自有光口腔評價？
問題
想要牙周治療，有冇去過自有光嘅師兄客觀評價，睇YouTube博主底下評論，自有光好似評價唔係幾好，有冇去過嘅師兄師姐客觀分享一下佢哋到底好唔好？
Lost your password? Please enter your email address. You will receive a link and will create a new password via email.
回覆 ( 8 )
自有光確實冇醫德，唔好去，我去佢果度檢查，醫生非常後生，睇著啱啱畢業嗰種，叫我剝牙同埋植牙，我覺得我牙齒還ok，就話返屋企考慮吓，去咗第二間牙科，都係照CT，不過醫生話我嘅牙齒唔需要剝牙，牙根同牙骨都好，杜牙根再做個牙套就可以喇，同埋自有光嘅收費真係貴，剝牙植牙要我萬幾蚊 🙄
咁冇醫德？睇自有光嘅廣告，好似佢哋環境幾好，以為大店，會可靠滴，冇唸到咁恐怖，一旦剝牙嘅話，就冇得翻轉頭，應該要謹慎滴。可能羊毛出喺羊身上，裝修好，收費肯定貴好多嘅，但係冇唸到牙醫咁冇醫德。
其實你杜咗牙根都無得返轉頭 😕
出面大把牙醫都後生啦，同埋每個牙醫都有唔同睇法建議，杜牙根同植牙都係處理壞死咗嘅牙嘅方法，唔睇得出有咩缺醫德喎
小弟琴日12點兩兜友去左深圳佳寧娜廣場洗牙，所謂香港品牌自有Light牙科診所。
入到去交左登記表格後等運到果陣，發現姑娘叫病人名時，叫十次有五次冇人應機，呢個係第一個奇怪點。
等左一陣有人帶我地去照免費CT, 第二個奇怪點在此。明明帶我地去照CT的姑娘拎住左我地兩條友的表格，起行前都有確認過身份，亦睇住佢交左表格比負責照CT的職員，等我朋友照完後一陣，奇怪等咁耐未到我，先發現冇左我張表格，但我地兩條友明明睇住表格拎左入去，我地去果個時間人流唔多，睇住佢揾晒就係揾唔到。而且中間都有人嘈話明明佢到先，點解d 人走晒都未到佢，所以我感覺呢間診所個流程安排都幾亂。
到我朋友睇CT圖片和檢查牙齒，呢度最搞笑。因朋友本身1隻門牙有事，睇CT圖片都睇到牙骨短左好多隻牙鬆晒，果個不知是醫生或護士的人居然睇唔到(大佬呀！其實照CT和口腔檢查係咪做戲架)仲suggest我朋友做6千蚊的牙周病療程(其實只係牙肉少少發炎)。就算係牙周病，2年前我嚴重牙周病，揾香港醫生1年洗左3次牙，total 港幣 2,700 搞掂，只是洗牙洗得深d之ma, 唔洗話特別做咩療程。何解自有light會特別整個service收咁貴呢？佢覺得香港人特別笨嗎？麻煩揾sales 扮醫生都揾個視力正常的啦。呢個係第3點。
出返大堂等洗牙時，同之前一樣姑娘叫名冇人應機，跟住我同老友講：呢度伏味濃wow。跟住去第二間大陸本地既診所洗牙 128人仔，補牙最貴的480一隻，仲要唔洗等兩小時。
不要去自有光, 太多隱藏收費, 佢收左錢, 一個多星期後報價[箍牙], 除[箍牙]收費, 要另收一年後完成[箍牙]後的[固定牙套]20個, 費用要HK$15,xxx. 左右, 佢地話要每半年換一個, 10年要20個, 耍要另付此費用. 香港牙醫的[固定牙套], 是買一個$2000-$3000, 有問題才再買, 不像他們, 會用這樣屈錢. 真有問題.
唔錯，價錢平而且係香港牙醫睇，好過係香港收到貴一貴比智商稅
我一年前開始喺嗰度做箍牙，初初幾次診所都多人，排隊排好耐，不過近呢幾個月好似請多人咗人，等嘅時間快咗，個人覺得佢哋牙醫態度都幾專業幾好，重點係價錢真係比香港睇平唔少，幾好