報導第一手酒店優惠消息
分享酒店優惠、訂機票、旅遊攻略


各位 Whisky 愛好者注意啦,等咗 3 年香港威士忌節終於返黎啦!今年香港威士忌節將於 2023 年 4 月 29 至 30 日(星期六及日)係海景嘉福洲際酒店舉行,門票每位 HK$250 已包兩日入場;性價比更高、令更多香港人可以接觸到威士忌同埋增加相關認識。第五屆活動將會比過去四年更盛大,展覽覆蓋共四層空間、呈獻超過 1,000 款威士忌、以及一系列大師課程,俾各位 Whisky 愛好者同世界頂尖威士忌專家及品牌大使互相交流心得、同埋分享各款著名威士忌。

▼ 購票網址 ▼
購買門票:https://zh-tw.icgrandstanford.com/products/hong-kong-whisky-festival-entry-ticket?ref=rh
大師班購票:https://eshop.icgrandstanford.com/collections/hong-kong-whisky-festival-2023-masterclass?ref=rh

 

 

品鑑來自世界各地之威士忌

除咗有較廣為熟悉既蘇格蘭及日本威士忌之外,現場仲可以搵到其他黎自台灣、法國、德國、愛爾蘭、丹麥、瑞典、以色列、英格蘭、印度、美國及荷蘭等不同國家及產區既威士忌品牌,可以話係相當多元化 ;絕對可以大大提升參加者對各地威士忌嘅了解!除咗一啲比較大型嘅酒廠會出席,都有好多比較小型既同埋分銷商會參加今屆嘅威士忌節。連 70 年代及 80 年代較陳年既古典珍藏威士忌都可以試到,另外更有多款新威士忌將於活動中首次亮相。

▼2023 香港威士忌節凖備咗超過 1,000 款威士忌佳釀供參加者品鑑

 

威士忌大師班

大師班品酒會(約 45 分鐘)價錢由 HK$250 至 HK$3,250 不等;雖然價錢可以去到好高,但係可以見識到好罕見或者出面冇乜機會接觸嘅威士忌㗎。因為上一屆既大師班都超搶手,今年設有超過 40 場大師班品酒會分別於兩日進行,當中包括麥卡倫相關課程、Johnny Walker 藍牌朦瓶品試、Kanosuke / Sakurao / Akkeshi 等多款日本釀酒廠大師課程。所有課程都係由專業品牌大使主持,令各位參加者學習鑑賞以至盲品各款佳釀,更深入了解自己鍾意既威士忌!大師班有各種程度可以選擇,就算新手都有適合嘅班上㗎!有興趣嘅各位快啲報名啦,反應相當熱烈!另外澳洲著名調酒師 – Steve The Bartender 會係 Tiffany’s 紐約吧調製各款 Gin 主題雞尾酒,並分享調製雞尾酒既心得同技巧;香港烈酒專門店提供咗超過多於 70 款 Gin 酒俾各位選擇。

▼威士忌大師班

▼Whisky 愛好者可以同世界頂尖威士忌專家及品牌大使互相交流心得、同埋分享各款著名威士忌。
 

大師班購票:
https://eshop.icgrandstanford.com/collections/hong-kong-whisky-festival-2023-masterclass?ref=rh

 

室外露天雪茄品酩館

除咗有得品酒之外,Tiffany’s 紐約吧室外露天花園亦設有 Cigraal 雪茄品酩館,令參加者可以一邊歎雪茄、一邊品嚐威士忌。

▼Tiffany’s 紐約吧

 

香港威士忌節限量版瓶裝

相信各位威士忌迷黎到現場都絕對唔會錯過入手新 Whisky 既機會!今年都獨家發售香港威士忌節特別瓶裝俾大家於 Tiffany’s 紐約吧選購;於 2007 年蒸餾並於木桶熟成 15 年,限量 120 瓶,有興趣既絕對唔可以錯過!另外,官方都即將會喺網站公布一連兩日可以喺現場買到嘅其他佳釀,有心水既威士忌迷一定要密切留意資訊!

▼Secret  Speyside 威士忌包裝設計相當現代化,令人印象相當深刻。

 

2023 香港威士忌節價錢

門票:
每位 HK$250,包括:
– 香港威士忌節 Glencairn 威士忌酒杯
– 掛杯繩
– 支裝水
代幣:
每個 HK$30
大師班:
由 HK$250 至 HK$3,250 不等

2023 香港威士忌節
活動日期:2023 年 4 月 29 至 30 日(星期六及日)
時間:下午 1  時至晚上 8 時
地點:香港九龍尖沙咀東部麼地道 70 號 海景嘉福洲際酒店

▼ 購票網址 ▼
購買門票:https://zh-tw.icgrandstanford.com/products/hong-kong-whisky-festival-entry-ticket?ref=rh
大師班購票:https://eshop.icgrandstanford.com/collections/hong-kong-whisky-festival-2023-masterclass?ref=rh

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言