話咁快就年尾啦，係時候要 Plan 吓聖誕節有咩節目啦！各大酒店都陸續推出住宿優惠，Runhotel 小編整理咗各優惠俾大家做參考，聖誕住宿優惠低至 HK$1,650 起。留意房價是文章發佈當日預訂的價錢，酒店房價會隨供應每日調整架，一切價錢以官網為準。

富豪九龍酒店「冬甩奇幻聖誕」住宿計劃 HK$1,499 起

富豪九龍酒店推出「冬甩奇幻聖誕」住宿計劃優惠，二人入住行政樓層高級客房住宿一晚連半自助午餐只需 HK$1,499 起（連服務費 HK$1,649 起），兩大一細入住行政樓層高級豪華客房住宿一晚連半自助午餐只需 HK$1,899 起（連服務費 HK$2,089 起），二人入住行政樓層高級客房住宿一晚連晚餐套餐只需 HK$1,799 起（連服務費 HK$1,979 起），兩大一細入住行政樓層高級豪華客房住宿一晚連晚餐套餐只需 HK$2,199 起（連服務費 HK$2,419 起），包免費尊享行政貴賓禮遇、免費參加兒童冬甩工作坊、免費獲贈聖誕禮物包一份、免費客房聖誕佈置等！

入住日期： 2023 年 12 月 22 日至 2024 年 1 月 2 日（包含首尾兩天）
預訂網址：https://www.booking.regalhotel.com/

灣仔萬麗海景酒店佳節住宿套餐 HK$2,970 起

等咗四年，友邦嘉年華返黎啦，今次仲有得睇 UBS 瑞銀集團呈獻世界雜技團既表演。酒店就襯機推出咗中環海濱嘉年華妙趣假期、世界雜技團奇幻之旅兩個住宿優惠。冇打算去嘉年華，酒店另外仲有包含餐飲禮遇既節日美食探索之旅住宿優惠。

中環海濱嘉年華妙趣假期
價錢為每晚 HK$2,700（連服務費後 HK$2,970）起，包括園景或海景客房住宿、雙人早餐、於入住日之友邦嘉年華雙人門票連 20 枚代幣及快速通行證。
入住日期：2023 年 12 月 21 日至 2024 年 2 月 25 日（2024 年 1 月 12 及 18 日除外）
預訂網址：https://www.marriott.com/offers/central-harbourfront-carnival-fun-cation-off-94267/

節日美食探索之旅
價錢為每晚 HK$3,200（連服務費後 HK$3,520）起，包括園景或海景客房住宿、雙人早餐、HK$1,500 酒店餐飲消費（適用於萬麗咖啡室、Mirage Bar &
Restaurant 及客房餐飲部）。
入住日期：2023 年 12 月 22 日至 2024 年 1 月 1 日
預訂網址：https://www.marriott.com/offers/festive-gastronomic-discovery-off-94139/

機場天際萬豪酒店住宿計劃 HK$1,650 起

「見習聖誕老人體驗之旅」住宿計劃每晚 HK$1,650（連服務費後 HK$1,815）起（包半日體驗班）或每晚 HK$2,530（連服務費後 HK$2,783）起（包全日體驗班）。如果想另外帶多一位小童，每房每晚另加 HK$550（包半日體驗班）或 HK$900 （包全日體驗班） 。

住宿計劃包咗一名兒童（3 至 11 歲）4 / 7 小時體驗班，當中小朋友可以着聖誕老人裝束成為聖誕老人既助手體驗送禮日程；亦可以設換其他身份，於模擬場景中扮演職業角色，如新聞主播、飛機師等。另外更融合小廚師聖誕美點製作同 STEAM 聖誕主題工作坊。全日班體驗班已包括兒童午餐便當盒一份。

小朋友玩得開心，其他賓客就可以享用酒店室內恆溫游泳池、健身室等。住宿計劃仲包咗 HK$500 餐飲消費額、兩大一小自助早餐、免費穿梭巴士來往酒店 / 東涌站 / 機場同埋免費酒店泊車位。

入住日期：2023 年 12 月 23 至 25、30、31 日及 2024 年 1 月 1 日
預訂網址：https://www.marriott.com/

中環四季酒店聖誕住宿優惠 HK$6,450 起

四季酒店聖誕住宿優惠 每晚 HK$6,450（已連服務費）起，包括入住豪華客房或套房、雙人早餐、 HK$1,000 巴黎奢華時裝品牌 Lanvin 購物禮券、HK$1,000 酒店消費額添！消費額適用於水療中心療程、The Lounge 或 ARGO，想用嚟食返餐飽又或者係做 Spa 放鬆一下都冇問題！今次呢個住宿套票好啱一家大細齊齊入住， 2023 年 12 月 22 日至 2023 年 12 月 31 日，兒童可參與一系列酒店節慶活動；凡於 2023 年 12 月 24、25 及 31 日入住，就可獲贈精選節日禮物。

如果 Budget 多啲入住套房的話，仲可以享雙人行政貴賓廳禮遇：於 2023年 12 月 24 及 25 日入住吓兩位客人可免費體驗維多利亞港遊船之旅，欣賞夜幕下的維多利亞港；於 2023 年 12 月 24 至 26 日、30 及 31 日，可免費於行政貴賓廳體驗香氛調香體驗工作坊。

預訂日期：2023 年 10 月 27 日至 11 月 11 日
入住日期：2023 年 12 月 15 日至 12 月 31 日
預訂網址：https://shopfourseasonshk.com/

────── 相關文章 ──────

【天水圍嘉湖海逸酒店開放週優惠】超近深圳灣口岸！標準客房月租 HK$13,888 起設微波爐、指定房型連租 2 個月以上可享減高達 HK$3,000，大部份房型配套全套廚具！

【澳門酒店優惠】百老匯酒店HK$524 起、澳門安達仕酒店HK$851 起，免費迷你吧，任玩天浪淘園！