【寵物友善酒店介紹】香港可攜帶寵物共住的酒店有那些？
好多香港人平時都會養寵物，如果想在香港住酒店放鬆一下，但係又想帶埋寵物齊齊去住的話，就要留意一下香港有邊啲寵物友善酒店喇～香港寵物酒店選擇不萛多，而且都有特別規定（例如需要入住指定房型、或只限貓、狗等）宜家就等小編整理一下啦，等大家都可以帶埋寵物入住！
1. 尖沙咀麗景酒店
位於尖沙咀的麗景酒店 (hotel Panorama)，如果想與寵物一同入住的話，酒店規定客人必須預訂尊貴海景套房。而每間客房限最多兩隻寵物，同時只允許貓、狗入住。寵物的重量限於25磅以內，所以大狗就不可以入住這間酒店。要留意的是酒店要求在登記入住手續時須提交寵物之健康證明文件，例如是打針紀錄。
麗景酒店位於尖沙咀，只須步行數分鐘便可到達尖沙咀地鐵站，位置方便。
地址：尖沙咀赫德道8A（Google Map 按此）
提供的寵物用品：食物盤、水盤、廁所
查詢電話：3550 0388
官網預訂網址
https://www.hotelpanorama.com.hk/
2. 銀鑛灣渡假酒店
銀鑛灣渡假酒店位於大嶼山梅窩，酒店前面仲有個沙灘可以帶寵物去散步，酒店專為寵物而設的寵物房，內裏會有寵物廁所、尿墊、水碗、糧碗、毛巾、毛刷及玩具。如果想帶寵物入住須於入住前三天電郵reservation@silvermineresort.com 或 致電 +852 6810 0111 預訂，於預訂時說明預訂房型為寵物房。可攜帶寵物入住之客房數量有限，先到先得。而房間只限貓隻或體重 25 公斤以下之中型或小型犬隻入住。
銀鑛灣渡假酒店
地址： 香港大嶼山梅窩銀礦灣 D.D.2 地段648
查詢電話：6810 0111
寵物入住守則和詳情：
http://www.silvermineresort.com/pet_friendly_room/tc
3. The Murray 美利酒店
位於中環的五星級 The Murray 美利酒店，係一間出名歡迎客人帶寵物齊齊入住嘅奢華酒店。酒店所有房型都可以畀寵物入住，不過由於係五星級酒店，所以最平一晚房都要幾千蚊以上。一 check in 酒店會提供一個 check list 畀客人填寫需要的產品，可以尿片、水碗、寵物床等用品，非常方便。寵物可以自由地在房間走動，不過就只可以經過酒店大堂及走廊，唔可以喺公共地方逗留，用餐時間可以於餐廳室外地方同主人一齊用餐，感覺都不錯，可以考慮一下同寵物齊齊享受一下喇～
The Murray 美利酒店
地址：中環紅棉路 22 號香港美利酒店
官網：
https://www.niccolohotels.com/hotels/hongkong/central/the_murray/
4. 專屬寵物菜單 – 香港瑰麗酒店
另一間非常貼心的寵物酒店，就是香港瑰麗酒店了！香港瑰麗酒店有個「寵物寶貝」計劃，可以帶不超過 15公斤(33磅) 的寵物貓狗，唔會收取額外費用，酒店會提供小床、迎賓禮品、飲水碗同餐具，貓咪就會有睡床、貓砂盆、小玩具、食物、飲水碗同餐具，可以滿足寵物嘅需要。而酒店餐廳更加特別設計了寵物菜單可送上房，等小動物們都可以享受一下美食，不過寵物就唔可以進入餐飲區喇～
房價一晚為 $5,200 起，而酒店為了寵物嘅安全，都制定了一系列嘅規則要遵守，包括寵物離開房間時需要隨時繫繩、寵物主人應清理寵物的排泄物、寵物不得進入餐廳、水療中心、游泳池和健身設施，同埋要注意聲量。
香港瑰麗酒店
地址：香港九龍尖沙咀梳士巴利道 18 號
官網：https://www.rosewoodhotels.com/tc/hong-kong/overview/Pampered-Pets
5. 置地文華東方酒店
想帶寵物豪歎一下，置地文華東方酒店就係一個超豪嘅選擇喇～作為一間五星級酒店，寵物們入住自然都可以享受到啦，帶寵身的話一定要預訂 L600 或以上嘅房型，另外每間客房只可以帶一隻寵物，而且只限狗仔，唔可以帶其他寵物啊～重量就要喺 4.5 kg 人內，記得要注意喇～另外，酒店於整個入住期間，加收 $1,000 嘅清潔費，而寵物就最多只可以連續入住 3 晚啊！
置地文華東方酒店
地址：中環皇后大道中 15 號
預訂網址：
https://zh.hotels.com/ho237695/
6. 碧海軒 Bellagio (度假玩水酒店 )
帶得寵物去住酒店，寵物們當然都希望可以去放電啦！推薦位於南丫島的碧海軒 Bellagio 呢間 3 星級酒店，位於洪聖爺灣泳灘旁邊，可以帶埋主子齊齊去沙灘玩～呢間酒店只有兩間客房可以畀寵物住，而每隻就要加收 $200 ，每晚價錢都只係 $1,200，性價比都高～
碧海軒 Bellagio
地址：榕樹灣洪聖爺灣 28 號
預訂網址：
https://www.agoda.com/zh-hk/bellagio-pets-friendly-resort/hotel/hong-kong-hk.html?cid=1597389
7. T – Residence
有時如果家裡要裝修，大人同寵物都要齊齊搬出去住一小短日子的話，就要搵啲可供短租酒店。其中位於堅尼地城嘅 T-Residence 就係一個不錯的選擇，月租價錢係 $26,000 起，而且對寵物都無咩太大的限制，唔一定要放袋或者入籠，只要唔好騷擾到其他住客就可以了～
T – Residence
地址：堅尼地城吉席街 5-7 號
官網：https://www.hktresidence.com/