【金域假日酒店自助晚餐】Runhotel 讀者獨家 75折,成人折後最平$449,有即開生蠔、龍蝦、煎鴨肝、花膠湯、烤乳豬、羊架
又有酒店推出自助晚餐優惠喇!位於尖沙咀既金域假日酒店由即日起至 4 月 30 日推出「環球海鮮自助晚餐」,主打超多款唔同嘅海鮮,岩晒鐘意食海鮮嘅人!正價每位 HK$598 起,Runhotel 讀者星期一至四可享 75 折優惠,而星期五、六、日及公眾假期自助晚餐則可享 8 折,計番最平每位 $449 (連服務費 $509)咋。小編當日去現場試過,金域假日酒店自助晚餐有即開生蠔、龍蝦、煎鴨肝、花膠湯、烤乳豬、羊架,刺身仲有好多款選擇。詳細價錢可參考文末。
適用日期:即日起至 2021 年 4 月 30 日
餐廳訂座電話:23151118
(訂枱時說明 Runhotel 讀者,並在埋單時出示本頁文章,即可享有優惠)
凍海鮮方面,分別有長腳蟹、凍龍蝦、凍藍青口同埋凍蝦,衛生起見會由職員幫客人夾非常方便,當中凍龍蝦肉質紮實,食左幾隻都易搵到有膏既!另外當日有美國即開生蠔,由職員即開即洗,每人每次限攞 3 隻。
▼長腳蟹
▼龍蝦
▼生蠔肥美飽滿
刺身方面每日供應都唔同,大概會有 8 款左右,三文魚刺身、吞拿魚刺身、帶子、鯛魚刺身、八爪魚刺身、甜蝦、仿鮑片,另外仲有數款壽司。沙律前菜同樣選擇多,鮮蝦杯、蟹肉牛油梨芒果、香煎帶子配果肉沙律等等,比較特別嘅係有鴨肝批,凍食好少喺酒店自助餐見到!
▼刺身有成 8 款,比一般自助餐款式多
去到熱盤區,同樣有好多海鮮款式!椒鹽鮮魷、蒜蓉粉絲蒸扇貝、炒龍蝦鉗等等,仲有一口和牛漢堡、羊架、乳豬、天婦羅、燒西冷等熱食,花款真係唔少!
▼熱盤區
▼海鮮類熱食
▼肥美嘅煎鴨肝
▼燒西冷
▼天婦羅
▼花膠燉老雞
▼一口小漢堡
▼烤乳豬
▼燒羊架
▼粉麵檔
最後嘅甜品每款都係細細件,有個透明蓋好衛生!花生士多啤梨餅、柚子白朱古力餅、軟心朱古力撻等,而任食嘅 Haagen-Daz 口味都有好幾款,相當豐盛!
▼甜品區
▼多款口味 Haagen-Daz
▼咖啡或茶
以上菜式會於自助晚餐時段內輪流供應。
自助晚餐價錢
自助晚餐(晚上 6 時至 9 時 15 分供能)
星期日至四:成人 HK$598、長者 HK$478、小童 HK$418
星期五至六:成人 HK$688、長者 HK$550、小童 HK$481
* 以上價目需另加一服務費
Runhotel 讀者優惠
訂枱時說明 Runhotel 讀者,並在埋單時出示本頁文章,星期一至星期四享用自助晚餐即可享用 75 折,折後成人位每位 $449 (連服務費 $509),星期五、六、日及公眾假期自助晚餐可享 8 折,折後成人每位 $550(連服務費 $620)。
條款和細則:
優惠只適用於每次最多12享用。
優惠只限堂食。
優惠須另收取加一服務費,並以原價計算。
優惠必須預訂及視乎座位供應情況而定。
優惠不可與其他推廣優惠或折扣一併使用,及不可兌換現金或其他產品。
Bistro on the Mile
地址:尖沙咀彌敦道 50 號金域假日酒店 1 樓
▼餐廳訂座電話 ▼
23151118
(訂枱時說明 Runhotel 讀者,並在埋單時出示本頁文章,即可享有優惠)