【深圳前海消費券】香港人都拎得！最多400元，適用於山姆、卓悅INTOWN、壹方城等
深圳又有著數喇！深圳前海微信公眾號公布推出「前海來此購」計劃，一共會發放 2,000 萬嘅人民幣消費券。消費券分為兩個階段發放，首階段為 9 月 25 日至 10 月 6 日， 第二階段於 10 月 7 日至 10 月 15 日。微信用戶用內置 QR Code 即可領取，而抖音用戶喺 App 入面搜尋「前海來此購」就可以領取。由於呢個活動係適用於地理位置喺深圳嘅人，所以香港人放假北上玩嘅時候都可以領取，喺領取後 48 小時內使用就可以喇！
今次嘅消費券適用於深圳前海山姆、萬象前海、前海卓悅 INTOWN、前海壹方城等人氣商場（記住今次係前海區送，一定要前海指定商店先用得）。消費券可以分為 30、60、120、200及 400，5 個金額，消費滿指定金額就可以有折扣，最多消費滿 $1,000 就可以減 $400，每輪每人最多領一張，先到先得。跟據條款，領券後需在抖音支付進行結算，領券後有效期只有 48 小時，過期後會自動失效。
深圳寶安前海近期仲有新景點「室內潮玩街區 HOP-DX」，可以俾大家去玩足一日，另文介紹：https://www.runhotel.hk/bayarea/hop-dx/
▼香港人都可以拎！
來源：FB@前海管理局
相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！
相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！
