北角海逸酒店推出 2026 年 11 月至 2027 年 1 月餐飲優惠，旗下綠怡咖啡廳多款自助餐均有成人買一送一優惠！當中「冬日海陸滋味盛宴」自助早午餐每位約 HK$287 起，可以任食鱈場蟹腳、刺身、酥炸鮑魚、龍蝦意粉等；「蟹腳．花膠燕窩尊尚盛宴」自助晚餐每位約 HK$449 起，除咗海鮮，仲有花膠、燕窩、燒乳豬、龍蝦西班牙飯等矜貴美食，兩款 Buffet 更可無限暢飲氣泡酒、紅白餐酒及啤酒。另外，酒店亦推出聖誕自助晚餐及早午餐買 1 送 1，以及聖誕主題下午茶 6 折優惠！
蟹腳、花膠、燕窩任食！自助晚餐成人買 1 送 1，人均 HK$449 起
北角海逸酒店綠怡咖啡廳由 2026 年 11 月 1 日至 2027 年 1 月 3 日推出「蟹腳．花膠燕窩尊尚盛宴」自助晚餐，成人買 1 送 1，優惠後每位約 HK$449 起。
今次自助晚餐以矜貴海味及歐陸美食為主題，主廚特別準備豬肚花膠雞煲、蠔皇鵝掌冬菇炆花膠、燒乳豬、椰汁燉燕窩、香煎鴨肝多士、芝士焗蠔、酥炸帶子、清蒸海斑及椒鹽瀨尿蝦等。仲有龍蝦撻、蟶子炒刀削麵、砵酒燴牛面頰及西班牙薯仔焗蛋餅，選擇相當豐富。海鮮迷可以任食鱈場蟹腳、凍蝦、凍蜆，以及三文魚、吞拿魚、鯛魚、甜蝦及馬刀貝刺身。即席烹調區則提供龍蝦西班牙飯、車輪芝士意粉、西班牙蒜片蝦及烤法式芝士，另外仲有燒肉眼、燒羊架、多款壽司、沙律及冷盤。甜品方面有意大利芝士餅、黑朱古力冧酒蛋糕、朱古力心太軟、椰子奶凍，以及 9 款口味嘅 MÖVENPICK 雪糕。自助晚餐更包無限暢飲汽水、氣泡酒、精選紅白餐酒及啤酒。
用餐日期為 2026 年 11 月 1 日至 2027 年 1 月 3 日，11 月逢星期五至日供應；12 月至 2027 年 1 月 3 日則逢星期四至日，以及 12 月 21 日及 22 日供應，12 月 24 日及 25 日除外。
▼自助晚餐預訂網址▼
https://eshop.harbour-plaza.com/northpoint/zh/RunHotel-Dinner-Buffet-(Nov-Dec)
週末 Buffet 人均 HK$287 起！自助早午餐任食蟹腳、鮑魚及龍蝦意粉
想以更抵價錢食酒店 Buffet，可以考慮「冬日海陸滋味盛宴」自助早午餐，同樣有成人買 1 送 1 優惠，優惠後每位只需約 HK$287 起。
自助早午餐主打海鮮及環球美食，包括花鵰醉蟹蒸陳村粉、酥炸鮑魚、清蒸海斑、芝士焗蠔、椰汁燉燕窩、酥炸帶子及 BBQ 醬燒豬肋骨等。即席烹調區仲有西班牙伊比利亞豬飯及龍蝦意粉，適合鍾意食熱葷及特色美食嘅客人。凍海鮮區提供鱈場蟹腳、凍蝦及凍蜆，刺身則包括三文魚、吞拿魚、鯛魚、甜蝦及馬刀貝。另外，亦有燒肉眼、燒羊架、壽司、多款沙律及芝士。甜品包括西班牙油條、朱古力心太軟及 9 款 MÖVENPICK 雪糕，更可無限暢飲汽水、氣泡酒、紅白餐酒及啤酒。
優惠適用於 2026 年 11 月 1 日至 2027 年 1 月 3 日期間嘅星期六及日，另外亦適用於 2026 年 12 月 22 日、23 日及 2027 年 1 月 1 日。
▼自助早午餐預訂網址▼
https://eshop.harbour-plaza.com/northpoint/zh/RunHotel-Brunch-Buffet-(Nov-Dec)
平安夜、聖誕節食大餐！聖誕自助晚餐買 1 送 1，人均 HK$533 起
準備平安夜或者聖誕節食大餐？北角海逸酒店於 2026 年 12 月 24 日及 25 日推出「冬『逸』聖誕饗樂」自助晚餐，成人買 1 送 1，優惠後每位約 HK$533 起。
聖誕自助晚餐特別加入多款節日美食，包括燒火雞、蜜糖火腿、龍蝦西班牙飯、蠔皇鵝掌炆花膠冬菇、燒乳豬、粉絲果皮蒸鮑魚及薑蔥炒加菲蟹等。即席烹調區仲有松葉蟹肉卡邦尼意粉及烤法式芝士，配合鱈場蟹腳、凍蝦、凍蜆，以及三文魚、吞拿魚、象拔蚌及八爪魚刺身。甜品區則準備聖誕朱古力樹頭蛋糕、聖誕布甸、薑餅人及多款朱古力甜品，仲有 MÖVENPICK 雪糕。飲品方面除咗無限暢飲氣泡酒、紅白餐酒、啤酒及汽水，更特別加入聖誕熱紅酒，增添節日氣氛。
酒店亦設有願望愛心樹活動，讓客人寫下新年願望，聖誕老人更會親臨餐廳與客人見面及送上祝福，適合一家大細慶祝聖誕節。
▼聖誕自助晚餐預訂網址▼
https://eshop.harbour-plaza.com/northpoint/zh/RunHotel-Christmas-Dinner-Buffet
12 月 25 日限定：聖誕自助早午餐人均 HK$305 起，聖誕老人現身
除咗聖誕自助晚餐，酒店於 2026 年 12 月 25 日亦推出「冬『逸』聖誕饗樂」自助早午餐，成人買 1 送 1，優惠後每位約 HK$305 起。
聖誕自助早午餐提供粉絲果皮蒸鮑魚、酥炸扇貝、清蒸海斑、龍蝦炒飯、醬燒豬肋骨及和牛肉千層麵等特色美食，亦設有即席烹調嘅燒火雞、蜜汁火腿、車輪芝士意粉及越式牛肉湯粉。海鮮方面有鱈場蟹腳、凍蝦、凍蜆，以及三文魚、吞拿魚、象拔蚌及八爪魚刺身，另外仲有燒肉眼、燒羊架、多款壽司及沙律。甜品包括聖誕朱古力樹頭蛋糕、聖誕布甸、西班牙油條及 MÖVENPICK 雪糕，同樣包無限暢飲汽水、氣泡酒、精選紅白餐酒及啤酒。
聖誕老人亦會現身餐廳，配合願望愛心樹活動，為家庭及親子聚餐增添節日氣氛。
▼聖誕自助早午餐預訂網址▼
https://eshop.harbour-plaza.com/northpoint/zh/Runhotel-Christmas-Brunch
唔只 Buffet！聖誕主題下午茶低至 6 折，每位 HK$195 嘆節日甜品
除咗自助餐，北角海逸酒店亦推出「聖誕冬『逸』奇緣下午茶」，由 2026 年 11 月 1 日至 12 月 31 日於綠怡咖啡廳供應，優惠低至 6 折，每位約 HK$195。
今次下午茶以聖誕節為主題，鹹點包括芒果雞肝醬三文治、迷你和牛漢堡、魚子煙三文魚薯餅，以及法式牛油麵包釀西班牙及中式臘腸配黑松露汁。甜點方面有迷你朱古力樹頭蛋糕、覆盆子聖誕帽、栗子松果、腐乳芝士餅及英式鬆餅配果醬，另外仲有 3 球 MÖVENPICK 雪糕。每位客人更可享用一杯特製冬「逸」荔雪冰茶，以及無限量供應嘅咖啡或茶。
▼聖誕下午茶預訂網址▼
https://eshop.harbour-plaza.com/northpoint/zh/RunHotel-Afternoon-tea-set-2026-Nov-Dec
留言