雙 11 酒店自助餐優惠嚟喇！今年多間香港酒店推出雙 11 Buffet 限時優惠，最吸引一定係「第二位加 HK$11」！尖沙咀香港朗廷酒店自助午餐及晚餐都有第二位加 HK$11 優惠，午餐兩位合共 HK$602 起，平均每位 HK$301；如果 3 個人一齊食，仲有「買一送一＋第三位加 HK$111」優惠，平日自助午餐人均低至 HK$252！荃灣西如心酒店自助晚餐同樣有第二位加 HK$11，香港富麗敦海洋公園酒店更推出第二位加 HK$28，午餐人均 HK$283 起。灣仔會展薈景就推出加 HK$111 帶一名 7 至 11 歲小童食海鮮自助晚餐，另外仲有買二送二優惠。今篇幫大家整理各大酒店雙 11 自助餐優惠、價錢、供應時段及預訂網址，方便大家一次過比較，睇吓邊間最抵！
Runhotel 提提你，今次雙 11 優惠部分需要 2 位或 3 位一組預訂，價錢亦會因應平日、週末及公眾假期而有所不同。如果想搵埋其他酒店自助餐優惠，亦可以使用 Runhotel 「香港酒店自助餐價錢比較」，按心水用餐日期比較唔同酒店嘅 Buffet 價錢！https://www.runhotel.hk/buffet/
1. 朗廷酒店自助餐｜第二位加 HK$11、三人午餐人均 HK$252 起
尖沙咀香港朗廷酒店 The Food Gallery 今次雙 11 優惠相當吸引，無論自助午餐定晚餐都有「第二位加 HK$11」優惠！如果得兩個人食 Buffet，平日自助午餐兩位合共 HK$602 起，平均每位 HK$301；如果約埋朋友 3 個人一齊食，更可以選擇「買一送一＋第三位加 HK$111」，平日自助午餐 3 位合共 HK$756，平均每位只需 HK$252，係今次雙 11 酒店自助餐其中一個相當抵食嘅選擇。自助午餐多款美食包括威靈頓牛柳、脆炸生蠔、長腳蟹及麵包蟹等。餐廳亦提供無限暢飲指定飲品，星期一至五包括無酒精飲品、咖啡及茶；星期六、日及公眾假期則包括紅白餐酒及啤酒。
自助晚餐同樣有雙 11 優惠！選擇「第二位加 HK$11」方案，星期一至四 2 位合共 HK$900，平均每位 HK$450；星期五至日、公眾假期及前夕則為 2 位合共 HK$1,076，平均每位 HK$538。如果想 3 個人一齊食晚餐，亦有「買一送一＋第三位加 HK$111」方案，星期一至四 3 位合共 HK$1,080，平均每位 HK$360；星期五至日、公眾假期及前夕則為 3 位合共 HK$1,272，平均每位 HK$424。自助晚餐會有蒜蓉蒸龍蝦、酥皮龍蝦湯及威靈頓牛柳等美食，另外亦包括無限暢飲無酒精飲品、咖啡及茶。
▼ 香港朗廷酒店自助餐預訂網址 ▼
https://www.kkday.com/zh-hk/product/101140-langham-hong-kong-the-food-gallery-buffet-package
2. 荃灣西如心酒店自助晚餐｜第二位加 HK$11，人均 HK$439 起
荃灣西如心酒店 Café Circles 自助晚餐亦有雙 11「第二位加 HK$11」優惠！星期一至四預訂指定自助晚餐，2 位合共 HK$878，平均每位 HK$439。如果想約朋友、另一半食自助晚餐，今次優惠都值得留意。
餐廳現正供應「C for Chill」可樂主題自助餐，由即日起至 2026 年 11 月 30 日期間限定推出，將經典汽水可樂融入不同熱葷及甜品之中，唔止可以飲可樂，仲可以食到可樂風味嘅創意料理。今次主題菜式包括可樂風味脆皮豬手、可樂薑汁燉牛腩、可樂豉油雞，甜品有青檸可樂芝士蛋糕、可樂堅果撻、栗子可樂車厘子慕絲蛋糕、可樂柚子蒟蒻，以及雲呢拿可樂意式奶凍。餐廳由 10 月起亦加推香煎鴨肝、各款天婦羅及海南雞等美食。自助晚餐仲包無限暢飲汽水，鍾意食創意主題 Buffet 嘅朋友可以留意！
▼ 荃灣西如心酒店自助餐預訂網址 ▼
https://www.kkday.com/zh-hk/product/117029-nina-hotel-tsuen-wan-west-buffet
3. 香港富麗敦海洋公園酒店自助餐｜第二位加 HK$28，午餐人均 HK$283 起
香港富麗敦海洋公園酒店星耀廳推出自助午餐及晚餐雙 11 優惠，今次主打「第二位加 HK$28」！最抵係星期一至五自助午餐，2 位合共 HK$566，平均每位 HK$283；星期六、日及公眾假期亦只需 2 位合共 HK$730，平均每位 HK$365。
如果想夜晚去富麗敦食 Buffet，晚餐一樣有優惠！星期一至四 2 位合共 HK$950，平均每位 HK$475；星期五至日則為 2 位合共 HK$1,050，平均每位 HK$525。酒店星耀廳主打環球時令食材，提供各款海鮮、熱葷及特色甜品。由 10 月 1 日起更推出秋冬燒烤滋味盛宴自助餐，鍾意食燒烤及海鮮嘅朋友可以留意最新餐單。星耀廳設有舒適用餐環境，酒店又位於香港仔海洋公園附近，想安排南區半日遊或者海洋公園一日遊，可以順便預訂酒店自助餐。
▼ 香港富麗敦海洋公園酒店自助餐預訂網址 ▼
https://www.kkday.com/zh-hk/product/136602-hong-kong-hotel-buffet-2023-cafe-lounge-fullerton-ocean-park-hotel
4. 灣仔會展薈景自助餐｜買二送二人均 HK$417 起、加 HK$111 帶小童食晚餐
灣仔會展中心薈景 Congress Plus 餐廳將於 2026 年 11 月 4 日至 28 日推出全新「環球海『鮮』滋味盛薈自助晚餐」，今次 KKday 除咗有買二送二限時優惠，更推出雙 11 限定「加 HK$111 帶小童」優惠！如果一家大細想去食 Buffet，今次都有優惠可以選擇。
今次薈景推出雙 11 限定親子自助晚餐優惠，星期三至四一位成人自助晚餐 HK$758，只需額外加 HK$111，就可以帶多一位 7 至 11 歲小童一齊食！連同 10% 服務費 HK$87，一位成人加一位小童合共 HK$956。HK$111 優惠只適用於星期三至四自助晚餐。
如果約埋朋友一齊食，薈景亦有自助晚餐買二送二優惠！星期三至四 4 位合共 HK$1,668（已連服務費），平均每位 HK$417；星期五至日 4 位合共 HK$1,756，平均每位 HK$439。自助晚餐主打大量海鮮，包括即開生蠔、加拿大波士頓龍蝦、長腳蟹、麵包蟹、青口及海蝦，仲有三文魚、油甘魚、帆立貝及紅蝦等刺身。熱葷亦有上湯焗龍蝦鉗、金銀蒜粉絲蒸扇貝、甲羅燒、鐵板煎大蝦及慢燒特級牛肋肉，啱晒鍾意食海鮮嘅朋友。薈景位於灣仔會展中心 4 樓，餐廳有大型落地玻璃窗，食 Buffet 之餘仲可以欣賞維港景色。
▼ 灣仔會展薈景自助餐預訂網址 ▼
https://www.kkday.com/zh-hk/product/125425
想比較更多酒店自助餐優惠？可以使用 Runhotel 「搵酒店自助餐」，比較心水日子邊間酒店自助餐最抵！https://www.runhotel.hk/buffet/
留言