報導第一手酒店優惠消息
分享酒店優惠、訂機票、旅遊攻略

guangzhou-snowworld2廣州熱雪奇蹟 (舊名:廣州融創雪世界)於 2019 年 6 月 15 日正式開幕,這個是全球第二大室內滑雪場,以後去滑雪唔洗再山長水遠去到日本、或韓國先有得玩,近近地去廣州就得。在 2023 年 5 月,而家仲有直通巴士直接去到「融創茂」商場,好方便!(下文交通資訊有詳細資料)。我地率先去廣州融創雪世界體驗過,實在太好玩,所以真心推介大家去。今次就寫番篇攻略,俾第一次去既讀者參考。

融創係一個消暑嘅好去處,雪世界划雪、水上樂園玩水、融創樂園、體育世界,即使玩上三日亦唔會覺得無聊。

關於廣州融創的其他主題樂園,或住宿體驗,大家可以去以下文章參考:
廣州融創雪世界
雪世界娛雪區
廣州融創套票優惠
融創堇山酒店入住體驗
– 融創水世界(全攻略)
廣州花都融創樂園體驗遊記!

 

有關深圳、大陸既旅遊討論,分享,大家可以加入「深圳大陸吃喝玩樂」 Facebook 群組:https://www.facebook.com/groups/1413562572722892

廣州融創雪世界簡介

融創雪世界是廣州融創文旅城的其中一個大型遊樂設施,廣州融創文旅城是在 2019 年 6 月才正式開幕,包括有融創樂園(一個超大的遊戲樂園,有過山車等機動遊戲)、還有融創雪世界(室內滑室場)、水世界(玩水上活動)、體育世界(給小朋友玩的兒童天地)、和融創茂(商場)。廣州融創文旅城有三間主題酒店,包括融創堇山酒店、融創萬達嘉華酒店、融創萬達文華酒店。

融創茂就是在廣州融創文旅城的一個大商場,而融創雪世界和水世界,就是設立在這個商場之內的遊樂設施。

 

廣州融創位置

廣州融創文旅城位於廣州花都區,花都離廣州市中心都要接近一小時車程(在廣州東站需再坐接近一小時地鐵),所以大家有興趣去既,先參考一下以下從香港出發的交通資訊。(高德地圖位置

 

廣州融創雪世界開放時間

10:00am – 22:00pm (關門前兩小時停止入場)

 

廣州融創滑雪世界交通:

方法一: (2023 年 5 月 1 日更新)
可以選擇在香港坐永東直通巴士,經深圳灣口岸,直接去到花都融創茂商場!每天來回 10 個班次。
香港上車點有:尖沙咀中港城、油麻地上海街、太子、觀塘APM、鑽石山荷里活廣場、葵芳Magnet Place、屯門Vcity、香港國際機場。
車程:由深圳灣口岸,去到融創茂商場大約 2 小時。總車程就視乎你在香港邊度上車,例如觀塘APM 大約 45 分鐘去到深圳灣口岸,如果屯門上車,大約 20 分鐘就去到深圳灣口岸。
買飛可以直接上永東直通巴士網址買:https://www.myeebus.com/eebusfans/
車費: 單程 HK$110,來回 HK$200

永東巴士時間表如下 :

方法二:
環島中港通在香港有直通巴直接廣州花都融創茂商場、或萬達嘉華酒店,車程約 3.5 小時,單程車費 $130,來回 $220。環島中港通在香港有多個位置可以上車,包括太子、旺角、屯門、大圍、太古城、上環,將軍澳、觀塘、灣仔、北角等等。
可以直接上環島中港通購票,就可以見到全部上車地點和時間:
https://www.tilchinalink.com

方法三:
都係坐香港高鐵,從香港西九龍高鐵站,坐至廣州南站(約 HK$370),然後直接坐的士(車費約 ¥220)。(如一班人一齊去,除番的士費唔貴啦,又坐得舒服 D,又唔洗再轉車咁煩)。總共時間大約兩至三小時左右
香港至廣州南站高鐵車票購買網址:
https://www.klook.com/zh-HK/activity/15206-rail-guangdong-short-haul-hong-kong/

方法四:
香港高鐵,從香港西九龍高鐵站,坐至廣州南站(約 HK$370),再轉高鐵至廣州北站(車費 ¥19.5),然後在廣州北站坐的士,的士車程約 20 分鐘(約 ¥30)。
總共時間大約兩小時左右,視乎廣州南站轉高鐵去廣州北站用了多少時間。
*有讀者反映,廣州南站去廣州北站的高鐵車票十分難買,如坐高鐵,建議大家還是在廣州南站轉的士吧。

 

小貼士分享:
1. 有師兄提醒,如自行攜帶 Snowboard,坐直通巴士會較方便,因為鐵路並不容許攜帶過大型行李。
2. 其實無話邊個方法最快既,好睇你香港住邊度。高鐵計落好似最快,但其實又要提早 30 至 45 分鐘去到西九龍站準備上車,計番時間真係每個方法差不多。
3. 文章發佈之時,暫時未有車直接到達融創文旅城,每個方法最後都要轉的士,所以其中一位同行朋友手機一定要有 Call車 App,亦要能上網。

 

滑雪區和娛雪區

廣州融創滑雪世界內裏分兩個區,一個是滑雪區,而另一邊是娛雪區,兩邊是需要獨立購買門票入場的。

娛雪區分 6 個部份,包括雪上飛碟、採險步道、冰上碰碰車、冰上自行車、飛躍冰川和七彩冰雕,娛雪區主要俾人些小童玩既區域,較適合親子(當然我地當日都見到有大人玩既)。這篇主要重點介紹雪世界滑雪區,雪世界娛雪區詳細介紹可看這篇:https://www.runhotel.hk/snowworld-enterain

滑雪區
而滑雪區亦分 5 個部份,包括是給新手的小熊道、之後初級的雪兔道,然後再難度高的麋鹿道、老虎道和給單板雪山單板道。

 

滑雪區雪道介紹

滑雪區域
1. 初學者道 – 小熊道,平均坡度 7 度,適合零基礎(超級魚雷區)
2. 初級滑道 – 雪兔道,平均坡度 14 度,適合學習控速控彎初學者(魚雷區)
3. 中級滑道 – 麋鹿道,平均坡度 18.8 度,適合中級者進階鞏固修改動作
4. 高級滑道 – 老虎道,平均坡度 22 度,適合中高級進階。

小編不是滑雪高手,只是去過韓國滑過一次雪,今次是第二次滑雪,當然是玩最入門級,最入門是小熊道,長度 76 米,亦是全場最多人玩的一個賽道。

作為初學者,我覺得「小熊道」好好玩,都有番咁上下的斜度,對新手來講都唔會太悶。

再高一級就是雪兔道(即初級道),不要睇少這個雪兔道,全長 328 米(剛才小熊道才 76 米),真係超長,我地亦曾經打算挑戰雪兔道,不過見到長度之後已經唔敢了,同埋現場工作人員不停問上去雪兔道的人,「識唔識控制停」「如果唔識停唔好上去喇」,之後我地再望一望,真係唔敢挑戰。(亦見到好多新手唔識玩在雪兔道四圍撞人)

俾個 Wide Shot 大家望望就知全個長度有幾長,如果唔識停衝到落底真係好危險。(當然對各位高手黎講,三百幾米應該好好玩。)

之後再高級的麋鹿道和老虎道,長度都有接近 240 米。(可坐纜車)

中高級滑雪道擁有國內首創的混搭索道(吊椅與吊籃兩種座艙混搭),索道盤旋而上,游客可以全方位地欣賞冰雪之美。

另外這是單版道

各賽道長度和斜度

 

滑雪世界門票價錢和分類

娛雪區的門票價錢是 HK$229,大小同價。
購買網址:
https://www.klook.com/zh-HK/activity/23416-sunac-snow-park-admission-ticket-guang-zhou/?aid=16&aff_ext=GuangZhouSnowPark

娛雪區的門票是 2 小時的,以入場時間計兩小時,購買時需預先決定上午場、中午場或夜間場的門票,門票已包括滑雪服和雪地鞋,娛雪區內項目可以任玩,大人和小童是同價的。

初級滑雪門票

雪世界門票分初級滑雪和中/高級滑雪門票選擇,初級滑雪門票包入門級的小熊道、和初級的雪兔道,3 小時價錢 HK$367,包滑雪服、滑雪鞋、頭盔和滑雪板,可使用魔氈(即自動電梯)。如超時每小時 $90 元。
初級門票購買網址:
https://www.klook.com/zh-HK/activity/23416-sunac-snow-park-admission-ticket-guang-zhou/?aid=16&aff_ext=GuangZhouSnowPark

魔氈(即會送你到雪道頂部的自助電梯)

 

中/高級滑雪門票

而中/高級滑雪的門票比初級多一個小時, 4 小時門票價錢 HK$414,包滑雪服、滑雪鞋、頭盔和滑雪板,可使用魔氈和纜車。中/高級有玩足全日的不限時門票,門票價錢 HK$483
門票購買網址:
https://www.klook.com/zh-HK/activity/23416-sunac-snow-park-admission-ticket-guang-zhou/?aid=16&aff_ext=GuangZhouSnowPark

提提大家盡量預先網上購買門票,一來可以用香港信用卡付款(現場只收人民幣或中國 Wechat 銀包),有師兄已經講過星期六是十分多人,山長水遠去到無得入場玩就好無謂了,所以建議大家預先上網訂飛先。
門票購買網址:
https://www.klook.com/zh-HK/activity/23416-sunac-snow-park-admission-ticket-guang-zhou/?aid=16&aff_ext=GuangZhouSnowPark

網上購買門票後,在現場換票即可。
廣州融創滑雪世界 (16)

 

如何預約教練

如果大家想搵較正宗的融創雪世界滑雪教練,或者一些家長,想在星期六、日假期帶小朋友去學滑雪,想預先約好一位滑雪教練,確保入場後會有專人教小朋友的話,預訂廣州室內滑雪學校的教練就較適合,廣州室內滑雪學校是融創官方認可的滑雪學校(這點要跟大家說清楚,因為要經官方認可的滑雪學校或滑雪教練才可以在園內教授的),廣州室內滑雪學校是由香港人創辦,所以提供廣東話、英文和普通話教練選擇,雙板同單板課程同價,可以選 3 或者 4 小時教授,最多一組可教 6 個學生。課程提供護膝、護腕同護墊短褲保護裝備,亦提供預約服務,就不用擔心去到已經滿約。

廣州室內滑雪學校價錢
3 小時單/雙板滑雪課程價格 (以下為人民幣價格)
由於場地規定,以下日期將會徵收 20% 附加費:中國國家法定節假日放假調休期間、聖誕節 ( 12 月 24 至 26 日)
1 對 1:高級教練:$2,100RMB,明星教練:$2,700RMB,培訓師 (Trainer):3,300RMB
1 對 2:高級教練:$3,000RMB ,明星教練:3,600RMB,培訓師(Trainer):4,200RMB
1 對 3:高級教練:$3,800RMB ,明星教練:4,400RMB,培訓師(Trainer):5,000RMB
1 對 4:明星教練:$5,100RMB,培訓師 (Trainer):5700RMB
1 對 5:明星教練:$5,700RMB,培訓師 (Trainer):6300RMB
1 對 6:培訓師 (Trainer):$6800RMB
1 對 7:培訓師 (Trainer):$7300RMB
1 對 8:培訓師 (Trainer):$7800RMB
1 對 9:培訓師 (Trainer):$8300RMB
1 對 10:培訓師 (Trainer):$8800RMB
*價錢並不包含入場券、冬季服裝和滑雪裝備。

之前上過堂的學生評價,這間廣州室內滑雪學校的教練,專業和安全,可以令到學員好開心咁上堂。而且學校擁有三級和二級教練領頭。

 

額外 93 折
現在透過 Runhotel 以下表格向廣州室內滑雪學校查詢及預約教練,預約時只要說明「透過 Runhotel 網站優惠」,以上價錢即可以再獲得 93折,即 1 個學生 3 小時最平只需 $2,037 RMB 。







廣東話國語英文無所謂


 

廣州室內滑雪學校的好處:

  • 廣州融創官方認可的私人滑雪學校 (批准在融創滑雪場內教學)
  • 教練大都擁有國際教練資格証,並有豐富的在外地雪場的教學經驗
  • 可要求說廣東話、英文教學的教練
  • 可預約,確保入場當日一定有教練
  • 家長可無需入場(節省入場費),教練可陪同小朋友入場

 


廣州融創滑雪教練預約問題,詳情可參考:
https://www.runhotel.hk/snowworld-coach

 

滑雪過程分享

入場

入場時間是以這個入閘機的時間計算。(不是計取票或買票時間)

場內有一間咖啡店和一間小食店

為了幫大家爭取時間滑雪,建議大家先看下圖了解一下官方流程。

進場後過程:
1.  新手者如有需要可先去預約教練。(有經驗者請跳下一步)
2.  去領取雪鞋和雪服。領取雪鞋時,亦會給你一個 Locker 鎖匙手帶,就可以換衫和放置好財物。

手帶已經有 Locker 編號,所以無得揀 locker。

跟番自己 Locker 既區域去找 Locker 就可以。

場內有更衣間

領取雪服位置

雪世界地圖

3.  攪掂先去領取滑雪裝備。

4. 之後就可以入樂園玩喇。

因為第一次的關係,我們都用了接近 20 分鐘才換好衫真正入場玩,我們來當日是下午時間,立即衝去小熊道試玩。

魔氈的速度如果再快一些,可以玩多幾轉就更好。場內溫度都夠凍,同埋都有好多工作人員,見到你跌低都會扶番起你,員工都幾有善既。今次 3 小時只玩了雙板,我估下次要試下玩單板先得。

廣州融創滑雪世界 (63) 滑雪

總結
今次體驗真係好正好好玩,好彩之前去過韓國滑過一次雪,今次來到已有基本概念,可以立即去入門賽道試玩(唔洗再另外俾錢約教練),入門賽道比想像中刺激,總之好好玩,以後想滑雪唔洗等到冬天去日本或韓國,而家幾時想滑雪上廣州就可以了。

 

給首次入場去滑雪世界的小貼士

跟據今次體驗,我總結了一些小貼士給大家參考。

1. 入場時間和離場時間是用入閘機計算,我訂了 3 小時的初級滑雪門票,計埋前後換衫的時間,實際時間估計只有 2.5 小時,遇上旺季,大家一定要預早半小時離場添(因為Locker 位一定超多人超混亂,同埋還衫都要排隊呀),否則被罰超時就不好了。

我地上次就真係超左時,仲要超左一小時五分鐘,心諗大獲會罰兩個鐘,點知 CS 又幾好人,問我超了五分鐘,而家係咪立即離開,我回答是,結果都只是罰了一小時超時費用。

2. 記得自備手套和襪子。如第一次滑雪沒有手套,現場有手套購買,價錢 $78 一對 。(一定要有手套才可以滑雪的,如果沒有就現場購買吧。)

3. 場內的一些鎖裝備的架,但要自備鎖。

4. 場內有魔氈和纜車,玩完一次後可以企在魔氈上,魔氈會送番你去小熊道或初級道的起點。魔氈和纜車是任用不用額外再收費(不似一些韓國滑雪場纜車要額外收費)。

5. 剛才提過,廣州融創滑雪世界其實是位於融創茂商場內,商場裏有港式茶餐廳,或一些香港人喜歡的探魚、喜茶,還有 M 記和 Pizza Hut,總之有好多餐廳選擇,午餐晚餐在這裏不成問題,低價至中價餐廳都有。

6. 因為香港去融創雪世界需時,建議大家最少都住一晚,融創內有三間主題酒店,價錢最便宜,地方亦最方便是堇山酒店(預訂按此),房價一千元一晚左右,亦是最近雪世界的,由堇山酒店步行至雪世界大約步行 15 分鐘。關於融創住宿,請參考另文:廣州融創如何選酒店

7. 一定一定要預先買票,閒日還有機會現場能買到門票,但星期五、六、日,或長假期的門票有可能好早已經賣完,所以我建議大家早最少一星期前在網上預先購票,Klook 門票購買網址:
https://www.klook.com/zh-HK/activity/23416-sunac-snow-park-admission-ticket-guang-zhou/?aid=16&aff_ext=GuangZhouSnowPark

8. 在國內 Call 的士,最好預先安裝好最多人用的 DiDi 滴滴出行 手機 App,並連上香港信用卡,咁樣 Call 車最方便。

9. 跟據今次經驗,因為初級道都幾刺激和長,好多人都未識得停四圍衝四圍撞,所以好大機會被人撞到(我就被人大力撞低過一次,痴線架),所以善意提醒一定要買旅遊保險。(有時唔好話被人撞,如果我地撞到人無買旅遊保險一樣大獲。)我就搵過幾間保滑雪活動意外,而且價錢有折既旅遊保險優惠

– Starr 旅遊保險– 寫明保障業餘運動,如滑雪等有保障,亦會保因疏忽導致第三者身體意外受傷的保障,另外 Starr Insurance 連遺失手提電話都保,在大陸俾人偷左手提電話都有得 Claim 番少少。我搵埋 Starr Insurance 官網 8 折推廣碼 「50DSL10D」俾大家,去以下官網在優惠碼一欄輸入就有 8 折。
購買網址:https://runhotel.starrinsurance.com.hk/

AIG旅遊保險 – 購買優悠計劃、超卓計劃、會有人身意外保障和個人責任保障(最高賠 2 百萬)。只要透過以下連結購買 AIG 旅遊保險,就會有額外 9 折,購買網址:https://buy.aig.com.hk/aigb2c/tws/View/Travel/b2c/TravelInfo.jsp?camp=RHOTEL&lang=tc

 

融創雪世界門票購買網址
https://www.klook.com/zh-HK/activity/23416-sunac-snow-park-admission-ticket-guang-zhou/?aid=16&aff_ext=GuangZhouSnowPark

✻✻✻   大家如果還有什麼關於融創的問題,不妨可此留言告訴我  ✻✻✻

最後,如果大家睇到呢度,應該都大概對廣州融創雪世界有初步的了解,我地仲製作了廣州融創雪世界懶人包影片,方便大家可以 Share 俾唔想睇字但又想了解一下既朋友。

 

關於廣州融創的其他主題樂園,或住宿體驗,大家可以去以下文章參考:
廣州融創雪世界
雪世界娛雪區
廣州融創套票優惠
融創堇山酒店入住體驗
– 融創水世界(全攻略)
廣州花都融創樂園體驗遊記!

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



143 Comments

  1. 請問玩雪區兩個鐘頭內, 是否有”真雪”飄飄呢? 這是我小朋友最期待! Thanks!

    Reply
  2. 請問如果大人入場照顧小朋友,但唔滑雪,可以嗎?如何收費?

    Reply
  3. 請問滑雪區/ 跟教练滑雪有冇年龄限制? 例: 4 .5歲的小朋友能否玩?

    Reply
    • 已幫你問過,暫時滑雪區/沒有年龄限制, 4、5 歲的小朋友都可以跟教練學。當然我個人就建議大人最好跟埋入場睇住小朋友安全(最怕唔識玩既人撞埋黎)。

      Reply
  4. 現時流行兒童步行車, 如果可以加兒童滑雪平衡車玩就好了, 小朋友可以多一種玩意

    Reply
    • 官方回覆我就話唔得。
      但我建議你去到現場再問下睇下政策有冇改變(因為我都覺唔俾出去食飯好白痴…. 反正都買左一日票)

      Reply
  5. 請問搵教練1對2,可一個學單板,另一個學雙板嗎?費用怎計算?

    Reply
    • 幫你問過,要請兩個教練呀。(我都覺得你要請兩個,因為如果只請一個,第二個人就要白等一個鐘後先有學,咁仲浪費時間)

      Reply
  6. Miss Chan

    想問下,入面三間酒店邊間最好?係咪萬達文華最高級?

    Reply
  7. 請問滴滴出行個apps, 可以不用支付寶和wechat pay 付款嗎?香港信用卡都得嗎?

    Reply
  8. 請問如坐直通巴士到達花都聚喜萊國際大酒店後,一定要用apps call 的士嗎?在街上揚手打的容易嗎?

    Reply
  9. 知道融創會包雪衣同雪鞋到娛雪區玩樂,但請問客人可不可以穿回自己帶去嘅雪衣或雪鞋呢?
    另外,朋友仔有185cm高,穿US13.5號鞋,請問知不知道融創能否提供合適衣服及雪鞋?

    Reply
    • 1. 當然可以穿自己帶去的雪衣或雪鞋。
      2. 我答唔實你,但我諗唔會無掛。(咁仔細可能你要問官網了)

      Reply
    • 是,兩者分開收費,需各主購買門票。

      小朋友玩過滑雪未?如果未,第一次去滑雪區都建議請教練(價錢可以睇番上圖)。唔請教練都玩得架,當然無人教過一定唔會識玩。

      如果只係去玩雪,當然 8 歲可以去娛雪區,咁就一定岩,娛雪區介紹可以睇呢篇:
      https://www.runhotel.hk/snowworld-enterain

      Reply
  10. 看到次卡吸引但不包雪具,現場可以淨租雪具(我玩ski)嗎???衣服自己護具我自備的,謝謝

    Reply
  11. 8月暑假當節日呀。
    正常無得預約教練,但我上次認識到一位服務人員,他或者可以幫你預約。
    你去wechat 加 gaibian708392,叫小岩

    Reply
  12. 請問購買娛雪區門票入場, 是否不能嘗試滑雪?
    如若購買初級滑雪門票入場, 請問可以進入娛雪區嗎?

    Reply
  13. 您好,想請問融創雪世界裡面有提供可以盥洗的地方嗎?謝謝你!

    Reply
  14. Anonymous

    系咪只有雪世界是限時?水世界同融創樂園門票入去不限時?

    Reply
  15. 我想帶2歳的小朋友去滑雪,請問入場有沒有年齡限制呢?

    Reply
  16. 我想帶兩歲的小孩子去滑雪,請問融創雪世界入場有沒有年齡限制的?

    Reply
  17. 我想問LOCKER 可唔可以放得入手提行李箱(20″)?
    另外教練假期會唔會FULL BOOKING? 有冇講英文/廣東話?

    Reply
    • Locker 無咁大架。(唔記得有冇得寄存)

      多人既話教練總有機會 fully book ,我俾個 wechat 你,你可以去之前幾日 wechat 佢約教練。
      Wechat ID: gaibian708392

      Reply
  18. Can walk to 雪世界 from 花都聚喜萊國際大酒店 ? If so, how long does it take?

    Reply
  19. 滑雪用具可否更換,例如租了單板但發現玩不了,再去換雙板玩可以嗎?

    Reply
    • LOCKER 入唔到,但佢有櫃台幫人寄存,唔好放佢度,因為我地就係前一日 問定佢話會可以寄存,中咗招,果日換衫拎裝備已經浪費時間,個行李箱問邊度收行嚟行去比佢老點,我覺放係酒店幫我寄存,玩完對面酒店拎番,唔駛拖住行李嚟行去,最緊要係浪費玩嘅時間,唔好買3個鐘,要買4個鐘

      Reply
  20. 請問
    如果我買咗 中、高級有不限時門票,是否只可以在中,高級滑雪道?可以去初級雪道玩嗎?

    Reply
  21. 想問滑雪場內有冇食肆?商場入面的食肆同滑雪場係係同一個商場入面?如果去商場入面的食肆食野,會吾會計出左滑雪場吾比再入返去?

    Reply
  22. 請問自己帶滑雪鞋的話,可以配搭到現場提供的滑雪板嗎?(both ski and snowboard)

    Reply
  23. 你好,我想問是不是買了三個娛樂區門票就可以玩了,大門門票要買嗎?小孩有什麼要求不能玩,例如身高

    Reply
  24. 1. 請問如果玩單板都係包哂所有嘢嗎?除咗手套要自備。

    2. 如果買 中、高級不限時門票, 係咪都唔可以出去食嘢再入場?

    Reply
    • 1. 請問如果玩單板都係包哂所有嘢嗎?除咗手套要自備。
      無錯,玩單板都一樣包滑雪服、滑雪鞋、頭盔和滑雪板。手套記得要自備,否則就可以去到現場買。

      2. 如果買 中、高級不限時門票, 係咪都唔可以出去食嘢再入場?
      呢個真係佢地缺點,不限時門票都唔可以出去商場食野,只可以係入面 D cafe ,或者 KFC 度食,而家有 KFC 了。

      Reply
  25. 想問下雪區滑雪,有咩要自己帶?

    我見上面話唔駛帶雪服
    但我經旅行社買套票時,佢話唔包冇得租借,一定要自己帶,而且到時買又會計響入場時間內‍♀️

    咁係咪一定要買?

    Reply
    • 我地建議大家去 hopetrip 或 Klook 度訂,會包雪服,我唔知你邊度訂,會唔會有個別旅行社賣d 好平既套票但唔包雪服我就唔知喇

      Reply
  26. 請問如果想同一日玩曬滑雪及娛雪區,可唔可以一次過買晒兩邊門卷而唔駛再出去又排過隊又換多一次衫?謝謝

    Reply
  27. 請問啲gear乾唔乾淨? 尤其係對boot?

    另外溫度幾多?零下三四度定零下十幾20度?

    謝謝

    Reply
    • 對 Boot 唔知點樣先叫乾淨,我會形容同香港溜冰場既鞋咁囉….

      官方資料係室內溫泉係 -3℃至-5℃

      Reply
  28. 請問啲gear乾唔乾淨? 尤其係對boot?

    另外溫度幾多?零下三四度定零下十幾20度?

    謝謝你

    Reply
    • 對 Boot 唔知點樣先叫乾淨,我會形容同香港溜冰場既鞋咁囉….

      官方資料係室內溫泉係 -3℃至-5℃

      Reply
  29. 請問如果想同一日玩曬滑雪及娛雪區,可唔可以一次過買晒兩邊門卷而唔駛再出去又排過隊又換多一次衫?謝謝

    Reply
    • 可以一次買晒兩邊既飛,但問題係一定要又出又再排過隊。

      因為佢地計時係用「入閘機」計時,你點都要出閘後,再入番閘玩另一邊。

      Reply
  30. 請問融創茂附近容易找到的士去花都聚喜萊國際大酒店嗎?因為回程可能要坐永東(班次比較多) – 農歷新年期間去

    Reply
  31. 資料非常詳細及有幫助!

    如果買上下晝滑雪票,要唔要出黎又再入過去換衫﹖

    節假日係咪有飛都要排幾個鐘先入到去?

    Reply
    • 1. 上下晝滑雪票,要唔要出黎又再入過去換衫﹖
      答:你係咪講緊買全日?如果唔出閘,就可以唔洗換衫囉,而家入面有 KFC 。

      2. 節假日係咪有飛都要排幾個鐘先入到去?
      答:咁又應該唔洗….

      Reply
  32. 想問下..想同小朋友玩娛雪區, 小朋友1.2米以下..4.5YEAR OLD..是否都要買票和大小同價?? 謝.

    Reply

留言