位於屯門的香港黃金海岸酒店聆渢咖啡廳最近推出多個自助餐優惠，無論係兩個人食、三人家庭聚餐，定係約埋長輩一齊去，都有唔同優惠可以揀！今次優惠包括買一送二、買一送一、第三位成人優惠，以及長者買三送一。當中買一送二最適合兩大一細家庭，只需一位成人以正價惠顧自助餐，即送一位成人及一位小童免費用餐，3 位自助午餐只需 HK$519 起，平均每位 HK$173。如果兩個人去食，成人自助午餐買一送一人均 HK$245 起，長者更只需人均 HK$215 起。以上價錢已包括服務費，唔使再額外加一！酒店仲推出「燒烤百味盛宴自助晚餐」，除咗室內用餐，仲可以喺戶外炭烤區歎多款燒烤美食。
▼預訂網址▼
https://dining.goldcoasthotel.com.hk/tc/2026-runhotel-gold-coast-hotel-buffets/
買一送一｜成人、小童、長者都有優惠
黃金海岸酒店官網有自助餐買一送一優惠，重點係連長者價同小童價，都一樣享有買一送一。如果想平平哋食酒店自助餐，星期一至五午餐最抵，兩位成人 HK$490（人均 HK$245）、兩位長者 HK$430（人均 HK$215），兩位小童更只需 HK$346（人均 HK$173）。如果週末去食，兩位成人 HK$610（人均 HK$305）、兩位長者 HK$526（人均 HK$263），兩位小童 HK$442（人均 HK$221）。以上價錢全部已包括服務費。午餐菜式有紐西蘭青口、白蜆、翡翠螺、海蝦、即煮港式車仔麵、紅酒燴牛尾、斑蘭蛋糕、雲石芝士蛋糕。
自助晚餐同樣有買一送一，星期一至四兩位成人 HK$886（人均 HK$443）、兩位長者 HK$646（人均 HK$323），兩位小童 HK$526（人均 HK$263）。星期五至日自助晚餐，兩位成人 HK$958（人均 HK$479）、兩位長者 HK$742（人均 HK$371），兩位小童 HK$598（人均 HK$299）。以上晚餐價錢亦已包括服務費。
3 人或兩大一細都有優惠
每逢有買一送一優惠，都有人 PM 我地問，如果單數人數，例如 3 位應該如何訂？黃金海岸酒店官網除了買一送一之外，亦有適合親子的買一送二，以及買一送一再加第三位成人優惠價，無論係三位成人朋友聚餐，定係兩大一細家庭，都有優惠可以揀。
先講三位成人優惠，兩位成人享用買一送一之餘，第三位成人亦可以優惠價同行。自助午餐星期一至五三位 HK$678（人均 HK$226），週末三位 HK$818（人均約 HK$273）。自助晚餐星期一至四三位 HK$1,174（人均約 HK$391）；星期五至日三位 HK$1,286（人均約 HK$429）。
至於兩大一細家庭，就可以選擇買一送二，即一位成人以正價惠顧自助餐，免費送一位成人及一位小童用餐。自助午餐星期一至五三位只需 HK$519（人均 HK$173），週末三位 HK$647（人均約 HK$216）。自助晚餐星期一至四三位 HK$930（人均 HK$310）；星期五至日三位 HK$1,008（人均 HK$336）。以上價錢已包括服務費，大家訂位時記得分清楚三位成人同兩大一細優惠，兩種組合價錢唔同。
長者買三送一｜四位自助午餐 HK$788 起
想約埋屋企長輩或者幾位長者朋友一齊食，可以留意長者買三送一優惠。只要三位長者惠顧自助餐，第四位長者就可以免費同行。自助午餐星期一至五四位 HK$788（已連服務費），人均 HK$197；週末四位 HK$964（已連服務費），人均 HK$241。
自助晚餐星期一至四，四位 HK$1,184（已連服務費），人均 HK$296；星期五至日四位 HK$1,360（已連服務費），人均 HK$340。
戶外炭烤自助晚餐｜魔鬼魚、白鱔、和牛都有得食
除咗價錢優惠，今次「燒烤百味盛宴自助晚餐」亦有唔少美食選擇。戶外炭烤區供應參巴醬燒魔鬼魚、日式醬燒白鱔同炭燒封門柳，每位客人仲可以享用一隻麥皮虎蝦，以麥片、煉奶同牛油配搭爽彈蝦肉。鍾意食肉嘅朋友，烤肉專區有即切慢烤和牛肩胛肉同蜜汁黑毛豬叉燒。熱葷就有紅酒燴牛尾、迷你關東煮，仲設有即煮港式車仔麵檔，可以配搭唔同經典配料同湯底。食完鹹嘢想食甜品，亦有斑蘭蛋糕同雲石芝士蛋糕。
如果揀星期五、週末或者公眾假期晚上去食，戶外炭烤區仲會加推脆皮烤乳豬、德州煙燻和牛胸肉、美式燒烤醬燒豬仔髀同台灣香腸等美食。
聆渢咖啡廳
地址：香港青山公路 1 號香港黃金海岸酒店低層地下
▼預訂網址▼
https://dining.goldcoasthotel.com.hk/tc/2026-runhotel-gold-coast-hotel-buffets/
留言