左右：八爪魚、蝦、北寄貝、三文魚同吞拿魚，不過 Brunch 就無師傅喺度即點即切，而係切好一大盤任你食，擺放得整整齊齊拎得都幾方便，小編試咗八爪魚同三文魚，全部都新鮮好味！唔夠喉的話仲有多款壽司添！
▼前菜沙律、芝士火腿表現都中規中矩，不過提提大家點都要留肚食甜品！甜品以小件蛋糕為主，今次主打芒果主題，有楊枝甘露、芒果糯米飯、芒果忌廉奶凍、芒果泡芙等等，令人驚喜嘅係有幾款 Hotel Icon 最出名嘅榴連甜品，榴連控有賺！雪糕方面有 Häagen-Dazs 同 Mövenpick 兩款，雖然話任食不過選擇唔太多，大概加埋有 3-4 種口味。
▼ 今次嘅另一特點係紅、白餐酒任飲，好多自助晚餐都唔會有咁正！唔想飲酒都仲有汽水果汁，而咖啡機就係 Nespresso機，可以自己揀口味！
總括來說，小編覺得 Hotel Icon 今次嘅和牛 Brunch 都對得住個價錢，食物選擇只係比一般自助晚餐少啲啲，但和牛菜式相當高質，加上有得任飲紅、白酒，可以任食 3 個幾鐘，只要大家胃口夠大又飲得都可以回到本。另外每場 Brunch 都會有抽獎環節，有機會抽到 KEF EGG Duo 數碼音響系統乙套（價值港幣2,980 蚊）或 KEF MUO 藍牙揚聲器乙套（價值港幣1,980 蚊 ）！
「秋季和牛薈 」詳情
日期：2020 年 11 月 29；12月5、6、20、31日 及 2021年1月1日
時間：上午 11 時 45 分至下午 3 時
地點：唯港薈酒店 Silverbox 宴會廳
正價價錢：成人：港幣760元* | 兒童（3至11歲）：港幣530元*
早鳥優惠：於 2020 年 11 月 30 日或之前預訂並繳交全數款項的顧客（於2020 年 12 月 31 日 及 2021 年 1 月 1 日場次除外）可享有 85 折優惠。
預訂網址：https://www.hotel-icon.com/zh-tw/offers/wagyu-beef-brunch-buffet
*以上價錢需另收加一服務費
唯港薈
地址：香港九龍尖沙咀東部科學館道 17 號
