秋風起，又到食大閘蟹嘅季節！2026 年 11 月，尖沙咀兩間五星級酒店自助餐都有提供大閘蟹，而且晚市自助餐仲可以任食，無限量供應！香港麗晶酒店港畔餐廳由 11 月 5 日起推出「秋日大閘蟹盛宴」，晚餐無限量供應清蒸活大閘蟹，自助餐價錢成人每位 HK$934 起，如果想平啲，平日午餐則每位送一隻大閘蟹，成人每位HK$508 起。另一間尖沙咀喜來登酒店 The Café 自助晚餐同樣有任食清蒸大閘蟹，喜來登酒店仲有香烤阿拉斯加帝王蟹腳、波士頓龍蝦等海鮮，不過喜來登好多日子已經被訂滿，少部份日子暫時仲有自助晚餐買二送一，3 位只需 HK$1,835，人均約 HK$612！如果覺得任食大閘蟹太多，銅鑼灣柏寧酒店及港島香格里拉都有每位供應一至兩隻大閘蟹嘅自助晚餐選擇。
提提你哋，如果訂自助餐想「揀日子．搵邊間有位．再格價」，可以上 Runhotel 全新「訂自助餐」比價網站，幫你輕鬆搵到最平預訂網站：https://www.runhotel.hk/buffet/
香港麗晶酒店｜11 月 5 日起晚餐無限量任食清蒸活大閘蟹 HK$934 起
尖沙咀香港麗晶酒店港畔餐廳（Harbourside）於 2026 年 11 月 5 日至 29 日推出「秋日大閘蟹盛宴」，今次最大賣點係自助晚餐無限量供應清蒸活大閘蟹！鍾意食大閘蟹嘅朋友可以慢慢歎，除咗清蒸大閘蟹，晚市仲有大閘蟹創新壽司、時令蟹沙律、大閘蟹蟹粉蟹肉瑤柱粥，以及特色大閘蟹熱葷，蟹迷應該會相當滿足。其他自助餐美食亦相當豐富，包括麵包蟹、鱈場蟹腳、拖羅刺身、三文魚子、鮑魚、花膠、海參、中式炒海鮮、即切西冷牛扒、片皮鴨及自家製甜品等。晚餐喺 KKday 預訂有 8 折優惠，星期日至四，以及星期五、六自助晚餐，每位均由 HK$934 ，價錢已包括服務費。不過留意麗晶自助晚餐逢星期五及六有分兩個時段，如果想食足全晚，建議星期日至四去食就抵啲。
如果唔需要任食大閘蟹，反而可以考慮午餐，價錢平一截！平日自助午餐低至 75 折，每位只需 HK$508；星期六、日及公眾假期自助午餐 8 折，每位 HK$664 起。午市每位客人均可享用清蒸活大閘蟹一隻，另外仲有薑蔥蟹黃蝦籽撈粗麵、麵包蟹、鱈場蟹腳、時令刺身及其他自助餐美食。
▼預訂網址▼
https://www.kkday.com/zh-hk/product/183827-regent-hong-kong-harbourside-buffet/
尖沙咀喜來登酒店｜任食大閘蟹＋香烤阿拉斯加帝王蟹腳，人均 HK$612 起
另一間值得留意嘅係尖沙咀香港喜來登酒店！酒店 The Café 咖啡廳由 9 月 14 日至 11 月 30 日推出「環球名蟹盛薈自助餐」，晚餐同樣可以任食清蒸當造大閘蟹，而且海鮮款式更加多元化，當中最吸引就係香烤阿拉斯加帝王蟹腳！廚師會即席炙烤帝王蟹腳，保留蟹肉鮮甜，仲可以品嚐鱈場蟹腳、花蟹、麵包蟹、三點蟹，以及波士頓龍蝦、即開生蠔等海鮮。除咗海鮮，晚市仲有多款蟹料理，例如蒜蓉蒸肉蟹配粉絲、蟹肉蒸糯米荷葉飯、避風塘炒軟殼蟹、新加坡胡椒蟹及泰式咖喱蟹肉麵包煲等。餐廳亦供應日本刺身、烤美國黑安格斯西冷牛扒及多款甜品，選擇相當豐富。
想食得抵，可以留意自助晚餐買二送一快閃優惠，3 位只需 HK$1,835，平均每位約 HK$612，價錢已包括服務費，小編發文之時，留意到買二送一只剩得 11 月尾少部份日子，其它日子暫時仍有 7 折。要特別留意，清蒸大閘蟹、香烤阿拉斯加帝王蟹腳及波士頓龍蝦等重點菜式均屬晚市限定，唔好訂錯午餐！
▼預訂網址▼
https://www.klook.com/zh-HK/activity/87227-hotel-buffet-sheraton-hongkong-hotel-towers-thecafe/
銅鑼灣柏寧酒店｜自助晚餐每位兩隻約 4 兩大閘蟹，買二送一人均 HK$612
如果覺得自己食唔到咁多隻大閘蟹，又想食多啲其他海鮮，可以考慮銅鑼灣香港柏寧酒店 PLAYT 自助餐！餐廳由 10 月 12 日至 11 月 30 日推出「金秋蟹宴」自助晚餐，每位成人可以享用兩隻約重 4 兩嘅清蒸大閘蟹，小童則每位一隻，份量對於一般食客嚟講已經相當足夠。今次 PLAYT 仲特別推出多款蟹粉料理，包括蟹粉鮑魚兩面黃、蟹粉茶碗蒸、焗酥皮蟹粉忌廉湯、蟹粉忌廉汁意大利粉，以及蟹粉海鮮法式鹹批等，將蟹粉鮮味融入中西式菜餚。其他自助餐美食亦包括龍蝦、原隻鮑魚、即開生蠔、冰鎮海鮮、壽司、刺身及烤肉等，食完大閘蟹仲有大量選擇。「金秋蟹宴」自助晚餐有買二送一優惠，3 位只需 HK$1,836，平均每位 HK$612，價錢已包括服務費。相比尖沙咀兩間任食大閘蟹酒店，柏寧酒店嘅清蒸大閘蟹雖然有限量，但每位成人有兩隻，再加埋其他蟹粉料理及海鮮，同樣值得考慮。
▼預訂網址▼
https://www.kkday.com/zh-hk/product/128971-hotel-buffet-playt-buffet-at-the-park-lane-hong-kong/
港島香格里拉｜自助晚餐每位一隻 3.5 至 4 兩大閘蟹 HK$825 起
另一個選擇係金鐘港島香格里拉酒店 cafe TOO！餐廳推出「金秋豐盛海鮮蟹宴」，晚餐每位客人可以享用 一隻約重 3.5 至 4 兩嘅清蒸大閘蟹，適合想食一隻當造大閘蟹，同時又想慢慢品嚐其他海鮮美食嘅朋友。cafe TOO 今次以環球蟹饌為主題，晚市仲有冰鎮蜘蛛蟹、貴妃蟹、麵包蟹、花蟹、雪蟹腳，以及泰式咖喱炒蟹、胡椒肉蟹煲、天婦羅雪蟹腳及蟹腳涮涮鍋等，蟹類選擇相當多。指定日子晚市仲有大拖羅及中拖羅刺身，鍾意日本刺身嘅朋友可以留意。自助晚餐 85 折優惠，每位 HK$825 起。
▼預訂網址▼
https://www.klook.com/zh-HK/activity/106482-cafe-too-shangri-la-hk/
留言