尖沙咀東九龍香格里拉 Café Kool 推出自助餐快閃優惠！11 月 13 日中午 12 時開搶，自助午餐及晚餐都有買一送一、買二送一優惠，其中平日自助午餐兩位只需 HK$598 起，人均 HK$299 起，自助晚餐兩位 HK$1,042 起，人均 HK$521 起，價錢已包括加一服務費！餐廳由 11 月 16 日起推出全新「聖誕奇幻之旅」自助餐，提供冰鎮龍蝦、鱈場蟹腳、麵包蟹、刺身及多款節日美食，聖誕及除夕期間更有節日限定菜式！
▼預訂網址▼
https://www.kkday.com/zh-hk/product/133283
九龍香格里拉 Café Kool 位於尖沙咀東麼地道 64 號酒店閣樓，向來以豐富嘅國際自助餐選擇吸引食客。餐廳由 2026 年 11 月 16 日起推出「聖誕奇幻之旅」主題自助餐，匯聚多款環球海鮮、中西特色熱食及精緻甜品，當中包括冰鎮龍蝦、鱈場蟹腳、麵包蟹及新鮮刺身等，適合同家人、朋友提早感受聖誕氣氛。
今次最抵優惠係自助午餐買一送一，星期一至五兩位只需 HK$598 起，平均每位 HK$299 起；星期六、日及公眾假期兩位則由 HK$754 起，平均每位 HK$377 起。所有價錢已包括加一服務費，用餐時間為中午 12 時至下午 2 時 30 分。午餐主題美食包括招牌軟殼蟹叻沙、上湯灌湯餃、火焰蟹粉海鮮炒飯、古法支竹羊腩煲、法式馬賽魚湯及拉可雷特芝士。星期六、日更會加推冰鎮龍蝦，每位可享一隻，另外仲有蟹肉沙律布里歐吐司、沙田燒乳鴿、煙燻蒜香牛油肉眼扒及日本麝香蜜瓜芭菲等特色菜式。
如果想食得更加豐富，可以考慮自助晚餐買一送一。星期一至四兩位只需 HK$1,042 起，人均 HK$521 起；星期五至日及公眾假期兩位由 HK$1,078 起，人均 HK$539 起，同樣已包括加一服務費。自助晚餐用餐時間為晚上 6 時至 9 時 30 分。晚餐菜式更加豐富，除咗冰鎮龍蝦，仲有蟹粉燴海參、雞油花雕酒蒸三點蟹伴陳村粉、黃金松露烤鴨、日本宮崎和牛鐵板燒、火焰海膽海鮮炒飯、香煎鴨肝配焦糖洋蔥醬，以及香草脆烤黑安格斯牛扒。平日晚餐會加推冰鎮鮑魚，週末則有避風塘鮑魚配香茅青檸葉及龍蝦花膠濃湯，對於鍾意食海鮮、和牛同中西特色料理嘅朋友嚟講，相當吸引。
除咗兩位同行，今次亦有買二送一優惠，適合三位朋友或者一家人聚餐。自助午餐方面，星期一至五三位只需 HK$1,149 起，平均每位 HK$383 起；星期六、日及公眾假期三位由 HK$1,446 起，平均每位 HK$482 起。自助晚餐方面，星期一至四三位只需 HK$1,998 起，平均每位 HK$666 起；星期五至日及公眾假期三位則由 HK$2,067 起，平均每位 HK$689 起。以上價錢均已包括加一服務費。
至於打算喺平安夜、聖誕節或者除夕去食自助餐嘅朋友，Café Kool 亦推出節日限定優惠，KKday 預訂低至 75 折。節日期間，餐廳將加推吞拿魚解體秀、冰鎮皇帝蟹腳、佛跳牆及脆皮乳豬等節日美食，令聖誕自助餐更加豐富。
節日自助午餐方面，12 月 24 日及 31 日每位 HK$566；12 月 25 日中午 12 時場次每位 HK$745，下午 3 時場次則為 HK$574。節日自助晚餐方面，12 月 24 日及 25 日下午 5 時 30 分場次每位 HK$1,141，晚上 8 時 30 分場次每位 HK$1,051。至於 12 月 31 日除夕晚餐，下午 5 時 30 分場次每位 HK$835，晚上 8 時 30 分場次每位 HK$1,015。節日自助晚餐分兩輪供應，分別為下午 5 時 30 分至晚上 8 時，以及晚上 8 時 30 分至 11 時。所有節日套餐價錢已包括加一服務費，菜式會輪流供應，實際安排以餐廳為準。
九龍香格里拉 Café Kool
地址：香港九龍尖沙咀東麼地道 64 號九龍香格里拉閣樓
▼預訂網址▼
https://www.kkday.com/zh-hk/product/133283
留言