【Cucina】抵食酒店 brunch 推介,3.5小時任食生蠔、龍蝦,連埋加一都唔洗 5 百蚊
今日同大家介紹一間好抵食既 Weekend brunch,餐廳就是馬哥孛羅香港酒店裏的 Cucina,Weekend brunch 屬於半自助餐,提供生蠔、龍蝦、龍蝦鉗、蟹腳任食,仲有鴨肝漢堡,用餐時間長達 3.5 小時,每位連埋加一唔洗 5 百蚊,以尖沙咀地段,又擁有海景,五星級酒店高級餐廳來說,這個價錢真係可以講十分之抵食。
Cucina 意大利餐廳
地址:尖沙咀廣東道3號海港城馬哥孛羅香港酒店 6 樓
餐廳訂座電話: (852) 2113 0808
餐廳環境
Cucina 位於尖沙咀馬哥孛羅香港酒店六樓,如果大家坐窗邊位,仲可以望到無敵維多利亞海港美景,星期六、日一家人或一班朋友去食真係好寫意。
望住咁靚既維港景致食 Brunch 真係好有 Feel。
Weekend Brunch Menu
先同大家介紹 Cucina Brunch 的 Menu,半自助餐包括有意大利凍肉(Cold Cuts)、芝士、特色即煮意粉、還有海鮮塔和鴨肝漢堡,最後還有甜品,而主菜就每位可以在菜單上自選一款。
我們入座之後,餐廳就為我們準備海鮮塔和鴨肝漢堡。海鮮塔有生蠔、龍蝦、蟹腳、翡翠螺、青口。不要以為「海鮮」只供應一次,原來餐廳會為每枱客人準備海鮮塔,如果吃完海鮮塔還未滿足,仍可以在自助區任意享用的,連即開生蠔都是無限量供應,所以喜歡食海鮮既朋友一定覺得好滿意。
自助海鮮區款式都唔少,海鮮塔的海鮮全部都有。生蠔當日就供應愛爾蘭即開生蠔。
龍蝦和愛爾蘭生蠔十分之鮮甜,所以我地之後都有再 Encore。任食咁高質既海鮮十分難得,而且埋單唔洗 5 百蚊一位,小編真心覺得好抵食值得推介大家來一試。
食完一輪頭盤,我地就轉戰沙律,除了一般既沙律菜,還有一些 Mixed Salad。
這些 cold cuts 不會過乾或過鹹,油分十足,一向不太愛吃 cold cuts 的小編也覺得不錯
這區有古岡左拉芝士(Gorgonzola Cheese)和巴馬臣芝士(Parmesan Cheese)
這個是鴨肝漢堡
餐廳當日有兩款湯,分別是粟米南瓜湯和薯仔湯。
我就試了南瓜湯,口感都唔錯。
前菜還有即煮意大利粉
主菜
Cucina Weekend brunch的主菜有四款選擇,我們當日點了慢煮牛面頰肉、羊扒、和煎鱸魚。呢個慢煮牛面頰肉好有驚喜,真係好腍,非常之入味,推介大家點這一款,其次羊扒當日都唔錯,我地點了五成熟,剛剛好。
▼慢煮牛面頰肉
▼ 羊扒伴香蒜薯蓉及黑椒汁
▼ 香煎鱸柳伴燈籠椒汁及意大利青瓜
甜品
食完主菜再戰甜品,這裏有高級的 Movenpick 雪糕,有 3 款口味選擇。
甜品枱的另一邊就有各式蛋糕、生果、 Panna Cotta、還有朱古力噴泉。
最後食埋甜品,大滿足
在用餐期間,如每位加 $328,即可任飲 Perrier Jouet 香檳,同行友人心情大好,說難得來到咁靚既餐廳,一定要有酒才歡樂,所以我地最後都點了香檳。
總結:
Cucina 環境舒適,坐位與坐位之間好闊落,唔會好嘈好迫,部份坐位可享有維港海景,當日每位員工都非常有禮貌,食物出品也很有水準,重點是以 Brunch 來說可以任食生蠔、龍蝦,完全是物超所值!
Italian Weekend Brunch價錢
Weekend brunch 只在星期六、星期日及公眾假期供應,供應時間 11:30am 至 3:00pm。
正價成人每位 $448、小童(3 至 11 歲) $248,可每位另加 $140 任飲Bloody Mary 或 Bellini cocktails,或每位另加 $328 任飲 Perrier Jouet Grand Brut NV 巴黎之花香檳。以上價錢需另外 10% 服務費。
Cucina 意大利餐廳
地址:尖沙咀廣東道3號海港城馬哥孛羅香港酒店 6 樓
訂座電話: (852) 2113 0808
餐廳資料和預訂網址:
https://www.marcopolohotels.com/
其他自助餐推介
【add@Prince 太子酒店自助餐優惠】每晚三款即開生蠔,仲有炸蠔、焗蠔,網上預購接近 8 折,成人最平每位 $470(已包加一)
【馬哥孛羅酒店自助餐優惠】自助午餐折後 $300 起、自助晚餐 $510 起!