【港麗酒店 Brunch 早午餐 9 折】每位 HK$988 起，自助專區包龍蝦及蟹腳等海鮮、20 款前菜、手工意大利麵等，另外再包 5 選 1 主菜及各式甜品！
位於金鐘港麗酒店意寧谷「味遊歐陸」週末早午餐 (Satursday Brunch or Sunday Brunch)，自助專區包咗波士頓龍蝦及鱈場蟹腳等海鮮、20 款前菜、手工意大利麵、地中海美食專區，另外 5 選 1 主菜可選意式切片牛排、法式寶雲酥羊架等，最後仲會有各式甜品添！宜家經港麗酒店官網預訂有 9 折，逢星期六至日「味遊歐陸」週末早午餐成人每位 HK$988（已連服務費），已包無限暢飲汽水、果汁及無酒精雞尾酒。一月中中每位額外加 HK$200 即可享 3 小時無限暢飲巴黎之花特級法國香檳、意大利托斯卡納白酒、法國布根地紅酒、甜酒、砵酒、生啤以及調酒師精心調配既雞尾酒。一齊同 Runhotel 小編去現場睇吓有咩食啦！
▼ 港麗酒店 Brunch 9 折預購網址 ▼
https://eshop.conraddining.com/zh-hant/product/champagne-brunch-on-the-eighth/?utm_source=runhotel
全香港自助餐優惠可以睇埋：https://www.runhotel.hk/buffet-price-compapre
以下是小編當日星期六去體驗的情況，酒店有權因為供應調整菜物，一切以當天食物為準。
▼先睇一睇大家最重視既自助海鮮專區，當中波士頓龍蝦相當甜美、鱈場蟹腳海水味同肉質味好夾、虎蝦超級大隻，而蟹蚶更加係好鮮甜同有咬口。感覺冰凍海鮮相比起普遍自助餐高質好多，再加上任拎單純談論海鮮區域都可以食到回本。
▼食完海鮮，各式已包前菜就上菜啦！首先係每人兩隻生蠔，味道十分咸香、鮮甜、完全冇腥味。
▼第二份前菜為油甘魚配魚子醬，一入口就充滿油脂香味，再配合魚子醬啱啱好！
▼下一份前菜可以揀法式荷包蛋或者奄列，今次小編就揀咗法式荷包蛋，入口奶香同埋芝士香極香濃、口感輕盈、再配埋南瓜肉，味道真係幾和諧香濃，芝士迷絕對唔可以錯過。
▼最後一份前菜係牛油果虎蝦多士，絕對係小編食過最 Creamy 既牛油果醬，牛油果濃郁、蝦肉鮮甜，相當平衡。
▼係時候再睇返自助餐區，現場有好幾款刺身可以拎；比較特別既係刺身並唔係好似出配搭日式醬油去食，而係已經醃製左既。比較特別嘅係帶子 Cocktail，喺鮮甜嘅帶子上面加上以 Gin 酒製作既泡沫，配搭好有趣，絕對值得一試！
▼刺身旁邊有幾款沙律，一見到就感覺好足料，不論係蝦定帶子都完全冇吝嗇，餐廳用嘅原材料可以話係相當高質。
▼另外，仲有一個區域放滿西班牙風乾火腿、意大利凍肉、5 至 6 款各式芝士。中意芝士既各位一定要試下芝士輪，超濃郁既芝士香配搭埋各式餅乾啱啱好！
▼之後小編試咗各式烤肉，現場即切肉類同配菜選擇都幾多，而每一份廚師都切得好大份架。
▼自助區域最唔可以錯過既一定係即煮意粉，今次揀咗黑松露芝士、同埋波菜及紅菜頭手工意粉；一入囗真係好有驚喜，麵質超彈牙、味道相當香濃，就算小編已經飽飽地都依然仲係覺得好好食！已可以喺自助區域任攞黎講，真係十分高質， 唔會因為可以任拎而製作馬虎，甚至當係主菜都冇問題既水平。
▼到主菜方面共有 4 個選擇包括意式切片牛排、法式寶雲酥羊架、香煎西班牙鱸魚、西班牙海鮮鍋或意大利芝士牛肝菌捲麵，今次聽餐廳推薦揀咗羊架同埋海鮮。就算本身完全唔食羊，小編都會推薦羊架，味道完全唔臊、油脂豐富、肉質亦香軟，絕對值得一試！
▼最後到甜品啦！甜品拼盤首先上菜，包咗高品質雲呢拿雪糕配新鮮雜莓、濃郁嘅朱古力蛋糕，各種甜品都相當高品質。另外服務員會再為每位提供朱古力西班牙油條、同埋朝頭早即製既 Tiramisu；Tiramisu 必試，整體唔太甜，咖啡苦澀到都係啱啱好，完美平衡。食完甜品之後，仲有水果拼盤㗎。如果鍾意食甜品嘅話，建議一定要留肚呀，因為甜品份量都相對多！
▼每位 HK$988 包咗果汁、汽水同埋無酒精雞尾酒。今次試咗兩款無酒精雞尾酒，兩款都好開胃同埋清新，小編就特別推薦檸檬無酒精雞尾酒（左），菜式相對整體味道比較濃郁，檸檬淡淡既香甜啱啱好平衡到。
▼每位額外加 HK$200 即可享 3 小時無限暢飲巴黎之花特級法國香檳、意大利托斯卡納白酒、法國布根地紅酒、甜酒、砵酒、生啤以及調酒師精心調配既雞尾酒。大家仲可以親身去到酒吧，還有一些雞尾酒和 Bloody Mary 提供 。巴黎之花特級法國香檳幾易入口，酒精濃度啱啱好，令你可以保持住微薰既狀態享受週末。
▼ 最後講講環境，餐廳被大落地玻璃包圍，室內設計豪華，整體環境舒適！最重要既係，現場所有服務員態度都超好，好貼心咁樣介紹每一道菜式、細心留意客人嘅需要，就連廚師都十分友好，令整體用餐體驗再大大加分。
「味遊歐陸」週末早午餐價錢
上午 11 時 30 分至下午 2 時 30 分 （180 分鐘）
逢星期六至日 ：
成人 HK$988（連服務費後 HK$1,087）起
小童 HK$588（連服務費後 HK$647)
經 Eshop 預訂可享有 9 折
▼ 港麗酒店 Brunch 9 折預購網址 ▼
https://eshop.conraddining.com/zh-hant/product/champagne-brunch-on-the-eighth/?utm_source=runhotel
港麗酒店
地址：香港金鐘道 88 號太古廣場香港港麗酒店大堂
