【清遠長隆森林王國介紹】2025 年 1 月開業，占地面積相當於 9 個廣州長隆面積！附交通、門票價錢等
清遠長隆於 2025 年 1 月 25 日開業，清遠長隆森林王國，嶄新嘅森林主題旅遊勝地，結合自然生態、親子樂趣同創新設計，為遊客打造前所未有嘅精彩體驗。清遠長隆係長隆集團繼廣州長隆同珠海長隆之後，喺粵港澳大灣區推出嘅第三個世界級旅遊度假區，占地面積相當於 9 個廣州長隆面積，充滿期待！
相關文章：
清遠長隆長頸鹿城堡酒店
清遠長隆長頸鹿城堡酒店自助晚餐
文章目錄
門票價錢和最平預訂網址
- 標準票：HK$277
- 兒童票：HK$192
- 長者票：HK$193
- 青少年票：HK$220
- 雙人票：HK$562
- 1 大 1 小親子票：HK$475
- 2 大 1 小家庭票：HK$755
▼門票▼
Runhotel 幫你搜尋最平預訂價錢
▼酒店套票▼
Runhotel 幫你搜尋最平預訂價錢
清遠長隆園區地圖
園區以中央大草坪為中心，圍繞住鸚鵡雨林、猿林猴島、英熊谷、長頸鹿大草原等足足有 10 個主題區域，重現咗由南美熱帶雨林到非洲大草原等自然生態環境。
行程規劃攻略
建議遊玩時間
森林王國真係好大，一日未必玩得完。如果想全部體驗到，最好安排兩日一夜，入住清遠長隆長頸鹿城堡酒店。園區開放時間一般係10:00-18:00，不過具體以景區實際營業時間為準。
必玩項目排序
以下係園區必玩嘅項目，建議你可以根據排隊情況合理安排：
- 蒸汽火車穿越大非洲（必玩，可以見到好多動物）
- 獅王摩天輪（可以鳥瞰整個園區，最好正點上去睇動物大遷徙）
- 英熊谷叢林攀爬（玩刺激就揀紅色道，但16:00就結束啦）
- 中央大草坪（觀賞《森林總動員》表演）
- 小蟲大世界（有花叢過山車、瓢蟲飛機等機動遊戲）
- 猿林猴島（同猴子近距離接觸）
Day 1：森林探索之旅
▼記得一入園就影低劇場演出同大巡遊嘅時間表呀
▼入園大門口就有面部彩繪
鸚鵡雨林
當日 坐 8 點幾鐘的香港高鐵，再到深圳北轉車，再轉到清遠清隆站，小編 11 點半就入園就嚟到清遠長隆森林王國，首先去嘅就係鸚鵡雨林區域。呢度係探秘雨林生態嘅絕佳地方，見到五彩金剛鸚鵡、太陽鸚鵡同埋巨嘴鳥，仲可以近距離感受佢哋嘅機敏同活力。
▼影緊鸚鵡嗰陣，一轉身突然見到變色龍就喺身後
中央大草坪
之後我哋嚟到園區中心點 – 中央大草坪，這樣有各式不同種類的鳥類。
孖寶劇場表演
睇完中央大草坪嘅表演之後，我哋去咗孖寶劇場。呢個劇場外形真係特別，好似一隻巨大昆蟲隱藏喺林間，入面嘅人偶劇表演超級精彩。
蒸汽火車遊覽與動物大遷徙
千年神樹之後，終於嚟到今日最期待嘅項目 – 蒸汽火車穿越大非洲！搭上復古嘅蒸汽小火車，全程大約 35 分鐘，沿途見到好多珍稀動物，包括彎角劍羚、火烈鳥、非洲象群、河馬、犀牛、斑馬、長頸鹿等等。
Tips：如果要影到最靚嘅相，記得揀火車前進方向嘅左邊座位，因為大部分嘅動物都喺嗰邊。等火車嗰陣時可以先去領取火車票，右邊排隊係上1/2號車廂，左邊排隊係上3/4號車廂。
▼清遠雞呀
▼行程中可以見到唔同品種嘅羚羊，包括彎角劍羚、水羚同藪羚。呢啲羚羊身手矯健，經常成群出沒，係草原上嘅常見居民。
▼火車路線會經過長頸鹿群棲息嘅區域，你可以近距離觀察呢啲高達 5至 6米嘅溫柔巨人長頸鹿。見到長頸鹿悠閒漫步喺草原上嘅景象，絕對係拍照嘅最佳時刻！
▼清遠長隆森林王國擁有國內規模最大嘅非洲象遷地保護種群。坐上蒸汽火車，你可以近距離觀賞到呢啲體型龐大嘅動物。佢哋通常會喺水邊聚集或者喺草地上覓食，場面相當壯觀！
▼當火車經過水域嘅時候，你可能會見到河馬。河馬通常會半浸喺水中或者喺河岸附近活動，有時候只露出眼睛同鼻子，好有趣！
獅王山摩天輪
離開咗蒸汽火車站之後，我哋向獅王山進發。登上獅王山可以近距離探索非洲獅，仲可以乘坐獅王摩天輪。坐摩天輪時可以俯瞰整個園區，風景超級靚！
搭完摩天輪落嚟，剛好遇到「動物大遷徙」嘅起點，可以欣賞到「動物大遷徙」嘅壯觀場面
千年神樹
之後我哋行去千年神樹區域，呢度係去搭蒸汽火車嘅必經之路。千年神樹好壯觀，整棵樹好高大，我哋行經長頸鹿餐廳就到咗千年神樹。呢度都係影靚相嘅好地方，感覺似置身喺神秘嘅原始森林一樣！
▼仲見到孔雀開屏
大巡遊
大約五點鐘，小編準時去到觀賞園區嘅大巡遊。啱啱到日落時分，巡遊嘅花車同表演好精彩，啲演員嘅服飾色彩繽紛，音樂節奏明快，氣氛好熱鬧
Day 2：深度探索之旅
電瓶車遊覽
第二日一早喺酒店食完豐富嘅自助早餐，我哋就坐電瓶車遊覽園區， 20 蚊人民幣一位，電瓶車可以更輕鬆地遊走於園區各處，節省體力之餘，導遊仲會介紹沿途嘅景點同動物知識。
野象河谷
今日第一個探索嘅區域係野象河谷。呢度嘅生態環境做得好自然，讓大象好似真係喺非洲草原上咁。
猿林猴島
我哋嚟到猿林猴島，呢度可以步步驚喜偶遇猿猴大家族。最特別係狐猴部落，有近百只狐猴可以同遊客親密互動！我哋仲見到咗紅毛猩猩、合趾猿、蜘蛛猴等等，睇住佢哋喺樹上自由自在嘅跳躍，真係超級好玩！
袋鼠叢林
離開野象河谷之後，我哋去咗袋鼠叢林。呢度嘅設計模仿咗澳洲嘅自然環境，不過似乎今日嘅袋鼠喺度休息
▼仲遠遠地見到鴕鳥
長頸鹿大草原
係清遠長隆森林王國入面，長頸鹿大草原絕對係唔可以錯過嘅打卡勝地！呢個區域座落喺千年神樹同獅王山之間，重現咗非洲大草原嘅奇妙生態。一踏入草原區域，眼前就係一片開闊嘅景觀，成群嘅長頸鹿優雅漫步，成個畫面靚到爆！
你可以近距離觀賞到世界上最高嘅陸生動物 – 長頸鹿！園區引入咗幾種唔同嘅長頸鹿品種，有網紋長頸鹿、馬塞長頸鹿同埋安哥拉長頸鹿，啲長頸鹿高達5-6米，頸長可達2.4米，真係高到離譜！最搞笑係佢哋行路嗰陣成身優雅擺動，就好似行天橋騷咁，眼神仲好溫柔，令你忍唔住想同佢哋打招呼。長頸鹿大草原最特別嘅地方就係設有專門嘅餵食平台，俾遊客可以零距離同長頸鹿互動！
▼小編仲買咗條雪條邊食邊睇長頸鹿
▼除咗長頸鹿之外，草原上仲有斑馬、角馬、黑斑羚、彎角劍羚等非洲動物自由穿梭。最正嘅係，園方模擬咗非洲草原嘅生態環境，唔同動物之間相處得好和諧，就好似置身真正嘅非洲大草原一樣！
▼「長頸鹿高空轉杯」係清遠長隆森林王國嘅特色機動遊戲之一，位於園區內嘅「長頸鹿大草原」區域。呢個設施好似一個升高嘅旋轉木馬，搭上去之後就可以喺高處360度欣賞下面嘅長頸鹿群。
▼乘坐越野卡車，同動物親密互動體驗投餵樂趣， 168蚊人民幣一位，去到要預約咗先，今次小編就唔夠時間坐啦，全程需時 2 小時。
小蟲大世界
嚟到小蟲大世界區域。呢度係以「頑皮孖寶」故事IP原型創作嘅遊樂主題區，有好多機動遊戲，例如潮蟲木馬、蟲界快車、花叢過山車、狂蜂飛椅同瓢蟲飛機等等。
英熊谷
跟住我哋去咗英熊谷，呢度主要展出孔雀同棕熊。最刺激係戶外大型無動力攀爬遊樂設施 – 叢林攀爬，有四條參玩路線 – 步行探索線、綠色探索線、藍色探索線同紅色探索線。小編揀咗紅色道，難度高啲但更刺激！不過要注意，叢林攀爬16:00就結束啦，想玩嘅朋友記得早啲去。
▼英熊谷劇場嘅「三熊爭霸賽」表演真係精彩絕倫，虎躍熊跑狼嚎，強者對決嘅場面震撼到爆！小朋友睇到目不轉睛，連平時飲水嘅時間都唔願意走開。
猿林猴島
最後我哋嚟到猿林猴島，呢度可以步步驚喜偶遇猿猴大家族。最特別係狐猴部落，有近百只狐猴可以同遊客親密互動！我哋仲見到咗紅毛猩猩、合趾猿、蜘蛛猴等等，睇住佢哋喺樹上自由自在嘅跳躍，真係超級好玩！
▼仲會有小表演睇
▼喺清遠長隆森林王國正門入口附近，園區貼心設置咗一排自助式嘅儲物櫃，方便遊客存放行李同唔方便攜帶入園嘅物品。尤其係啲帶住大型行李或者重物嘅朋友，用呢啲儲物櫃真係方便好多！儲物櫃分為大、中、小三種唔同尺寸，收費都唔同。細櫃大約可以放背包同少量隨身物品，收費係20蚊一次；中櫃可以放旅行喼同較大嘅包袋，收費係30蚊一次；大櫃就可以放大型行李箱或者多件物品，收費係50蚊一次。
餐廳推薦
- 長頸鹿餐廳：提供東南亞風味、非洲風情、大江南北無國界融合特色美食，仲可以喺露台親自餵食長頸鹿
- 獅王餐廳：可以邊食飯邊觀賞獅子
- 小熊大廚：有兒童套餐，適合小朋友，蟲蟲餐廳就要三思，因為有遊客反映食物麻麻地
▼長頸鹿餐廳係森林王國最受歡迎嘅餐廳之一，座落喺千年神樹附近。最吸引人嘅地方就係可以全維度欣賞非洲草原嘅美景，同埋近距離同長頸鹿接觸！真係邊食邊睇長頸鹿，好特別嘅體驗啊！
▼獅王餐廳：最特別係坐喺窗邊就可以邊食飯邊觀賞獅子
▼小熊大廚餐廳：小熊大廚餐廳以義大利餐為主，裝修風格溫馨可愛，特別適合親子家庭。餐廳有兒童套餐，啱小朋友食。
清遠長隆森林王國必備遊園貼士
- 晚上17:00後有大巡遊，唔好錯過
- 每逢整點都有非洲大遷徙表演，喺獅王摩天輪頂部可以一覽無遺
- 英熊谷劇場嘅「三熊爭霸賽」表演超級精彩，虎躍熊跑狼嚎，強者對決嘅場面震撼到爆！
交通資訊
由香港西九龍高鐵站出發：乘搭高鐵到深圳北站（車程約 20 分鐘），轉乘高鐵前往清遠站（車程約需 1.5 小時），從清遠高鐵站搭乘出租車或網約車前往清遠長隆度假區（車程約 30 分鐘），全程約 2.5 小時。
由福田口岸出發：乘搭地鐵 4 號線到深圳北站（車程約 20 分鐘），轉乘高鐵前往清遠站（車程約需 1.5 小時），從清遠高鐵站搭乘出租車或網約車前往清遠長隆度假區（車程約 30 分鐘），全程約 2.5 小時。
磁浮列車：有K270和磁浮列車可到達，不過磁浮列車需要 10 元，出站後還需乘坐免費接駁車
小編去程係搭高鐵過去，係西九龍高鐵站出發去到深圳北，轉高鐵去清遠站，然後轉滴滴，大概 2.5 鐘就去到啦。
回程就揀咗永東直通巴，因為方便直接由長隆長頸鹿酒店出發，經深圳灣口岸返香港。全程大概 3 個幾鐘，但要留意喺深圳灣可能需要排隊過關，之後仲要再轉車去目的地。點解唔揀高鐵？因為回程嘅高鐵班次比較疏，時間選擇有限。所以建議大家如果想搭高鐵，最好提早一次過買埋來回程嘅車票，咁就可以預算好時間，免得臨時搵唔到合適嘅班次。
如果嫌轉車麻煩，其實永東直通巴係不錯嘅選擇。由 3 月 1 日起，永東直通巴每日有12班車往返清遠，其中一班會直達清遠長隆長頸鹿城堡酒店。由香港出發嘅班次早上9:10喺觀塘 apm 開出，途經鑽石山、旺角、葵芳、荃灣、屯門等多個站點；返程則下午3:30從酒店開出。票價成人單程$130，小童同長者每位$90，非常方便！如果唔趕時間又想輕鬆啲，可以考慮呢個選擇！
營業時間
地址：清遠市清城區長隆旅游度假區清遠辦公樓西側約100米
營業時間：平日 週一至週日 10:00-18:00（具體以實際營運公告為準）
▼門票▼
Runhotel 幫你搜尋最平預訂價錢
▼酒店套票▼
Runhotel 幫你搜尋最平預訂價錢
如果你還未去長隆，長隆有廣州長隆和珠海長隆，詳細介紹可以參考以下文章：
【廣州長隆動物園攻略】香港點去長隆最方便？ 有咩動物睇？套票邊度買最便宜？
其它清遠酒店推介
【清遠森波拉松鼠親子酒店】溫泉+濕地島+水上樂園+恐龍公園，5月份新開業以森林為主題的小眾親子度假酒店
【清遠新世界酒店】Rosewood瑰麗集團旗下酒店，地處優質溫礦泉源地，遠離塵囂，每晚只需 HK$1,567 起，一家大細玩盡日本中央溫泉研究院認證的溫泉酒店！
珠海長隆宇宙飛船攻略
珠海長隆
珠海長隆交通篇
