8 月 18 2025

羅浮宮門票哪裏買最便宜？買門票心得、快速入場攻略分享

羅浮宮係全世界最大、最多人參觀嘅博物館，無論你對藝術有幾深認識，都一定聽過呢個舉世聞名嘅地方，當然唔少得《蒙娜麗莎》啦！去巴黎旅遊嘅朋友，大多數都對門口嗰條長長人龍有印象。法國人做嘢一向悠閒，如果你即場買飛，隨時要等一至兩個鐘先入到場。咁所以，如果唔想浪費時間排隊，就一定要留意以下快速入場攻略！

點解一定要預備快速入場？

去巴黎旅行，羅浮宮（Louvre Museum）幾乎係必去景點，問題係，羅浮宮實在太出名，每日都有成千上萬遊客湧入去，就算平日朝早都會見到長長嘅人龍。如果你即場先去買票，隨時要排一至兩個鐘先入到場，真係浪費時間又影響心情。加上巴黎人生活步調慢，職員又唔急，排隊感覺會特別煎熬。所以，想慳時間、玩得舒服，最重要就係——預先買好快速入場門票。咁樣就可以避開售票處嘅人龍，直入安檢通道，最快幾分鐘就可以入館。特別係行程緊湊嘅旅客，一張「Skip-the-Line」門票，真係可以幫你慳返成個鐘頭甚至更多，將時間留嚟欣賞藝術，唔好浪費喺排隊上。

羅浮宮開放時間與最佳參觀時段

羅浮宮嘅開放時間係：星期一、四、六、日由早上九點開到下午六點；星期三同星期五會有夜場，可以留到差唔多晚上九點四十五分先走；星期二就全日休館。要留意最後入場時間通常係閉館前一個鐘，而展廳會喺閉館前三十分鐘開始清場，所以唔好拖到最尾先入場。

如果想避開人潮，最佳嘅參觀時段有幾個選擇。第一個係早上九點啱啱開館嘅頭兩個鐘，呢段時間人流相對最少，好適合一入場就直衝去《蒙娜麗莎》或者其他熱門展品。第二個就係星期三同星期五嘅夜場，六點之後入場人會少好多，氣氛仲特別啲，適合唔怕夜歸嘅旅客。相反，週末同法國公眾假期就盡量避免，因為館內會非常擠逼。

至於停留時間，如果只係想快閃睇「鎮館三寶」同幾個指定展品，大概一至兩個鐘就夠。如果想行得仔細啲，三至六個鐘頭係比較標準嘅安排。而對於藝術迷嚟講，預一整日慢慢行，邊睇邊學，先至真係滿足。最後，建議提早三十分鐘到場，就算要過安檢都唔會太趕。如果買咗有 time slot 嘅門票，記住要準時，因為一旦過咗指定時段，有機會要重新排隊，咁就得不償失啦。

哪裏買門票最便宜？

去羅浮宮之前，最重要就係買定門票。唔好諗住去到現場先買，因為人龍可以長到嚇人，仲有機會浪費成個鐘頭以上。依家買票最方便嘅方法，通常都係透過網上平台，例如 GetYourGuide、Klook、KKday，或者去羅浮宮官網訂票。每個渠道都有唔同特色同價錢，以下就幫你比較一下。

首先講 GetYourGuide。呢個平台嘅好處係選擇夠多，單係羅浮宮門票相關活動就有超過四百個，無論係淨門票、導賞團、VIP 入場，甚至係親子套票都有。佢哋提供嘅入場時段最密，每半個鐘就有一個 time slot，價錢方面亦係三大平台之中最平，一般只需 22 歐元左右（約 HK$200），相對抵玩。

至於 Klook，價錢會略高，大概 29.4 歐元（約 HK$267）起，不過入場時段就冇咁密，通常以每小時計算。另外，有啲票種需要去羅浮宮附近嘅 PARISCityVISION 服務中心換票羅浮宮門票，行過去大概五分鐘。雖然麻煩少少，但對於已經習慣用 Klook 嘅香港或台灣旅客，操作上算係簡單直接。

KKday 嘅價錢就係 25 歐元（約 HK$227）起，介乎兩者之間。佢同樣提供快速通關門票，每半個鐘有一個入場時段，但活動數量相對比較少，得十個左右。部分票種同樣要去 PARISCityVISION 換票。

最後係官網購買羅浮宮門票，官網門票同樣係 22 歐元，不過佢嘅缺點係介面全英文或者法文，對部分人嚟講唔算太方便，而且靈活性未必有第三方平台咁高。

地點	GetYourGuide	Klook	KKDay
入場時段羅浮宮博物館	每半小時	每半小時	每半小時
門票價錢(歐元) 羅浮宮博物館	22	29.4	25

1. GetYourGuide – 優先入場門票 22 歐元起（約 HK$200 ）

GetYourGuide 係眾多平台之中活動數量最多，提供430 個羅浮宮門票相關活動，選擇彈性超高。不論淨門票、導賞團、VIP入場、親子套票都有。入場時段選擇密，每半小時有一個slot，幾乎唔使等。票價只需22 歐元（約 HK$200 ）起，視乎不同日子和入場時段。而包快速優先入場與接待和直達蒙娜麗莎門票，售價 HK$313，這個門票特別之處，是除了有快速通關入場，還有職員陪同參觀蒙娜麗莎。

購買網址(門票)：https://www.getyourguide.com/paris-l16/louvre-museum-skip-the-line-entrance-ticket-t145779
購買網址(優先入場與接待和直達蒙娜麗莎)：https://www.getyourguide.com/paris-l16/paris-priority-access-louvre-with-host-direct-to-mona-lisa-t430922

2. Klook – 巴黎羅浮宮博物館門票 29.4 歐元起（約HK$267）

Klook門票價錢為 $29.4 歐元（約HK$267），入場時段每小時一班。如選有《蒙娜麗莎》參觀陪同人員之門票，每張 HK$605，部分門票需到 PARISCityVISION 兌換（步行約 5 分鐘）。
購買連結：https://www.klook.com/zh-TW/activity/7467-louvre-museum-skip-the-line-ticket-paris/

留意部分門票需要在 PARISCityVISION 服務中心換領，PARISCityVISION 服務中心就在羅浮宮外約步行 5 分鐘。

3. KKday – 法國｜羅浮宮博物館門票 (快速通關) 25 歐元起（約 HK$227 ）

KKday 門票有「快速通關」，從金字塔入口進入，每半小時一個入場 slot。票價25 歐元（約 HK$227 ），旅客錯過指定時段，需排到無時段門票的排隊通道入場。

購買連結：https://www.kkday.com/zh-hk/product/185501

必需網上先買門票

去羅浮宮嘅時候，我真係建議大家預先網上買門票，仲要揀有「優先入場」嘅票種，咁就可以慳返成個鐘甚至更多排隊時間。羅浮宮是全年每日都是十分之多遊客的景點，就算是最早的時段，一樣很多人，而且去到現場，你只會見到長長的人龍，如果還是花時間選一條隊買票，真的會很狼狽。上次我用GetYourGuide 預訂，攞咗電子門票，去到現場條「Skip the Line」通道真係快好多，基本上到咗就可以直接入場，唔使同大堆人龍一齊等，感覺超爽！

入場通道與安檢流程

買咗門票之後，仲有一個好重要嘅關卡就係——入場通道同安檢。羅浮宮地方超大，入口唔止得一個，如果揀錯咗通道，有時可能會排耐好多。所以出發之前，最好了解清楚邊啲入口適合自己。

最經典嘅入口當然係玻璃金字塔（Pyramide du Louvre）。呢度就係羅浮宮嘅地標，不過亦因為咁，通常人最多，尤其係旅遊旺季，成條龍可以排到廣場中間。如果你冇特別要求一定要經金字塔入去，其實仲有其他選擇。

第二個入口係 Carrousel du Louvre，即係地下商場入口。你可以由 Rivoli 大街落去商場，再經商場入館。呢個入口嘅好處係通常比金字塔入口人少，而且落雨或者天氣凍嘅時候，行商場入去會舒服好多。

第三個係 Porte des Lions（獅子門）。呢個入口喺羅浮宮西南面，接近塞納河，雖然唔算特別隱蔽，但遊客相對少啲。以往呢度主要畀團體客使用，但而家好多時散客都可以由呢度入去，係一個低調但有效率嘅選擇。

至於安檢流程，無論你由邊個入口入館，都一定要過安檢。類似機場安檢，背囊、手袋都要過掃描儀，自己亦要過檢查門。唔建議帶太大件行李或者過多隨身物品，否則安檢會慢好多。建議只帶輕便物品，例如電話、銀包、證件同相機，咁樣過安檢就快好多。

如果你買咗「Skip the Line」優先門票，記住要揀正確嘅「快速通道」。有時遊客唔清楚，結果排錯咗普通隊，咁就浪費咗門票嘅優勢。所以到達現場時，留意清楚指示牌，揀返標示「優先 / Skip the Line」嘅路線，就可以幾分鐘之內直入館。

心得和必睇展品路線建議

購票方面，最好係幾個平台都睇吓價錢同入場時段安排。GetYourGuide 個票價通常都算抵玩，出票又快，加埋唔同選項由淨入場到導賞團，任你揀。另外，如果係第一次去，可以考慮跟團參加導賞，唔單止學到嘢，入場又更方便唔會走錯路。

羅浮宮面積之大，真係可以用「行極都行唔完」嚟形容，單係展品就超過三十幾萬件。如果你冇計劃就亂咁行，好容易會迷路，結果又攰又睇唔到重點。所以，我建議大家出發之前，可以先揀定必睇嘅鎮館之寶，再配合一條簡單路線，咁就可以用兩至三個鐘完成一個快閃之旅。

第一個必睇展品就係舉世聞名嘅《蒙娜麗莎》（Mona Lisa）。呢幅畫收藏喺德農館（Denon Wing）一樓，差唔多係全場最受歡迎嘅展品。大部分遊客入場之後，都係第一時間直衝去睇佢。如果你都想輕鬆影到靚相，建議盡量喺早上開館頭一兩個鐘去，咁人會少啲。

第二個係薩莫色雷斯的勝利女神（Winged Victory of Samothrace），通常被稱為「勝利女神」。呢件雕像擺放喺德農館 Daru 樓梯口，由大理石砌成，氣勢十足。就算唔識藝術，都會畀佢嘅震撼感動到。

第三個就係斷臂維納斯（Venus de Milo）。呢尊古希臘雕像收藏喺蘇利館（Sully Wing），代表愛與美嘅女神。雖然「斷臂」係最大嘅特徵，但反而令佢成為世界上最著名嘅雕像之一。

除咗鎮館三寶之外，如果仲有時間，可以加插其他熱門展品，例如拿破崙三世嘅皇宮公寓（Napoleon III Apartments），欣賞法國皇室級嘅奢華生活；又或者睇埋古埃及文物展區，感受一下時光穿越。

行程

至於行程，我自己就預咗成個上午留喺羅浮宮，裏面真係大得誇張！如果時間有限，建議查定地圖、搵出自己最想睇的展品，好似蒙娜麗莎、勝利女神、斷臂維納斯等等。睇完重點位之後，可以慢慢逛剩返嘅展館，行到攰就坐喺休息區chill一chill。記住着對舒服鞋，行勻全場都唔係講笑！

如果大家對羅浮宮門票、凡爾賽宮門票、巴黎艾菲爾鐵塔門票或其他巴黎景點有興趣，不妨考慮一下接下來會介紹的 Paris Pass ／Paris Museum Pass，非常適合觀光者利用喔，又有優先通道又比較便宜。

實用小貼士

下載官方 App 或導覽服務。羅浮宮本身有推出官方 App，可以查地圖同展品位置，仲有導覽功能，幫你快速搵到展品所在位置，避免迷路。市面上亦有唔少第三方導覽 App，可以邊行邊聽解說，特別啱第一次入館嘅旅客。第二建議是輕便行裝最重要，安檢時會檢查袋，太大件嘅行李冇辦法帶入館，而且揹住重物行成日都會好攰。建議只帶基本嘅隨身物品，例如手機、相機、銀包、證件同少量水。咁樣過安檢快，又行得輕鬆。